Alle innlegg av Gudrun

Ein bitte liten bokse oppdatering :)

boks, kreativitet, magisk boks

No er boksen innvidd i barnehagen, både med «mine» toåringar og treåringane på gruppa over oss. Det magiske ordet for å få opna boksen vart Abrakadabra. Litt vanskeleg ord å seie, men òg veldig morosamt ord.

Det som, for meg, er aller mest moro med Abrakadabra, er at eg kan «lure» ungane med «Hokkus pokkus». Seie med magisk stemme «1-2-3; Hooookuus poookuuus filiooookuuus» men INGENTING skjer, boksen opnar seg ikkje, KVA er problemet?? Då kjem dei fram til at det er feil passord 😉

Det er pr dags dato ein krokodille, slange og tiger i boksen. Når alle tre dukkar opp, er det «Gå i jungelen» som er sangen. Elles kan tigeren dukke opp saman med løva (handdokke som ligg attmed Sabeltannkikkerten), då er det «Ein tiger er for diger»-sangen. Den omtala kikkerten kan brukast til Sabeltann og Sortebill. Det er to edderkoppar oppi, ein «bitte liten» og ein DIGER, han kan òg vere sint 😉 (Ved nærmare ettertanke kan òg den vesle verte eitrande sinna…. *been there – done that*)

Det er ein liten frosk oppi boksen, som kan vere «MÆ sa ein liten grøn frosk» eller «Små rumpetroll» som kan dukke opp (ved nærmare ettertanke, igjen, så veit eg ikkje om eg har sunge Små rompetroll nokon gong, frivillig iallefall)

Ole Brum-korta om kjensler, ABC og 123 aktivitetskorta snakka eg så vidt om i forrige post. Dei kan brukast masse! ABC-korta har vore ein slager i heile haust, korta om kjensler er veldig flotte <3 Akkurat passe enkle til 2 åringane, eg har kjøpt dei i ein bokklubb, eller dei kom i ein bokpakke, så eg veit ikkje kor enkelt det er å få tak i dei. Men viss du får tak i dei, så er dei anbefalt. ABC og 123 er å få kjøpt på homeparties. 😉 (I ein butikk nær deg, mange kjekke forhandlare rundt om i landet!)

Marakassen som ligg oppi der, er òg heilt perfekt til formålet, akkurat passe høg, eller lav, lyd. Kjøpt på ein barnehagebasar frå Forut for sikkert 15 år sidan. Jepp, her er jenta si som tek vare på tinga sine 😉 Og så er der ein fisk 😉

Også den vesle raude boksen, som eg fekk som kommentar frå ungane; «Sliken har me òg heime, me har julepynt i den!» Eg måtte berre innrømme at eg òg hadde hatt ein slik til å ha julepynt oppi, men eg hadde ikkje julepynt til å ha oppi meir, for juletreet mitt hadde kvelva… (veldig morosamt for dei vaksne) Legg merke til det, folkens, det er ein kunst å treffe både barn og vaksne med ein «førestilling», du må legge inn nokre skjulte poeng til dei vaksne 😉

Viss du likar bloggen, del gjerne den eller facebooksida med andre. Så kan me revlusjonere barnesangverda i Norge saman 😉 :-*

