Kategoriarkiv: barnekultur

Gebursdag i barnehagen

mai 7, 2014barnekultur, tankespinnGudrun

Me er i mai månad, kva månad passar bedre for eit innlegg om gebursdagar? I vår familie på fem, er det tre som er fødd i mai, inkludert underteikna.

Etter nokre år i barnehagen, har eg vore med på ein del variasjonar av markeringar gebursdag.

I starten av karrieren min, vart kvar unge feira med krune og valg mellom gele, sjokoladekake, is eller vafler. Dagen vart markert, anten på rette dagen eller dagen før. Dette gjekk stortsett smertefritt, bortsett frå ein gong då me putta varm gele inn i kjøleskapet. Det var ikkje lurt! Eg hugsar ikkje om noko mat vart øydlagt, men geleen vart iallefall ikkje litt stiv. Me feira òg sjølvsagt med song og rakettar eller kasting opp i lufta.

Eg har vore innom ein variant med at gebursdagsbarnet har fått velgje varmmat og frukt til dessert. Dette var jo stas, men det var mykje arbeid. Sunt var det forresten, med frukt framfor usunne alternativ til dessert.

No har me månadsmarkering i vår barnehage. Alle dei ungane som er fødde i ein månad, får saman velgje varmmat og dessert, og dagen vert oftast markert når den første ungen fyller år. I tillegg markerer me, på småbarnsavdelinga, med song, krune og eit laminert bilde av gebursdagsbarnet. På storavdeling har dei positiv runde. Alle ungane og dei vaksne seier noko positivt om den som fyller år, dette vert notert ned og printa ut som gåve frå avdelinga.

Nokre tips til ekstra markering, som alltid slår godt an når det er snakk om gebursdag;

1. Rakettar; Me skyter opp rakettar ved å klappe oss på låret og seie ååååå, fører hendene over hovudet og seier sjyyyyy. Me skyter opp så mange rakettar som ungen er år, ungane får velgje farge på kvar rakett. Hent fram skodespelaren i deg og slå deg laus.

2. Kaste ut av glaset; To vaksne tek tak i armar og bein på gebursdagsbarnet og kastar det «ut» glaset så mange gonger som barnet fyller år.

Korleis feirer de i din barnehage? Har de andre tips til aktivitetar?

Klem,

-Gudrun- som fyller år om 9 dagar <3

PS; Viser til innlegget om gebursdagsfeiring og mobbing som eg skreiv i vinter.

Ny song, eller nye vers iallefall ;)

november 1, 2013barnekultur, drama, dyr, samlingstips, små barnGudrun

Eg (og minsten) har dikta ny sang, eller vidare ført «Tre små griser» til «Tre små bukker» og fått ein ny eventyr sang!

Tre små bukker

Tre små bukker,
la lu la lu la lu.

Dei sang på brua,
la lu la lu la lu.

So kom trollet,
la lu la lu la lu.

Bukkane vart redde,
la lu la lu la lu.

Kva trur du så dei gjorde?
La lu la lu la lu.

Dei stanga trollet i fossen,
ha ha ha ha ha ha.

Stilig sang? Eg har berre sunge den saman med tre åringen, men ser ikkje vekk frå at eg tek den med i barnehagen. Trur denne funkar fint!

Lik gjerne Samlingsboksen på Facebook. Postar ein del andre ting der òg.

Klem, Gudrun, som fortsatt er stolt over klatringa på tysdag..!!

Hallo verda!

oktober 15, 2013barnekultur, boks, drama, kreativitet, magisk boks, samlingstipsGudrun

Velkommen til mi nye heimesida. Etter å ha blogga i godt og vel eit år, har eg no altså gått til det steget å kjøpe mitt eige domene. Valget fall på samlingsboksen.no. Grunnen til at eg valde samlingsboksen, er at gjennom dette året har samlingsboksar vore eit gjennomgåande tema på bloggen.

