Alle innlegg av Gudrun

Min adventskalendar; 20. desember – kringler frå Kvit

foreldretips, jul

snø

Her er nok ei «barnehage oppskrift». Den er, som du ser av tittelen, frå Kvit avdeling. Desse er enkle, og kjappe. Og det finst jo ikkje sukker i dei. (Joooo, det er jo litt smør, men det finst ikkje sukker i dei!!)
1/2 kg mjølk
200 g smelta smør
1/2 ts salt
50 g gjær
Kveitemjøl til passe deig.

Ingen for-heving. Trill ut kringler. Etterheving mens ovnen vert varm (10 min) 250 g i 10 min.

Gode med smør og ost på 😉 Som om det ikkje er nok smør….

-Gudrun-

Min adventskalendar; 19. desember – pepperkakehuset

jul

snø

Me har, endeleg, fått pynta pepperkakehuset. Ja, eg kjøper husveggane ferdig, eg gidd ikkje lage det sjølv. Men eg lærte noko nytt i år, eller eg spurde om råd på Facebook. Me har alltid sett saman huset etter pynting, for eg har vore så redd for at ungane skal knuse det når dei pyntar. Men i år då, etter tips på Facebook, limde eg saman først og let ungane pynta etterpå. Eg limde veldig! Masse sukker.

pepperkakehus

Som du ser, har eg ikkje lagt meg noko særleg (eller i det heile) borti pyntinga. Dei sat alle tre og berre leste på. Det er minst like masse på andre sida. Men eg har laga ein ny type snø, når eg smelta sukkeret, såg eg at det vart ganske fin snø. Så, i år er det ikkje bomullssnø her i heimen, men etbar sukkersnø.

Kjem ikkje heilt i mål i år heller,
-Gudrun-

Min adventskalendar; 18. desember – dørpynt

jul, kreativitet

Det går framover! I går fekk me nemleg krans på døra 😉 Eller, ikkje krans akkurat, meir som ei grein, men greina var kjempe søt! Tenkte eg skulle vise deg den, viss du treng tips til enkel pynt.

snø

Eg har, som dei som kjenner meg veit, ikkje noko som helst slags pyntegen, så eg er glad for all hjelp eg kan få.

Denne kom jenta mi på 11 år heim med i går, dei laga den på skulen, og eg hengde den storfornøygd opp på døra med ein gong, sant det vart fint?

dørpynt

(Ja, den kvite sløyfa har eg knytt på, det er oppheng…
Veit den ikkje passar heilt inn)

Håpar du har ei fredfylt førjulstid, det er jo det me alle legg opp til, ikkje sant?

klem,
-Gudrun-

Min adventskalendar; 17. desember – dynevask

jul

Hehe, veldig spennande aktivitet i dag.

snø

Eg vaskar dyner i dag. Eg meiner eg har lese at dei skal vaskast 4 gonger i året. Det høyres litt i overkant ut for meg! Men dei får seg ofte ein vask slik nett før jul i allefall, godt mogeleg dei får seg ein runde på sommaren òg, hugsar ikkje akkurat.

For eit par veker sidan, fekk eg jo påvist husstøv midd allergi, så det er vel lurt å vere nøyen med reinhald, dynevask, støvtørk osv no. Derfor må eg altså gjere noko so kjedeleg som å vaske dyner i dag, med alt det medfølgjer; støvsuging av madrass, vask av dyner og puter (3 vaskemaskiner på vaksensoverommet), vask av sengklær (ei maskin), støvtørk, støvsuging osv. Eg vaska gardinene for 2 veker sidan, så dei får henge der.

Det nærmar seg jo jul, med stormskritt. Og eg har heldigvis nettopp lese at ein kan ta julevasken med ro, det er berre noko som heng att frå gamledagar. Då delte dei året inn i forskjellege gjeremål, og husvask var passande vinteraktivitet fordi då hadde dei ikkje ånni og elles mindre å gjere på garden.

Korleis er det med deg, vaskar du vegger, tak, inni og utapå skap, og overalt til jul, eller støvsuger du golvet og set ut litt grønsåpe i ei skål? (Skal ikkje seie kva eg gjer…) Eg vaskar iallefall dynene!

Klem,
-Gudrun-

Min adventskalendar; 16. desember – enkel nisse

foreldretips, jul, kreativitet

snø

I dag deler eg ein idè til ein enkel og dekorativ nisse. Idèen meiner eg det var sjefen min som hadde. Me skal lage oss nokre slike no til jul. Dei skal få plass attmed inngangsdøra.

nisse

Me sager av ei grein, litt skeiv på den eine enden. Der tegna me auge og munn, eller så kan du bruke plastauger. Våre var blaute, veden altså, så me fekk ikkje limen til å henge. Sette på ei raud nissehue, anten som her av strømpe, eller av filt eller du kan strikke eller tove ei. Det enkle er ofte det beste, og svært dekorativt!

-Gudrun-

som begynner å kjenne på stresset no… Har skrive opp «handleliste» for julepresangar og alt no 😉 Jadda, jul vert det lell! I går fekk eg lys i glaset òg.