-Gudrun-

Endeleg; den magiske boksen

boks, magisk boks
Endeleg! No er den mykje omtala boksen min ferdig. Det er veldig enkelt å lage seg ein slik boks, så her kjem ei lita oppskrift.
Du startar med ei pappøskje, skoøskjer passar supert. Eg brukte ei stor ei, for eg har masse eg vil ha oppi.
For å gjere øskja litt finare, klær eg ho med papp. Denne gongen vart det rosa og raud papp. Eg brukar limstift til å feste pappen. For å forsterke den magiske boksen min, har eg hatt på gaffateip/McGyver-teip; det ser jo ut som sølv!! Vakkert 😉
Eg vurderte å klistre på artige bilder av dyr, blomar og anna, men eg enda opp med kun eit raudt hjarta! Det enkle er ofte det beste <3
Er ikkje boksen min fin??
No har eg starta på jobben med å fylle inni den. Den inneheld nokre kort om kjensler, frå Go’boken, ABC-kort og 123-kort frå Sjarmtrollparty, nokre dyr frå bl.a. Forut, ikkje mindre enn 2 edderkoppar, sidan dette er og blir ein favorittsang blant toåringane mine. Eg har òg arva ein gummislange frå dotter mi, sidan «Gå ein tur i jungelen» òg er ein favoritt.
Elles inneheld den sjølvsagt sangkort ala Gudrun. No syng me Bamsens fødselsdag, Lillebrors vise, Kom vesle kvite snøkorn og andre snøsangar. Og me har begynt å øve oss på Mikkel Revs vise, for me skal nemleg vere revar på teateret vårt (ala karneval) om Hakkebakkeskogen. 😉
Dessutan, som du kan skimte på det første bildet; ein vakker, raud, liten boks, som sikkert kan brukast til noko spennande, og eit rytmeinstrument.
«Kom aldri tomhendt til ei samling»
Kom med fleire tips til kva DU ville hatt i DIN boks, me lærer av å dele med kvarandre!
-Gudrun-

Januarpostane

boks, kreativitet, magisk boks, samlingstips

Eg har jo ei Facebook-side der eg har skrive litt om planane for bloggen framover. Men eg tenkte eg skulle skrive det her òg, i tilfelle eg har lesarar som ikkje «likar» Facebooksida mi 😉

Eg skal skrive to postar i jaunar, i tillegg til denne. Den eine skal handle om Snøsangar (sjølv om regnsangar hadde passa bedre hjå oss akkurat no…) og den andre, som eg gleder meg veldig til, skal handle om min nye boks, som er under utarbeiding. Boksen, som eg skal bruke i samlingsstunder, inneheld til no ABC-kort, 123-kort, kort om følelsar, ein liten edderkopp, og ein stor edderkopp, ei løve, eit rytmeinstrument og ein frosk. Ja, og ein heilt magisk, liten, raud boks. Den store boksen er pr i dag berre ei vanleg skoøskje, men snart skal den dekkast med ein fin papp, og KANSKJE kledast med eit flott stoff. Gledar meg til å vise dykk den, for eg veit den vert fin. Eg kan dette med boksar 😉

-Gudrun-

Ein julesang alle ungar er glad i :)

bevegelsessang, jul, salmar, vinter

Eg har sagt det før, og seier det igjen; Bevegelsessangar er moro!! I rekkja med «Gudrun grev fram nynorske julesangar» er me komne til ein undervurdert julesalme. Dette er ein julesalme som må syngast ståande, det er forresten alltid bedre å stå når ein syng, men det er jo sangar som ikkje kan syngjast sittande. Dette er ein av dei!

Å jul med di glede
Å jul med di glede og barnlege lyst
me ønskjer deg alle velkommen!
Me helsar deg alle med jublande røyst:
Ti tusende gonger velkommen!
Me klappar i hendene,
me synger og me ler,
så glad’ er me, så glad’ er me,
me svingar oss i kretsen og neiar,
og bukkar.

Dei austerlands vise som stjerna fekk sjå,
me veit kvar dei lengtar å fara.
For me ville også til Betlehem gå,
må de ferdafygjet vårt vara!

Me klappar…

Så rekkjer eg deg no med glede mi hand,
kom skund deg og gjev meg den andre.
Så knytter me kjærleikens heilage bånd,
og lovar å elska kvarandre.