Eg er, som dei fleste lesarane av bloggen har skjønt, og ikkje minst; Ungane er, svært glad i samlingsboksar. Boksar der eg har liggande forskjelleg stasj som eg kan bruka i samlinga. Eg har hatt min del av rutine samlingar med kjedeleg innhald, og eg har òg planlagt mang ei samlingsstund. Men etter at boksen vart ein fast samarbeidspartnar, har eg, ungane og dei andre vaksne, fått det meir moro i samlingsstunda. Berre det å trekke opp edderkoppen, og la ungane «gjette» kva sang me skal synge, er så mykje meir spennande enn «Nei, no syng me vesle Petter Edderkopp, de. Ein to tre» Eitåringane likar samlingsboksar, toåringane likar det, tre- fire- og femåringane, seksåringane, tjueåtte åringane, knyte det til noko visuelt, noko meir handfast, fengjer mykje meir enn berre abstrakt prat.

Eg fyller jo boksen min med det eg finn på min veg, men den første gongen eg var med på ei samling der det vart brukt ein boks (sterk underdrivelse, for det var ikkje ein boks, men ei vakker, rosemåla kiste), var boksen/kista tom. Men sjølv med eit heilt tomt skrin, trylla Judith, som hadde samlingane, fram spennande sangar frå skrinet.

Velkommen til min nye heim, håpar du vil følgje meg vidare og sjå kor ferda går. Og deler du den med andre som treng det, er dei hjarteleg velkomne, og eg vert super glad <3

-Gudrun-

Ein treåring sine favorittar

oktober 4, 2013barnekultur, bevegelsessang, dyr, kreativitet, samlingstipsGudrun

I vår sang eg «Gå ein tur i Jungelen» for første gong for min eigen treåring, ein sang som eg hadde sunge nesten kvar dag saman med andre treåringar. Dette vart raskt ein favoritt som han valgde kvar gong han skulle legge seg ei tid.

Jungel-sangen

Gå ein tur i jungelen,

gå ein tur i jungelen.

Kva ser du der?

Viss du høyrer lydar,

viss du høyrer lydar,

kva kan det ver’?

Eg trur det er ein slange, ssssss

eg trur det er ein slange, ssssss

som ser etter litt mat,

som ser etter litt mat.

Gå ein tur i jungelen…osv

Eg trur det er ein krokodille, klapp, klapp, klapp

eg trur det er ein krokodille, klapp, klapp, klapp

som ser etter litt mat,

som ser etter litt mat.

Gå ein tur i jungelen…osv

Eg trur det er ein tiger, wreeeel, wreeel,

eg trur det er ein tiger, wreel, wreeel,

eg trur det er ein tiger, wreeel, wreeel,

som ser etter litt mat,

som ser etter litt mat.

Eg hapa’kje da verte meg,

eg håpa’kje da verte meg.

(eller saman med min eigen gut håpar eg det ikkje vert meg og deg eller oss 😉 )

Denne er med rørsler, som ein gjer ørlite før teksten, slik at ungane enklare klarar å henge med.

Det var favoritten ei lang stund, heilt til eg starta på småbarnsavdelinga, og begynte å synge tre små griser. Då adopterte han den som favoritt, rett nok ikkje like lenge, berre lenge nok til at han hadde lært den. 😉 Den skreiv eg opp att i ein post tidlegare i veka. Men som sagt, måtte han alltid avslutte med at «So leste mammao atte døri» slik at han fekk ei god og trygg avslutting på det heile.

No er det ein ny favoritt, som han kallar sjiraffen blaffen. Dette er ein sang som eg sjølv òg er veldig glad i, men som eg har brukt alt for lite i det siste.

Sjiraffen Laffen

Sjiraffen Laffen, gir alltid blaffen,

i om det er fløyte nok i kaffe’n.

Sjiraffen Laffen, sa sist eg traff’en

Ka-raf-el-vaff.

Tjo og hei på deg gamle venn,

tiddeli-tuddeli, smått om senn.

Rumba, samba og så ein vals,

høyr no eg synger av full hals.

Taratta-ta-ta….