Min adventskalendar; 15. desember – sjokoladekjeksbitar

jul

OK, veit ikkje heilt om eg er snill eller slem no, det får du avgjere sjølv.

snø

Sjokoladekjeksbitar

200 g hakka lys sjokolade
2 ss lys sirup
185 g smør
2 ss fløyte
250 g hakka søt kjeks (gjende, bixit e.l.)
200 g mandelflak
1,5 dl kokos

Glasur
150 g mjølkesjokolade
15 g smør

Kle ei form, ca 20×30 cm med bakepapir, smør det. Bland saman sirup, sjokolade, smør og fløyte i ein stor kjele. Rør til alt er smelta, ikkje kok det! Ha i kjeks, mandlar og kokos. Trykk ut i forma, hell over smelta sjokolade/smør. Set kaldt og del opp i små firkantar.

Og set hengelås på boksen!

-Gudrun-
Kos deg!

Min adventskalendar; 14. desember – strull

foreldretips, jul

Dette er mi favoritt julekake! Ingen over, ingen vedsidan av! Me-hen; det er ikkje kvart år eg steiker desse… Det tek laaaang tid, noko eg ikkje har so mykje av rett før jul.

snø

Strull

2,5 dl seterrømme/kremfløyte
100 g sukker
Visp
100 g kveitemjøl
ca 1/2 dl kaldt vatn
Rør inn. La røra svelle i 30 min.

Eit super-innside-tips; kjøp slike kvite bomullshanskar frå apoteket, sparar fingertuppane litt med det.

Trur eg skal få laga desse i år, dei er så gode!! Røra vert ca 25 kaker, så eg vil lage litt større oppskrift.

-Gudrun-

Min adventskalendar; 13. desember – Lucia

foreldretips, jul, tankespinn

I fjor som i år, må det verte ein post om Lucia. Me gjekk, som eg har nemt før, alltid Luciatog i barndommen. Eg hugsar at eg og søstra mi gjekk første gongen. Mamma hadde steikt lussekattar og me gjekk rundt i nabolaget og delte ut. Året etter var det eit større tog, og det auka på heilt til me slutta.

snø

I dag har eg sendt avgårde eit flott Lucia-tog med 6 deltakarar.

Natta går tunge steg
kring hus og låve.
Sola ho gjekk sin veg,
jorda må sove.
Brått her i stova vår,
lys over mørkre rår.
Santa Lucia, Santa Lucia.

Santa Lucia
med den kvite kjolen.
Kom til oss alle;
lær oss å vera snille.
Inn i vårt mørke hus,
stiger med tente lys,
Santa Lucia, Santa Lucia.

Den første er det verset dei fleste ungar i Sogndal syng no for tida. Den andre var den me alltid sang i Lucia-toget vårt når me var små. Eg hadde lyst å overføre denne tradisjonen til mine eigne barn, og ser for meg at to år framover vil det vere ei smal sak å gjennomføre, men so kjem Lucia dagen på måndag att…

Rart dette her, med tid. Me hadde so mykje bedre tid før, alt var rolegare. No spring me frå eine til andre og kavar på frå me er babyar og oppover. Då eg var liten, var eg med på 4H, som hadde møte ein gong i månaden, Miniklubben, ein eller to gonger i månaden (hugsar ikkje) og Miniklang (kor) antakeleg annakvar veke. Og eg var sikkert ikkje med på alt dette samtidig ein gong. Korleis står det til med ungane no til dags?

Så klart me hadde tid til å gå Lucia kvart år!

Slapp av litt! Ikkje stress rundt med alt mogeleg. Du får det ikkje bedre.

Klem,
-Gudrun-

Min adventskalendar; 12. desember – lussekattar

foreldretips, jul

snø

Dagen før Luciadagen, på tide med oppskrifta me alltid brukar til lussekattane. Godt mogeleg at nokon tykkjer eg bannar i kyrkja no, men eg tilsetter berre gurkemeie i den vanlege bolleoppskrifta mi. Då får eg mjuke, deilige, saftige bollar, istaden for dei litt tørre vanlege lussekattane.

3,5 dl mjølk
100 g smør
1 egg
50 g gjær
1 dl sukker
1/2 ts kardemomme
8-10 dl kveitemjøl
ein desj gurkemeie.

lussekattar

Skal steike slike i dag, sidan eg har seinvakt i morgo, og har stor plan om å gå i tog, slik me alltid gjorde, saman med ungane, og kanskje naboungane?

-Gudrun-

Min adventskalendar; 11. desember – kolakaker

foreldretips, jul

11. desember – det er onsdag, og mindre enn to veker til julafta. Er du stressa? Eg er ikkje det, eg har laaaang tid att til jul, begynner ikkje å stresse før 22. desember. Eller rettare sagt, eg begynner ikkje å gjere noko før 22. desember. Med «gjere noko» meiner eg rydding og vasking.

snø

Kakebaking og godteri laging er ting me likar, så det har me kontroll på.

I dag gir eg deg oppskrifta på KOLAkaker, og då meiner eg kola på svensk, som betyr karamell, og ikkje Cola. Kolakaker har ingenting med Cola å gjere.

Kolakaker

Rør saman 200 g sukker og 200 g smør.
Ha i 2 ts natron, 2 ts vaniljesukker
og 300 g kveitemjøl.
Ha i 1/2 boks sirup tilslutt.
Kjevle ut like store emner,
ca 1 cm tjukke, to på kvar plate.
steik på 185 grader i 15 min,
Skjer i bitar mens dei er varme.
(som brune pinnar)

Kos deg! Og ja, eg er veldig glad i karameller! Kva kaker bakar du til jul? Fortel meg om det viss du finn noko du brukar i adventskalendaren min! Veldig kjekt med tilbakemelding.

-Gudrun-