Me klappar…

Gustava Kielland, omsett av Bernt Anker

Eg har no teke juleferie no, avslutta med barnehagegudsteneste, der tre barnehagar samlast og blant anna syng til kvarandre. Og denne sangen vart sungen av to av tre! Alle ungar sin favoritt, ja, bortsett frå Nissen då 😉 Nok ein bevegelses sang…. Eg seier det ein gong til; legg ved litt bevegelsar, og du har ein favoritt blandt ungane!
På loven sitter nissen
På loven sitter nissen med sin julegrøt,
så god og søt, så god og søt.
Han nikker og han smiler og han er så glad,
for julegrøten vil han gjene ha.
Men rundt omkring står alle de små rotter,
og de skotter, og de skotter.
De vil så gjerne ha litt julegodter,
og de danser, danser rundt i ring – ring – ring.
Men nisser se han truer med sin store skje,
nei bare se, og kom avsted,
for julegrøten min den vil jeg ha i fred,
og ingen, ingen vil jeg dele med.
Men rottene de hopper og de danser,
og de svinser, og de svanser,
de klorer etter grøten og de stanser,
og de står om nissen tett i ring – ring -ring.
Me-hen nissefar han er ein liten hissig propp,
og med sin kropp, han gjør eit hopp,
jeg henter katta viss de ikke holder opp,
når katta kommer skal det nok bli stopp.
Da løper alle rottene så bange, ja, så bange,
ja så bange,
de svinser og de svanser noen ganger,
og på en to tre så er de vekk – vekk – vekk.
Denne må ha bevegelsar, S-T-O-R-E bevegelsar. Det er egentleg det det handlar om, ver engasjert og overdriv, med veldig store og energiske bevegelsar, og syng høgt og «klårt» (som i tydeleg, eg kan ikkje be folk om å synge klårt, som i fin sangstemme, for eg syng som ei kråke sjølv 😉 )
Ein liten, litt artig historie om På loven frå mine tidlege dagar i barnehagen. Me hadde alltid grautfest før jul (noko me framleis har, både i min noverande barnehage, og i min gamle barnehage), og der sang me alltid På loven sitter nissen, og kvart år, kvart einaste år, blanda me 2. og 3. verset, endå me kunde sangen so godt! Kun nerver! (Og eg gjorde det samme i kyrkja i dag, men heldigvis under allsangen 😉 Men i dag var det berre slurv frå mi side, viss eg ikkje er «inni» songen når eg syng, men berre syng ukonsentrert med, då stokkar det seg alltid… Så til mine kollegaer; når eg rotar med sangar, er eg ukonsentrert og tenkjer på noko anna… 😉 ) Men i morgo då, så skal eg igjen på grautfest i min gamle barnehage, der me alltid rota med versa. For no er det barnehagen til 2 åringen min. Eg er veldig spent på om dei framleis rotar 😉
Muleg dette vert siste post før jul, i tilfelle; God jul!! No må eg nemleg avslutte kjapt, for Jarle Bernhoft er på tv2 😉 Snakkast <3
-Gudrun-

Lucia

jul

I dag har eg lovd meg sjølv, og ei av dei eg jobbar med, at neste år skal me lære oss fleire vers av Lucia sangen… Me overdosa på

Natta går tunge steg
sang sikkert det verset 20 gonger…
Neste år skal eg lære ungane det verset me sang då eg gjekk i barnehagen, eller på førskulen som det heitte 😉
Santa Lucia
med den kvite kjolen,
kom til oss alle,
lær oss å vera snille.
Skinner i små, små lys,
heime og i andre hus.
Santa Lucia 
Santa Lucia.
Santa Lucia på italiensk
Sul mare luccica,
l’astro d’argento
Placida è l’onda, 
prospero è il vento.
//: Venite all’agile barchetta mia! 
Santa Lucia, Santa Lucia! ://

Eg har lært meg litt om Lussi og Lucia. I gamle dagar, var natta mellom 12. og 13. desember rekna som den svartaste og lengste natta i året. Det var ei magisk natt, fyllt av uhygge, dette var ei natt ein held seg innandørs. All vask skulle vere ferdig til den 13. desember…. (Jammen løge eg ikkje fekk besøk av Lussi i natt…!!) Denne natta var dessutan den einaste natta i året som dyra snakka saman.

Lucia er derimot ein italiensk helgen, som hjelpte sjuke og fattige.

I dag har eg ete stortsett berre Lussekattar, me hadde det til lunsj og frukt i barnehagen, og til kaffimat heime hjå foreldra mine i ettermiddag.

Me ungane i nabolaget gjekk i Luciatog kvart år, med lys, Luciasang og lussekattar til alle naboane. Lucia er derfor den tradisjonen eg er mest glad i, me gjekk av og til julebukk òg, men me gjekk ALLTID Lucia. (Resultatet var det samme, BTW, me sat att med masse godteri. Bortsett frå det året eg og naboguten gjekk bakerst og åt opp ein del av utbyttet 😉 )

I morgo skal eg begynne med julestøvtørken, eg lovar, Lussi, lovar!!