Når eg var på stor-avdeling, dansa me alltid samba rundt i rommet mens me sang denne sangen, det har eg ikkje gjort i dei siste to åra med småbarn. Men kanskje eg skal ta den med inn i gymsalen, små barn dansar vel?Ein gong, om ikkje so lenge (??), skal eg begynne ta opp video. Vil du ha video med Jungel-sangen? Skriv ein kommentar, eller skriv det på Facebook.

-Gudrun-

som har greidd å ikkje løfte og ikkje bøyge seg so masse i dag, og går med ein nærsynt og eit langsynt auge enn so lenge.

Ro ro ro din båt

september 24, 2013barnekultur, bevegelsessang, boks, dyr, ferie, kreativitet, magisk boks, små barnGudrun

Som eg skreiv på Facebook så har eg fått vite at det finst fleire vers på Ro, ro, ro din båt. Når eg ser versa, reknar eg med at det er nytildikta vers 😉 Ser føre meg at her er det ein barnehage som har vore kreative, men eg veit ikkje. Ver snill å sei frå viss du veit opphavet!!

Ro din båt

Ro, ro, ro din båt,

ta din åre fatt.

Vuggende, vuggende, vuggende, vuggende

over Kattegatt.

Gyng, gyng, gyng din båt,

nedover ein bekk.

Viss du ser ein krokodille,

skrik og jag den vekk.

Ro, ro, ro din båt,

snart er vi i land.

Viss du ser ei løve,

må du brøle alt du kan.

No er me godt i gang med sangsamling saman med 1 åringane. Skal skrive litt om korleis me gjer det i ein annan post. Men ein ting som iallefall er viktig for meg når me har samling; det skal vere moro og det skal fengje barna. Dei skal sitte og følgje med fordi dei vil det, ikkje fordi me har sett dei i ein stol. (Me sit alle på madrass på golvet, fritt til å reise oss opp og gå)

Her ser du bildet av den fine båten som bur i småbarnsboksen min. Båten fann eg i min mann sin konteiner. Verdens største forundringspakke. For alle som lurer på om det var fleire båtar, så nei, eg fann berre ein. Men det var veldig mange kinadokker 😉

Er det nokon som har ein idè til kva eg kan bruke dei til? Dei som kjem med ein god idè, får ei dokke i premie 😉

Eg har òg fått spørsmål om kor eg har funne edderkoppen min, den store som ligg midt på bildet her 😉

Den er det dotter mi som har kjøpt på ein eller annan ferietur. Viss du ser slangen bak edderkoppen, så er den òg hennar… Ho har kjøpt mange forskjellige krypdyr oppgjennom åra. Eg har ein draum om å sette i saman samlingskassar til andre, for eg er veldig glad i ting som kan brukast med ein gong, og som slepp å planleggast så veldig. Eg, og sjefen min, er samlarar, me samlar på alt mogeleg som me kan bruke i samlingsstunder. Då har me alltid eit eller anna klart. Hmmm, spørs om eg skal ta turen inn på alibaba (nettside med alt mogeleg krims) og planlegge kassar… 😉 To be continued 😉

Ønskjer du deg ein boks? Har du laga deg boks? Samlar du? Korleis brukar du boksen? (Eg har sikker ti… den første, som var samlingsboks ala hjarteboksen, ein rimboks, ein auditivboks, ein munnmotorisk boks…etc etc…)

No poppar ideane til nye postar opp..! Har du ønskjer for bloggpostar?

klem, Gudrun

Vesle Petter Edderkopp

september 16, 2013barnekultur, bevegelsessang, dyr, små barnGudrun

Jepp, takka vera Veronica, så har eg lært ein ny versjon av Vesle Petter Edderkopp, som vist nok er den opprinnelege? I allefall rimar den, og er meir «korrekt» enn den andre versjonen som berre brukar «Hatt» som rimeord.

Vesle Petter Edderkopp,

han klatra på min hatt.

Så begynte det å regne,

og Petter ned han datt.

