Alle innlegg av Gudrun

Oppstart

november 12, 2022UncategorizedGudrun

Eg hadde gløymt kor slitsomt – og kjekt – det var med oppstart. Sist eg hadde skikkeleg oppstart i barnehagen var for 4 år sidan. Då hadde me 10 to åringar som starta i barnehagen samme dagen, to var uerfarne barnehagebarn, mens 8 hadde gått i ein annan barnehage tidlegare. Dei tre neste åra har eg surfa gjennom og fulgt gruppa mi gjennom barnehageløpet og sendt dei over i skulen. Sidan eg sende gullungene mine fra meg i vår, var det sjølvsagt at eg skulle begynne med ei ny gruppe gullunger denne hausten.

Frå femårigar til eitt åringar

Og ny gruppe vart det. Dette året skal eg kose meg med 12 eitt åringar. Når så mange små skal begynne i barnehagen, så vert det ei slitsom tid, for ungane, for foreldra og for personalet. Men det er òg ei koselig tid. Får muligheten til å verte kjend med 12 små individ, 12 små mennesker med humor og vilje, 12 små som lærer meg nye ting kvar dag.

Eg har skrive om oppstart tidlegare, sjå her. Dette innlegget er erfaringane mine fra forrige gong eg jobba med eitt åringar. Dette òg.

Song er meir framtredende på småbarnsavdeling

Eg jobba jo med fem-seks åringane i fjor, og då gjekk det mest i prat. No går det i song, eg syng heile tida. Du trur kanskje at eg er super god på å syngje, det er eg ikkje, men eg er god på å hugse tekst og delvis melodi, og eg er ikkje redd for å by på meg sjølv. Eg bryr meg ikkje om kven som høyrer på, eg syng, og det roer ungane.

Me har nettopp starta med samlingsstund, tidlegare i veka hadde eg samling med samlingsboksen og eventyrkofferten vår med Bukkane Bruse. Her er eit innlegg fra forrige gong. Eg trur nok desse eit åringene vert like glade i å synge som desse var. Det lovar vertfall godt, når me seier; «Skal me syngje?» så springer dei til bingen der me pleier ha samling.

Eg har alltid sunge masse, eg har sikkert snakka om det før. Eg og søstera mi sang alltid – ALLTID – på bilturer og når me huska. Me hadde nok verdas mest tolmodige storebror og foreldre.

Men det er sant, det hjelper masse på tilvenninga å synge for ungane. Eg hugsar sist tilvenning, med dei 10 to åringene, veit du, då var det berre sang som roa dei ned, så me hadde samling tre gonger for dagen. Kvar dag kl 9.30, som var vanleg samlingsstid, før mat ca kl 11 og før frukt slik litt før kl 14.

Sjekk gjerne ut nettbutikken, her er min aller største pakke, med to online-kurs og alle hand- og fingerdokkene mine.

Klem, Gudrun

Sei hei med eit smil!

juni 10, 2022foreldretips, nettbutikk, sosial kompetanseGudrun

Sjølvfølelse og sosial kompetanse er som ein muskel, det hjelper ikkje å gjere armhevinger ein gong, du må gjere det litt jevnt over heile tida. Det gjeld òg din eigen sjølvfølelse, altså, men i barnehagen og i skulesamanheng, må dette jobbast med kontinuerleg, heile tida.

Eg jobbar for tida i ei gruppe med 19 fem-seks åringar. Eller, for tida, me har aller siste innspurt no, eg skal sende ut min siste vekeplan. Det er ein herleg gjeng, som eg har fulgt lenge, ein del av dei i heile barnehageløpet deira.

No etter påske, har me jobba masse med sosial kompetanse, eg har henta inspirasjon frå Kari Lamer sitt opplegg, Du og jeg og vi to, og brukt verktøy eg har lært som kurshaldar for Diameta og eg har brukt Mikkel og Bamse sine historier når eg har hatt samlingsstund eller grupper med ungane om temaet.