-Gudrun-

Julekarameller, eller sommarkarameller, karamell er alltid godt ;)

jul

Det vert jo inga jul utan karameller, og her kjem mi oppskrift! På «nettet» heiter den noko anna, men her vil eg kalle det Gudruns beste karameller. (Grunnen til at oppskrifta har eit anna navn på nettet, er at den florerer på diverse forum, og då *IKKJE* med mitt virkelege navn 😉 )

Gudrun sine beste karameller
250 g smør
125 g lys sirup
1,5 dl kremfløyte
250 g melis

Kok i 30-40 min (dråpetest), rør av og til. (Doblar du røra, må du doble koketida òg)

Kok og nyt! Dei er veldig gode, viss du kokar dei for lite, vert dei for mjuke og klissete. Kokar du dei for lenge, vert dei harde. Eg pleier koke mine til «Smørbukk-konsistens». Pakk dei helst inn i cellofan e.l. Eg pakka mine i matpapir i år, i mangel av andre ting, det heng ørlite fast i karamellen.

-Gudrun-

Glade jol, heilage jol

gamle sangskattar, jul, salmar
Dette er ein sang eg syndar i mot, eg knotar og blandar den nynorske versjonen og bokmålsvarianten. Det er ikkje ein julesang eg brukar så mykje, korkje på jobb eller privat, men den er fin! Og den finst på mange språk, både engelsk og tysk (og bokmål 😉 )
Glade jol
Glade jol, heilage jol!
Englar kjem frå Guds kongestol.
Blomar ber dei til paradis,
Fint og fagert dei syng Guds pris.
Løynleg ikring oss dei går.
Løynleg i kring oss dei går.
Jolebod, gledeleg bod
Tonar til oss med himmelljod,
Song av englar som hyrdingar såg
Den gong Jesus i krubba låg.
Songen av englar er sæl.
Songen av englar er sæl.
Fred på jord, frygd på jord!
Jesusbarnet det er vår bror.

Englar syng um hans herlegdom.
Han hev reidt oss i himmelen rom.
Songen av englar er sæl.
Songen av englar er sæl.

Sæle fred, himmelsk fred

Jolekvelden til jord kom ned.
Englar syng um den fred dei såg,
Syng om han som i krubba låg.
Gled deg, kvar sjel han hev frelst!
Gled deg, kvar sjel han hev frelst.

I min søken, les googling, kom eg over ein anna nynorsk versjon (Takk Wikipedia) Dette var òg ein fin versjon!
Stille natt! Heilage natt!
Alle sov, eine att
sit dei unge, dei utvalde to,
ser på barnet, så lukkeleg no:
Sov i himmelsæl ro!
Sov i himmelsæl ro!

Stille natt! Heilage natt!
Hyrdingar får høyra radt:
Frå den himmelske englehær
tonar til dei frå fjern og nær:
Krist, vår Frelsar, er her!
Krist, vår Frelsar er her!

Stille natt! Heilage natt!
Jesusbarnet vår dyre skatt!
Kjærleik lyser frå bodskapsord
til dei lengtande folk på jord.
Jesus er gåva vår stor!
Jesus er gåva vår stor!

Eg driv framleis å jobbar med mitt nynorske sanghefte, det er forresten andre som òg sler slag for nynorske julesangar 🙂
Føler at eg vert veldig nynorskforkjempar i desse førjulstider, men det er kun fordi eg ikkje vil at dei nynorske versjonane skal gå i gløymeboka. Eg syng jo, som følgjarar av bloggen har lese tidlegare, sangar på nordnorsk dialekt, og eg har fått kjeft av sjefen får å dra i gang med bokmålsvariantar av vanlege barnesangar 😉
Ønskje alle ei fredeleg førjulstid 🙂
-Gudrun-

Ein fager jolasong

gamle sangskattar, jul, salmar

Nest etter Julekveld (Det lyser i stille grender), er dette min favoritt julesang. Eg kan han til og med på blokkfløyte (slapp av, skal ikkje halde nokon blokkfløyte konsert nokon gong, lovar!!)