Så kom sola og skinte på min venn,

då blei det liv i Edderkopp,

som klatra opp igjen.

Fin? Det tykkjer iallefall me, og no brukar me denne versjonen i barnehagen, og sjølvsagt med mange andre slags edderkoppar. Lærlingen vår, Annette, er veldig glad i å synge om Store Petter Edderkopp….

-Gudrun-

Regler om kroppen

august 8, 2012barnekultur, reglerGudrun

Jenta mi vart storesyster til den minste broren sin då ho var 8 år, og ho sang sjølvsagt til babyen kvar kveld (mens han var inni magen). Ho sang Kari Bremnes sin «Berg og båre» som er ein aldeles fantastisk nydeleg sang, og gode gamle «Blåmann, bukken min». Den blivande storebroren, som var 5, sang «So ro lillemann» og diverse Bæ-bæ sangar.

Storesøstera laga ei lita fingerregle til vetlebroren som dei to brukar den dag i dag. Ho seier orda med rytme og tek på fingrane hans, og no seier er minsten med og seier orda.

Klovnen Kalle

går mot døra,

spiser på en

liten BANAN.

Regler om kroppen er morsomme, både for babyar og eldre ungar. Her er eit lite utval av regler eg hugsar frå min eigen barndom og har lært seinare.

Pannebein

Augestein

Nasetipp

Øyreflipp

Munnelipp

Hakeslipp

ooooog Dikkedikkedikk

Banka pao (panne)

kik inn vindauga, kik inn vindauga (augene)

Vri om lykkelen (nasen)

Turka seg på føt’en (haka)

og gå inn (munnen)

Denne under her pleidde pappa å seie til meg 🙂 So denne er takk til pappa 🙂 Har sett denne i fleire versjonar, men dette er min.

Kjemme ein liten rev,

likkande lakkande,

oppette bakkane.

Leita ette eit lite hus,

ikkje der,

men dikkedikke der.

Og her er ein for ryggen, som eg òg lærte som liten, trur det var av eit søskenbarn.

Fire bank i ryggen

Blodet strømmer.

Edderkoppen spinner,

krokodillen biter,

egget knuses…..

Regle for fingrane

Tommeltott

Sleikepott

Langemann

Gullebrand

og Lille Petter Spillemann

Og to tilslutt for føtene

Ei lita ært

ei lita ært

ei lita ært,

og ei stor stor bønne.

(og her kiler eg alltid barnet på magen og seier;

Og ei store store BØLLA)

Denne siste er det òg mange versjonar av, mannen min brukar ein annan, men dette er den eg høyrde som barn:

Little tå

Tå tilla

Tilla ros

Meggel fru

og store skrubbe hesten i skogen.

Alle desse har eg sagt i søvne tidleg tidleg på morgonen, for å få «sove» pitte pitte litt lenger 😉

Kos deg med siste sommar-resten! Las at Lærdal hadde hatt beste sommarværet i år… Så då har vel ikkje eg heller hatt så verst vær samanlikna med resten av landet (Stakkars resten av landet!!) I dag gjekk eg, unge flokken, søstra mi og mamma ein lang fjelltur, litt haustfølelse på toppen, men elles ein flott dag i fjellet!

-Gudrun-

Internasjonale edderkoppar

juli 31, 2012andre språk, barnekultur, dyrGudrun

Eg har lovt ein internasjonal Vesle Petter Edderkopp post, og den kjem her. Det er kjekt med slike sangar som betyr tilnærma det same, spesielt kjekt å bruke i barnehagen dersom det er ungar med fleire morsmål. Eit år så song me Fader Jakob på mange forskjellege språk, alle dei språka som var representerte i barnehagen det året. Me hadde òg tala frå 1-10 og dagsrytmen på alle språka.

Den engelske klatrar på eit vannrøyr.

Itsy bitsy spider klimed up the waterspout.
Down came the rain and washed the spider out.
Out came the sun and dried up all the rain,
and itsy bitsy spider climed up the spout again.

Den svenske klatrar opp tråden.