Me laga oss tre reglar:

1. Sei hei med eit smil!

Eg fortalte dei ei praksis forteljing frå mitt eige liv, og forskjellige måtar å verte møtt på. Eg går på kjøpesenteret, og møter ei dame eg kjenner, som er hyggelig å snakke med og som eg egentlig likar å prate med. Men når eg møter ho på butikken, så seier ho alltid hei, men sekundet etter ho har sagt hei, vert ho alvorleg, ser sur eller sint ut. Og eg sit aldri att med ein god følelse etter eg har møtt ho. Og så har eg slike som denne, som ser oppriktig glad ut, og gir meg ein Kvikk Lunsj på ein fredagsettermiddag. Ungane har null problem med å skjønne kven eg får best følelse av å møte på.

Så vår første regel er at me skal seie hei til kvarandre, og andre me møter, med eit smil. Eg øver meg på å seie hei til både barn og foreldre i garderoben. Det er enkelt å seie hei til ungane sjølvsagt, men no er eg god vorten på å seie hei til alle foreldra òg, det er jo viktig at dei skal føle seg bra òg. Foreldra er med på laget, og er veldig flinke til å seie hei, både til vaksne, til andre barn og til andre foreldre.

2. Sei noko fint

Igjen, ei historie fra mitt eige liv, eg har levd lenge i landet, og hatt mange møter med forskjellige folk. Eg var på puben, eg sa ikkje det til ungane, altså. Eg hadde hatt på meg ein fin kjole. Eg gjekk på doen, og der møtte eg to jenter, som eg aldri har møtt før. Dei var sikkert 20 år yngre enn meg. «Så fin kjole du har!» sa dei. Gjett om eg vart glad? Så vår regel nummer to, vart til «Sei noko fint!». Gled andre med å seie noko fint til dei.

3. Ver ein god venn

Den tredje sa seg litt sjølv. Me jobba masse med vennskap og korleis vere ein god venn i forbindelse med Barnehagedagen 2022. Ungane veit så utruleg godt korleis det skal vere, dei er rett og slett veldig gode i teori om korleis vere ein god venn. Og det er me vel alle. Me veit korleis ein skal vere mot kvarandre, likevel opplever mange å verte mobba, både i skulen og i arbeidslivet. Kor er det det går gale? Eg har skrive om mobbing tidlegare, det kan du lese her og her.

Lykke til med arbeidet med sosial kompetanse, stjel gjerne våre reglar, både til barnehage- og skulearbeid, og til privatlivet ditt. Eg tenkjer at viss me alle seier hei til kvarandre med eit smil, så er me komne langt!

Klem,
Gudrun

Sju steg

mai 28, 2022UncategorizedGudrun

Sju steg til ei spennande samlingsstund er eit onlinekurs om det kjekkaste i barnehagekvardagen – samlingsstunda.

Her er samlingsstund koronastyle. Barnehagen var stengd, men eg trengde samlingsstund.

Sju steg er ei god, morosam samling som er delt opp i det som eg meiner er viktige komponenter for å lukkast.

Bjuda på 😉

Sju steg kostar 999,- til eg har fått nok prøvekaniner, uvisst kor lang tid det tek, og kor mange eg definerer som nok.

Eg har òg eit kurs som eg laga for fagnettverket mitt, som eg i ettertid har digitalisert. Det heiter Felles opplevelse og handler om store samlingsstunder. Dette kostar berre 199,- ut juni, deretter aukar prisen til kr 499,-

Klem frå Gudrun

Hopp i det – ha det moro!

mai 23, 2022drama, kreativitet, samlingstips, Sju Steg til ei Spennande SamlingsstundGudrun

Eg jobbar i ein barnehage med tre små barnsavdelingar og tre storbarnsavdelingar. I dei tre storbarnsavdelingane er det ca 55 ungar tilsaman. Tidlegare år har me hatt felles adventssamlingar, og det har alltid vore ein kjekk aktivitet. Men sist desember me hadde muligheit (2019, pre-korona) ville ikkje dei andre samarbeide om å ha felles adventssamling. Grunnen var at dei vaksne ikkje ville ha samling med så mange barn (og eller kanskje helst vaksne, mistenker eg.)

Kva kan du gjere?