Det finst mange morosame, nye julesanger, men det er fint å kunne dei gode, gamle julesalmane òg. Eg skal ikkje skryte på meg at eg kan alle versa av denne her, men eg kan eit par.
Muligens ikkje det mest passande bildet, men det er iallefall blå himmel 😉 Bildet er frå ein tur eg gjekk med jenta mi, og på himmelen dukka det opp ei bamsesky! Det var sommar, og ikkje 13 minus som det er i dag..
Fager er den himmel blå
Nikolaj Grundtvig, til nynorsk av Anders Hovden
Fager er den himmel blå,
sælt det er å skoda på.
kor dei gylne stjernor blinkar,
kor dei smiler,
kor dei vinkar
oss frå jordi opp til seg,
oss frå jordi – opp – til – seg.
Det var midt i julenatt
kvar ei stjerna blinka radt,
so med eitt på himmelboge
stråla det so bjart ein låge
som ei liti stjernesol,
som ei liti stjer – ne – sol.
Når den stjerne ljos og blid
synte seg ved midnattstid,
gjekk frå gamalt ordi slike,
at ein konge utan like,
skulle fødast på vår jord,
skulle fødast på – vår -jord.
Vise menn frå Austerland,
ferdastaven tek i hand,
denne kongen vil dei finna,
denne kongen vil dei vinna,
og for honom bøygja kne,
og for honom bøy – gja – kne.
Og til Davids by dei kjem,
finn han der i Betlehem,
utan kongestav og krona,
der det sit ei fattig kona,
voggar barnet på sitt fang,
voggar barnet på – sitt – fang.
Stjerna leidda sant og visst
vise menn til Jesus Krist.
Me har òg den same stjerna
vil me berre fylgja gjerne,
finn me til vår Frelsar fram,
finn me til vår Frel – sar – fram.
Denne stjerna bjart og mild,
som kan aldri leia vill,
er det glade og det store
fagnadbod i bibelordet
til å lysa for vår fot,
til å lysa for – vår – fot.
Trur eg skal ha som mål å lære heile Fager er den himmelblå no i desember. Det er god hjernetrim og lære seg ting på rams. Denne finst sjølvsagt òg på bokmål, då med tittelen Deilig er den himmelblå, eit tittel eg tykkjer lyder veldig fint på dansk! Så til alle dykk som egentleg bokmål til vanleg, er ikkje denne versjonen mykje finare? 
Del gjerne i kommentarfeltet din favoritt, eller nest favoritt, julesong. Likar du dei gode, gamle salmane?
-Gudrun-

Julesangar

jul

Hjå oss har Juletrallen vorte ein hit, 2 åringane syng «Her er nok å gjera for….» Heime er det framleis lenge til jul, så me har ikkje begynt med julesangar, julebakst eller noko anna julete, bortsett frå at eg spraya grønsåpe i gangen då, slik at det skulle lukte nyvaska… Men det må eg nok gjere mange gonger før jul 😉

Juletrallen omsette eg jo galant til nynorsk, tidlegare har eg brukt salmeboka eg fekk til konfirmasjonen for å få rett versjon. I mi salmebok, står begge versjonane, både på bokmål og nynorsk. Eg tykkjer det er viktig at me held på dei nynorske. (Sler eit slag!!)

(Men eg fekk refs av sjefen hin dagen, for eg sang Indianarsangen på bokmål…. Lovar det aldri skal skje igjen, og skal grave fram ein bedre, og nynorsk, versjon)

Men, sjølv om det kan virke slik, er ikkje Juletrall min favoritt julesang. Det er EIN sang som utmerkar seg, som er min absolutte favoritt, og som er fantastisk å syngje, VISS ein treff rett stemmeleie… Og ein kjekk bonus er at den er DEN nynorske julesangen, over nokon.

Mange har nok allerede gjetta det; Julekveld. Eg kan dei fire første versa på rams, mens det siste oppdaga eg for nokre år sidan. Eg har egentleg valgt å sjå bort i frå det siste verset, fordi eg har høyrt av Sande ikkje likte det sjølv. Prøv å syng den av hjartans lyst, det er heilt fantastisk! Eg føler meg som ei superstjerne når eg trykkjer til.