Imse vimse spindel klättrar upp för trå’n
ned faller regnet og spolar spindelen bort.
Upp stiger solen torkar bort allt regn.
Imse vimse spindel klättrar upp igjen.
(Takk til May Kristel for retting)

Den nederlandske er ei bille som klatrar på gjerdet.

Hanse panse kevertje,
Die klo meens op een hek.
Neer viel de regen
Die spoelde alles weg.
Op kwam de zon
Die maakte alles droog.
Hanse panse kevertje
Die klom toen weer omhoog.

Den finske klatrar opp tråden

Hämä-hämähäkki kiipes langalle
Tuli sade rankka, hämähäkin vei.
Aurinko armas kuivas satehen.
Hämä-hämähäkki kiipes uudelleen.

Den danske som klatrar på muren

Lille Peter Edderkop kravled op ad muren.
Så kom regnen og skylled Peter væk.
Så kom solen og tørred Peters krop.
Lille Peter Edderkop kravled atter op.

Den islandske klatrar på veggen

Kalli litli könguló klifradi’ upp á vegg
svo kom rigning og Kalli litli féll
Upp kom sólin og therradi hans kropp,
thá gat Kalli könguló klifrad upp á topp.
(denne stod med nokre bokstavar som me ikkje har i Norge, men eg «oversette» slik eg trudde det skulle vere)

Den tyske klatrar på eit vassrøyr

Die kribbel – krabbel spinne kriecht in wasserrohr,
dann kommt der regen und spult si wider vor,
dann komt di Sonne und trocknet das wasser ein.
und die kribbel – krabbel Spinne kriecht wieder ins Rohr hinein.
(Takk til Nina og Katja)

Den franske klatrar på rennesteinen.

L’araignée Gypsy monte à la gouttière.
Tiens voilà la pluie, Gipsy tombe par terre,
Mais le soleil a séché la pluie.
L’araignée Gypsy s’est endormie.
(Takk til Mette)

Den litauiske klatrar oppover.

Mažas mažas voras bando lipt aukštyn
Čia palijo lietus, numetė žemyn
Pašvietė saulutė, lietų išdžiovino
Mažas mažas voras lipti vėl mėgino
(Takk til Irene)

Eg lærte ein russisk song ein gong, eller ein song som eg trudde var russisk og handla om kjærlegheit og soldatar. Superstolt song eg den til ei mor i barnehagen, som var frå Russland. Ho kunne fortelje meg at det ikkje var ein russisk song, men ein kviterussisk, og at den ikkje handla om kjærlegheit, men om kakkelakkar…

Går ikkje god for skrivemåten, men her er den «russiske kjærleiksvisa» 😉

Jemand jemand jemand kokkoratski,
jemand, jemand, jemand kokkora.
Sovjetski soldatski, jemand kokkoratski,
jemand, jemand, jemand kokkora.

Takkar for alle tilbakemeldingar, og dersom du har Lille Petter Edderkopp-teksten på endå fleire språk, så fortel meg det gjerne!

-Gudrun-

Bæ bæ lille lam

juli 25, 2012barnekultur, dyr, kreativitetGudrun

Bæ bæ lille lam er ein sang som ungar er veldig glad i å syngje. I starten er det sjølvsagt den vanlege versjonen, men etterkvart som dei vert eldre, kjem dei til tiss- og besjfasen, ein fase som fengjer ei stund 😉 I barnehagane er det av og til konkurranse om kven som kan flest versjonar, og eg har til og med dikta eit vers sjølv, saman med ein gut i barnehagen. Guten er 15 år gammal no, og har sikkert gløymt verset vårt for lengst.

Her er vårt vers;

Bæ bæ lille lam,
klatra i eit tre.
Vesle treet knekte,
vesle lammet brækte.
Bæ bæ lille lam,
klatra i eit tre.

Vanlege bæ bæ lille lam
Bæ bæ lille lam,
har du noko ull?
Ja, ja, kjære barn,
eg har kroppen full.
Søndagsklær til far
og søndags klær til mor.
Og to par strømper til bitte vesle bror.