Eg skjønnar at det kan vere skummelt å ha samling med 55 ungar og 12 vaksne. Men EG tørr! EG som ikkje sa eit ord frivillig høgt i klassen frå 4. klasse til ut lærarskulen, ja, fortsatt kan eg ta meg i å unngå å snakke i klassesamanhengar.

Men eg elskar samlingsstunder, berre sjå her, kva eg gjorde den dagen eg var sliten og lei. Ungane mine kjem til meg og spør; «Når skal me ha samling?»

I 2012, som eg har fortalt so mange gonger, var eg vikar i ein barnehage, og eg fann ut kva som var mi gåve til verda. Mi gåve er at eg er skikkeleg god på å ha samlingsstunder, og det vil eg gjerne lære vekk til deg òg. Derfor vart bloggen min «Gudrun sine sangsskattar» starta på WordPress, før eg kjøpte domene, som du les på no, samlingsboksen.no. Eg bestemte meg for samlingsboksen fordi den er ein så viktig del av samlingsstunda mi. I åra som kom, kjøpte eg også inn ein drøss med handdokker frå yangzhouhuinitoys, jepp, det er ein butikk i Kina, og i januar 2014 var eg til London, på Experts Acadamy med Brendon Burchard. Og i ein av bolkane i EA, såg «Sju steg til ei spennande samlingsstund» dagens lys. Men kun i form av rammeverket. I 2019 lanserte eg kurset fysisk, så i januar 2020 starta eg opp i eit kurs hjå Stine Bustillo, og endeleg fekk eg digitalisert kurset. Eg har brukt både Brendon Burchard sitt Total Product Blueprint og Stine Bustillo sitt Onlinekurs som selger som støtte i utforminga av kurset.

Kor vil eg hen med dette?

Jo, eg ser jo at mykje moro vert stoppa fordi dei vaksne ikkje tørr. Det er kjempe kjekt å vere på fellessamling, og få ein felles opplevelse. Me vert kjende på tvers av avdelingane, me får fellesskapsopplevelse, me vert ein barnehage.

På ein planleggingsdag hadde me ein førelesar, på teams i desse koronatider, som sa det at; «Samlingsstunda er det minst pedagogiske me har i dagens barnehage.»

Det treng ikkje vere slik! Samlinga treng ikkje vere eit einaste langt Hysje-kor. Du må tenkje over kva du vil med samlingsstunda di. Eg personleg la att «Kva dag er det i dag» på 90-talet ein gong! Det er ikkje moro! Ikkje pleier eg lære om dyrespor heller. Eg meiner at samlinga skal vere moro! Viss det sit 18 ungar i alderen 3-6 år, så klarar du ikkje å fengje alle med slikt. Nokon begynner å bråke og du eller dei andre vaksne begynner å hysje.

Visst skal dei lære!

Eg meiner ikkje at me ikkje skal lære ungane kva dagane heiter, eller lære dei om forskjellige fuglar, men du treng ikkje bruke samlingsstunda til det! Det kan du gjere i påkledninga, når de går tur, eller i små grupper.

I samlinga er det perfekt å få felles opplevelser, til gruppebygging, til å skape vi-kjensla. Me kan ha det moro, me kan synge saman (som er flott språktrening), me kan dramatisere, fortelle historiar.

I morgo skal eg og dei andre eg jobbar med, ha samling med 90 fem-seks åringar, det vert spennande, 19 av dei er våre, men dei andre 70 kjenner me ikkje. Men me hoppar i det, og vil ha det moro!

klem,
Gudrun.

Målet er å gi ungane sommarfuglar i magen.

februar 14, 2021kreativitet, nettbutikk, samlingstips, Sju Steg til ei Spennande SamlingsstundGudrun

Eg fekk ein koseleg mail frå ein av kundane mine, som hadde kjøpt Felles opplevelse hjå meg. Det var eit så godt spørsmål at eg vil dele svaret med fleire.

«Har du noen tips til hva man kan gjøre med de barna som forstyrrer, roper og skriker, plager de andre barna osv.?»

Kva gjer me?