(Og eg har ikkje berre fått positive tilbakemeldingar på sangstemma mi, nei 😛 Men det er ikkje sangstemma som er avgjerande, det er engasjementet! Ver heilt skikkeleg tilstades, då eig du ungane! Me hadde tre sangstunder i barnehagen i dag, ungar elskar å synge dersom du elskar det! Det er heilt sant!!)

Ein sang som høyrer med i jula, og som ALLTID kjem for brått på, akkurat som alle 17. mai sangar. Eg begynner ikkje å øve på 17. mai sangar i april liksom, men plutseleg er 17. mai der! Kva sang tenkjer eg på? Det er den sangen som har bortimot flest versjonar i barnehagane rundt om; Santa Lucia sangen!

Denne skal me bruke (trur eg, den er skriven ned frå mitt hovud):

 

Santa Lucia
Natta går tunge steg,
kring hus og låve.
Sola ho gjekk sin veg,
jorda skal sove.
Brått her i stova vår,
lys over mørke rår.
Santa Lucia
Santa Lucia
Då eg ein gong for lenge sidan, var det denne versjonen me brukte
Santa Lucia
med den kvite kjolen.
Kom til oss alle,
lær oss å vere snille.
Skinner i små små lys,
heime og i andre hus.
Santa Lucia
Santa Lucia
Det kjem fleire julepostar i tida framover. Legg igjen din favoritt-julesang!
Ha ei flott førjulstid <3
-Gudrun-

Juleførebuing

bevegelsessang, jul, vinter

I morgo (eller i dag då, for dei andre, men eg hadde fri i dag ;)) startar me med juleførebuingar i barnehagen (MERK dette gjeld kun i barnehagen, her heime er det leeeenge til jul 😛 )

I min barnehage deler me alle barnegruppene (4 avdelingar) i 4 nye, blanda grupper. Og 4 dagar i veka er me anten på baking, utegruppe, lesing/synging og forming. I morgo har eg ansvaret for lese/synge-gruppa (eg skal, hinsides all fornuft, òg ha ansvar for eit par formingsgrupper og ei utegruppe, men den tid, den sorg…) Synge- og lesegruppa eg skal ha i morgo, har eg planlagt i dag 😉

Tenkte å lese/dramatisere Alf Prøysen si historie om «Bygda som gløymde det var jul«, det er ei koseleg og morosam historie. Og så skal eg lære dei ein julesang som eg lærte for mange, mange år sidan. Eg googla den, og fann ein variant på bokmål, eg har skrive den på nynorsk, slik eg hugsar den frå då eg lærte den. Men dette er nok litt min versjon dette her. Men den er inspirert av Ingeborg Björk/Carl-Bertil Agnestig sin sang.

Ein juletrall

Tekst; Ingeborg Björk/Carl-Bertil Agnestig


Me skal pynta huset med sprake og med blad.
Me skal laga stakar og sette dei på rad.
Me skal baka bollar, store og små.
Me skal laga snippar med melis på.


For her er nok å gjera for
Tommeltott og Sleikepott
og Langemann og Gullebrand
og Petter Spelemann.
Ja, her er nok å gjera for
Tommeltott og Sleikepott
og Langemann og Gullebrand
og Petter Spelemann


Me skal felle grantre når me i skogen går.
Pynte det med lenkjer når det i stova står.
Me skal sette lys på, raude og blå.
Me skal møta nissen som bankar på.


For her er nok å gjera…


Me skal danse ringdans, syng hopp tra-la-la-la
Putte i oss godteri, so mykje me vil ha.
Me skal feira jula, skjønar du no.
Me kan ikkje unna oss rast eller ro.


For her er nok å gjera…


Ein morosam og fengjande sang! Kjekt med litt andre sangar no til jul, eg har alltid tenkt at denne skal eg bruke, og i år dukkar den opp 😀 

Håpar alle får ei kjekk juleførebuing, ikkje stess for mykje! Likar du bloggen min, så del den gjerne på Facebook, Twitter eller andre stader 😉 Kjekt å få fleire lesarar! Og kom gjerne med idear til postar.

-Gudrun-