Nei-verset
Bæ bæ lille lam,
har du noko ull?
Nei, nei, kjære barn,
eg har ikkje ull.
Bonden var i går,
og klypte sine får,
så no har eg ikkje ull før til neste år.

Rømme-verset
Bæ bæ lille lam
ramla i ein dam.
Kunne ikkje svømme,
berre ete rømme.
Bæ bæ lille lam, ramla i ein dam.

Fise på restaurant-vers
Bæ bæ lille lam,
gjekk på restaurant.
Ville ikkje spise,
berre sitte å fise (eller grise)
Bæ bæ lille lam, gjekk på restaurant.

Onkel Skrue på fotballkamp-vers
Bæ bæ lille lam,
gjekk på fotballkamp.
Møtte onkel Skrue,
sparka han i hue.
Bæ bæ lille lam, gjekk på fotballkamp.

Skogsmaskin/akebrett-vers
Bæ bæ lille lam,
køyrde skogsmaskin (eller akebrett)
Skogsmaskina/akebrettet kresja
lille lammet besja.
Bæ bæ lille lam køyrde skogsmaskin.

Bleie på fotballkamp-vers
Bæ bæ lille lam gjekk på fotballkamp.
Kunne ikkje heie,
berre bruke bleie.
Bæ bæ lille lam, gjekk på fotballkamp.
(Takk til Gunnveig)

Tusse-tuss-vers, eit skikkeleg tabu-barnekulturvers.
Bæ bæ lille lam, møtte tusse-tuss.
Kutta av han tissen, gidde den til nissen.
Bæ bæ lille lam, møtte tusse-tuss.

Onkel Skrue på restaurant-vers
Bæ bæ lille lam, gjekk på restaurant.
Møtte onkel Skrue, berre spiste flue.
Bæ bæ lille lam, gjekk på restaurant.

Dette er eit knippe av dei versa eg kjem på med sommar-ferie-modus hjerne. Kan du fleire, så skriv dei i kommentar-feltet 🙂

Ha ein fin kveld.

-Gudrun-

Gått i gløymeboka?

juli 22, 2012barnekultur, bevegelsessang, dyrGudrun

Eg kjøpte meg ei (haha, kven trur på at det berre var ei?? Prøv heller tre) ny sangbok att i ferien. Ei bok om ting som ikkje måtte gå i gløymeboka. Eg bladde litt i den, og begynte å tenkje på kva sangar eg «hadde» som er gått litt i gløymeboka. Eg kom på to som var skikkeleg in då eg var nyutdanna førskulelærar, men som eg ikkje har høyrt att no i den seinare tid.

Ingen av desse er det eg vil kalle favorittar for meg, men det er enkle sangar som passar godt for små barn.

Den første kan nok sikkert mange allerede, men ikkje mange som brukar den no, kanskje?

La meg presentere deg for Dei tre små grisene og Ulven.

Med krøllet hale

Med krøllet hale og nese vis,

i bingen springer ein gris.

I søla den rullar seg rundt,

og trampar med alle dei fire små beina

i maten sin,

du store min.

Å fysj, fysja meg for ein gris du er.

(NB: denne har bevegelsar som eg kan skrive opp viss nokon ønskjer det, berre skriv ein kommentar)Denne trollsangen har eg berre høyrt i ein barnehage, den første eg jobba i og den ungane mine har gått i.

Det var ein gang eit troll

(melodi; Napolion med sin hær)

Det var ein gong eit troll som gjekk ut i måneskin.

Det var ein gong eit troll som gjekk ut i måneskinn.

Men så kom morgensola,

og skinte ned på jorda.

Og trollet sprakk og alle dyrene dei ropte TAKK!!

Eg vert veldig glad viss du kommenterer i bloggen. Kom gjerne med forslag til gløymde sangar, og forslag til ting/sangar eg kan skrive om. Eller berre sei hei, slik at eg veit du har vore innom 😉

-Gudrun-