Hjå oss må me vere nøye med plasseringa i samling. Det er nokon av ungane som bør unngå å få augekontakt med kvarandre. Alle barnegrupper har nokre ungar som påvirkar kvarandre i litt negativ retning. Me har tilnærma faste plassar, og plasserer strategisk. Til beste for heile gruppa. Me er også nøye på plasseringa av vaksne.

Eg pleier å synge, bevegelsessongar er alltid ein hit. Dramatisere pleier vere populært, det fengjer heile gruppa. Handdokker er eit kjempe flott hjelpemiddel. Øv deg gjerne på korleis du skal føre dokka, slik at du og dokka vert “eit”.

Eg unngår alltid kjedelege ting. Slike ting som får gruppa til å miste fokus. Pleier t.d. ikkje ha dag, mnd, vær osv. Og andre “læreting”, slikt passar bedre i små grupper, t.d. under påkledning. Når de klær på passar det jo perfekt å snakke om kva slags vær det er. Eg ville ha fjerna alt som var “kjedeleg” frå samlingsstunda. Auka forventinga om at samling er kjekt.

Rutiner.

Rutinar er faktisk til hjelp. Fast plass, faste plassar, fast, velfungerande rammeverk på samlingsstunda, eg likar mine sju steg, overraskande nok. 😉 Ha vertfall ein klar start og ein klar slutt. Men rutinane må ikkje verte rutine. Det må skje noko overraskande, noko dei ikkje forventar.

Viss du deler gruppa, ville eg delt gruppa med tanke på dei som følger med og likar samling – dei som stadig får samlinga si øydelagt. Kanskje dele ujemnt, med dei som forstyrrer på ei gruppe og hine på ei? Og ha korte, spennande samlingar med dei som må øve seg på samling? Og ha kjekke, spennande, lange samlingar med dei som er glade i samling. Når du har nokon som øydelegger samlinga, så ville eg ha gitt dei andre litt også.

Fokus.

Og FOKUS! Ver engasjert sjølv, og gjer ting dei ikkje forventar. Og avslutt når du ikkje har ungane sitt fokus meir, det gjer ingenting om samlinga er fem eller trettifem minuttar. Ha det moro, og avslutt med ein gong det ikkje er moro meir, slik at ungane «forventar»/lærer at samling er moro.

Målet er jo at ungane skal få sommarfuglar i magen når dei høyrer ordet samling.

Følg samlingsboksen på Facebook. Og sjekk ut Sju steg 🙂

Har du tips du vil dele? Skriv dei i kommentarfeltet.

Klem,

Gudrun.

Vi er alle sammen ville

februar 2, 2021UncategorizedGudrun

På fredag hadde eg ein dårleg dag. Hadde hatt hovudverk i fleire dagar, kom på seinvakt, me mangla vikar, det var byttedag (dvs me skulle bytte fra inne- til uteavdelinga), ungane var heilt oppunder taket. Alt var liksom i mot meg. Kva gjer eg når dagane vert slik?

Jau, eg letar etter energi!

Kva gir meg energi?

Jau, samlingsstunda!

Eg jobbar som pedagog 2 på ei avdeling med 22 fire åringar, som då betyr at eg har ein pedagogisk leiar til å bestemme på avdelinga. Men stressa-sure-dårleg-dag-Gudrun spør ingen, ho overkøyrer alle og tek samling. Samling med rytmeinstrument! Kanskje ikkje det du ville valgt på ein dårleg dag, men for meg funker det fjell!

Det høyrer med historia at me ikkje har brukt rytmeinstrument før dette barnehageåret, men det går akkurat slik eg hadde håpt det skulle.

Korleis?

Eg fekk ordenssjefane til å dele ut eit instrument til kvar. Når alle hadde fått sitt instrument, byrja me å spele. Me spelte so høgt me kunne! Og so spelte me so lågt me kunne. Og so spelte me så høgt, og ja, du skjønnar teikninga.

Når me hadde spelt litt slik, så byrja eg å syngje «Vi er alle sammen ville»

Vi er alle sammen ville.
Elle ville med å spille.
Prøv om du kan vere stille nå!/Det er alle som skal spille nå!/Det er Nyperusti/Vetlebekken/Gudrun/alle ungane/dei vaksne….osv som skal spille nå
Lært på Sogndal Lærarhøgskule av Kirsti Ese ein gong på 90-talet.

Vi er alle sammen ville er ein lett sang å bruke instrument til, og eg valgte den sidan det som sagt var første gong me brukte instrumenta i år. Det er ein improvisasjonssong som du kan lage så mange vers til som du berre klarar å komme på.

Etter me hadde spelt instrument ei stund, pakka me dei ned att og tok litt «vanleg» samling. Eg har litt annleis vanleg samling, eg synger og underheld, det er ikkje mykje «Kva dag er det i dag» i mine samlingsstunder. Eg fokuserer på felles opplevelse framfor kjedeleg innlæring. Kva dag det er i dag, passar godt å snakke om i påkledninga til dømes, det passar ikkje like godt med 22 ungar som tykkjer det er kjedeleg å høyre på.

Det gjekk fint

Eg unnskylde meg til ped-leiaren min, for at eg overkøyrde, eg trur ikkje det var eg som skulle ha samling ein gong. Men ho tilgav med ein gong, og det var bra, for det var akkurat det eg trengte denne dagen, å ha ei samling det virkelig spruta av.

I tillegg til Felles opplevelses-kurset, er Sju steg-kurset som eg òg har digitalisert. Dette kurset kostar 999,- på intropris, og fullprisen vert 2499,- når eg har lært nok teknisk. Prisane gjeld for enkelt personar, ta kontakt for tilbod til barnehagar. Nettbutikken finn du som alltid her.

Samlingsboksen på Facebook

Kva er det som gir deg mest energi i barnehagekvardagen?

Gudrun

Felles opplevelse

januar 30, 2021UncategorizedGudrun

Eg har digitalisert eit kurs eg laga for fagnettverket kunst, kultur og kreativitet.

Dette snakkar eg om, og lærer deg meir om, i kurset.

Eg tek utgangspunkt i ei fellessamling med mange barn og stor aldersspreiing. Men det eg lærer deg, kan du sjølvsagt også bruke i ei lita språksamling med tre barn. Eg er sikker på at du kan finne noko du kan bruke.

Køyrereglar for samlingsstund – tre nyttige tips.

Rammeverk til ei fellessamling – mal for samlingsstund, dei sju s-ane.

Varer i 40 minuttar – perfekt som inspirasjonsøkt på personalmøte.

Kurset kostar 199,- på intropris, og vert 499,- på full pris. Til eg får litt meir teknisk innsikt, bestiller du på mail; gudrun@samlingsboksen.no

Klem,

Gudrun

Nyttårssal

januar 1, 2021UncategorizedGudrun

Godt nytt år alle saman! Håpar du kom sterkare ut av 2020 og at 2021 kjem til å stelle fint med deg. Me feirer med nyttårssal!

Eg ønskjer å gi deg eit fantastisk nytt års tilbod;

i samlingsboksen sitt nyttårssal får du

Stor pakke til kun 499,-

Stor pakke inneheld;

Salet varer til og med 4. januar, eller så langt lageret rekk. Normalpris er 875,- kjøpt enkeltvis, eller 750,- i pakke. Men no på nyttårssal er det

Kun 499,-

Godt nytt samlingsår!

Klem, Gudrun

Eg gjekk meg ut i skogen

april 23, 2020barnekultur, sommar, vårGudrun

ein vårdag i april. Og på ein liten stubbe tok eg meg ein liten kvil.

Strofa er henta frå min favoritt Thorbjørn Egner sang. Akkurat denne sangen gav meg ein vekkjar i dag.

Ungar elskar song!

Tenk at eg – som syng heile tida, også trengte ei påminning på akkurat dette.

Den nye kvardagen

Me starta jo på måndag med den nye kvardagen – tida der me skal ha minst mulig med kvar andre å gjere. Me har ute-barnehage, med tre åringane (og dei to eldre gruppene), dvs at me er ute heile tida. Me går òg tur! Uteområdet vårt er eit stort edderkoppnett av sperreband, og ikkje særleg spennande å tilbringe ein heil dag på.

Slik ser uteområdet ut i barnehagen for tida.

I dag gjekk me tur oppover byggjefeltet, forøvrig eit smart val, sidan det betydde nedoverbakke på heimvegen. På veg nedatt, sette me oss ned for å vente på bakre tropp, der me sette oss, var det nokre stubbar. Og eg vart inspirert til Vårvise av Thorbjørn Egner.

Jeg gikk meg ut i skogen en vår dag i april, og på en liten stubbe tok jeg meg en liten hvil.

Og ungane fekk stjerner i augene. Og neste gong me skulle kvile, sette me oss ved nokre steinar. Då sa dei; kan du synge om steinar no? Nett slik som dei gjorde i fjor, når dei var to år, og kom bort med gule bilar og ville at eg skulle «synge den», eller griser for at eg skulle «synge den». No har me vore frå kvarandre i mange veker, einaste samlinga eg har hatt på lenge, er dei digitale samlingsstundene eg la ut på bloggen, sjå her og her. Eg får liksom ikkje plass til ein samlingsboks oppi kohort-tursekken min. Men sang er viktig for ungane uansett! Dei elskar at me syng, dei tykte det var fint å høyre at eg sang ein song dei ikkje har høyrt før!

Me har mange fine områder like i nærleiken til barnehagen.

I morgo trur eg at me tek ei kohort-samlingsstund med min og samarbeidskohorten. Den vert utan så mange konkretar, men eg trur det går fint alikevell.

Du finn samlingsboksen på Facebook og instagram.

Klem,

Gudrun

Lille Larven Aldrimett

april 6, 2020barnekultur, bok, boks, drama, dyr, kreativitetGudrun

Korleis pleier du å lese bøker? Her ser du meg lese Lille Larven Aldrimett. Merk at dette ikkje er ei full samling, eg les berre boka og har ein leik på slutten. Eg har aldri samling utan masse song.

Dette her er ei av favoritt bøkene mine, å snakke om favoritt bok er nesten som å snakke om favoritt sang, for det er så mange av dei. Men Lille Larven Aldrimett, av Eric Carle er ei fin bok til 2-3 åringar.

Eg har jo mange samlingsboksar, og Lille Larven Aldrimett har fått sin heilt eigne boks.

Dialogisk lesing

Eg har brukt larven til dialogisk lesing og språktrening, men også som bok i samlingsstunda. Eg veit at mange ikkje likar bok i vanleg samlingsstund, fordi det er vanskeleg å treffe alle, men viss du gjer det spennande nok, så vert det bra lell. Sjå her for mine tips til lesing i samlingsstunda.

Inni boksen er det masse rart, sjå berre her;

I boksen har eg boka, Lille Larven Aldrimett handdokka, nokre tre frukt; eple, pære, jordbær og appelsin. Eg har klipt ut og laminert all maten Larven Aldrimett et seg gjennom. Eg har fleire sommarfuglar, bilder av frukter, ein artig sak med ein larve i eit eple og eit rytmeinstrument.

Kims leik er ein fin aktivitet for å få inn meir språktrening, eg brukar fargenavn og fruktnavn; «Eit raudt eple».

Tanken er då, og det vert gjennomført slik òg, at eg kan ha ei heil samlingsstund berre med Larven Aldrimett og det som eg finn oppi boksen. Det kan vere moro å halde seg til «temaet», men det fører med litt jobbing på førehand, med å finne sangar som passar, eg ville kanskje valt «Hysj, kan du høyre», alle salgs edderkoppar osv, då hadde eg hatt eit insektstema. Men elles likar eg å velge den songen eg eller ungane har lyst til å synge akkurat no.

I mindre grupper pleier eg ha Kims leik, slik som eg har på videoen, og me pleier bruke rytmeinstrumentet til å synge ein navnesong.

Du finn samlingsboksen på Facebook. Kom gjerne innom.

Håper du har ein fin dag! Del gjerne innlegget vidare viss du likte det <3

Klem,

Gudrun