Kategoriarkiv: drama

Korleis me fekk eit åringane til å digge sangsamling

bok, boks, drama, magisk boks

Sangsamlingane våre er ganske like no i starten, slik at ungane skjønnar kva som skal skje.

I fjor vår, sang me «God morgon, god morgon» som oppstartssang. Grunnen til at me valde denne sangen, var at minsten min ville ha den som godnattsang heime, så det var ein sang som passa for aldersgruppa eg hadde då, og at eg jobba med Gro, som kan teiknspråk. Ho lærte oss teikn til denne sangen.

No, med eit åringar, syng me God morgon alle saman, fordi den er enklare. Enkle, greie teikn har den òg. Me syng den kvar gong før me opnar boksen i samlinga.

Når eg opnar boksen, er det alltid marakassen som kjem først ut. Og den sender me rundt til kvar av ungane, mens me syng «Hei på deg» når dei ristar på marakassen.

Deretter er det litt forskjellig. Me pleier å synge «Røysekatt», «Vesle (og andre) Petter Edderkopp», «Tre små griser», lese litt anten i ei bok eller nokre lesekort som eg har, om følelsar.

Vesle Petter Edderkopp i selskap med ein frosk, to bamsar og ei mus med ei bjelle på, som for tiden fungerar som ein røysekatt.
Nærbilde av Edderkoppen. Den er svær og flott!!

Bilde av båten vår; alle samlingsboksar må ha ein båt. Me skal jo snart introdusere tre vers på Ro ro ro din båt og greier, då må me ha ein båt. Dessutan er det mange flotte båt-sangar.

Sangkort, som eg har laga sjølv, er alltid i boksen!

Avsluttinga er alltid ein ny navnesang (Hei på deg er den første). Då har me sunge anten «Pusekatt, kest laog du i natt» eller «Så fint at du kom». Eller «Tøffe tøffe toget» 😉 (Den brukar dei andre når eg har fri, men i dag hadde eg tjuvlånt Thomastoget til Minsten og lagt toget oppi boksen, så då kom Tøffe toget med i samlinga)

Det med bøker har eg sett har vore diskutert, om det går an å lese bøker i samling med små barn. Mi erfaring er at; Jepp, det funkar fint. MEN du må tilpasse deg tilhøyraren! Du velger ei lett bok med lite tekst, du leser boka VENDT mot ungane, litt dårleg lesestilling for deg, men det er LITE tekst, og du treng ikkje lese det orddrett. Du bør faktisk ikkje lese det ordrett, du må fortelje det, dramatisere det, leve det. Egentleg har du eit lite teater for ungane, viss du les ei bok med monoton stemme, er det ingen som gidd høyre på deg 😉

Korleis har du dine samlingar? Kva fungerer? Har du eit supertips du vil dele med oss andre?

-Gudrun-

Mitt nye dokketeater

drama, kreativitet, samlingstips, små barn

Eg har fått dokketeateret mitt! Her står det på golvet, men det er meininga at det skal stå på eit bord. Det var med 8 fingerdokker òg. Og i tillegg har eg eit relativt breitt utval av finger- og handdokker, så dette skal verte bra!! Genial utforming! Og den grøne plata er tavle, som kan skrivast på, t.d. tittelen på teateret, og klokkeslettet for framsyninga.

Alle tre ungane, 3, 8 og 11, tykte det var kjempe moro! Og det samme tykte eg. Gledar meg til å dikte mange fine historiar, og lage fleire fingerdokker. Trur eg skal utnytte innspurten av 4H-prosjektet til 11 åringen. Viss eg får ho til å lage litt dokker til meg, så vert nok dette bra. Og det er jo vinn-vinn 😉

Kos deg i haustmørke kveldar, har du eit forslag til historiar? Eller idè til ei dokke? Let me know!! Takk <3 -Gudrun-

Eg har shoppa :D

drama, samlingstips

Litt «feigt» å fortelje dette her, sidan eg har brukt nettverket mitt til å få tak i noko som er utseldt… Men iallefall; eg har kjøpt meg «Dokketeater» *hipp hurra* Det var tidlegare i kolleksjonen til www.sjarmtrollparty.no og ein av forhandlar kollegane mine hadde eit liggande, som eg fekk kjøpe! Hurra!!

Gledar meg til det kjem i posten og eg får teke det i bruk!!

Lovar fristande bilder 😉

-Gudrun-

(OBS; alle treleikene er på veg ut av kolleksjonen vår, dagens reklame-tips)

Dramatisering

drama, kreativitet, samlingstips
Bjørnen og Reven som handdokker
Bamse Brakar og Mikkel Rev

Tenkte eg skulle samle mine beste tips til ei vellukka dramatisering.

1. Det enkle er ofte det beste. Utkledninga kan gjerne vere så enkel som mogeleg, berre ein hatt, eller eit teppe over ryggen, nokre enkle øyrer i papp, ein paraply (viss du ikkje er overtruisk som meg, og ikkje tek ein oppslått paraply over hovudet inne ;)) Det treng ikkje vere store greiene, faktisk bør det ikkje vere store greiene. Ungane skal ha muligheit til å kjenne deg att bak kostymet.

2. Det er veldig kjekt å vere to om det. Det vert morsomare for deg, og morsomare for ungane. (Og for dei vaksne som ser på, sjølv om det ikkje er dei du skal underhalde)

3. Bruk store bevegelsar, bruk heile deg, slå deg laus.

4. Rekvesitane kan òg vere enkle, berre for å gi ungane ein peikepinn; t.d. plastdyr, fisk i papp. Du er det viktigaste, det andre er berre med for å understøtte deg.

5. Blikket ditt er eit viktig verktøy, få augekontakt med alle ungane. (Eg er litt beskjeden, så eg unngår som oftast å ha augekontakt med dei vaksne, eg leikar egentleg at dei ikkje er der. Ja, det er sant!! Eg ER faktisk det!!)

6. Stemma di ER heile førestillinga; du kan ikkje dramatisere med ei monotom stemme, du må bruke stemma for å få fram den rette stemninga; i Storetroll og Vesletroll brummar Storetroll med djup, grov stemme, mens det livredde Vesletrollet piper med kjempe lys stemme. Viss du kviskrar høgt, har du ein hemmelegheit med ungane, dei er heilt med!

7. Få gjerne ungane med på ein eller annan måte. T.d. kan dei uuuule saman med reven i Hakkebakkeskogen, skoggele som nabotrolla i Storetroll og Vesletroll, bære mjølk osv. osv.

8. Dess yngre ungane er, dess enklare må du gjere det. Har du små ungar, må du ikkje bruke mykje kostyme.

9. Engasjement!! Du må vere engasjert! Du må leve det! Og du må gløyme dei andre vaksne, slapp av, dei tykkjer det er moro å sjå på deg dei òg.

10. Og eit avsluttingstips, som eg har plukka opp frå Snakkepakken, møt aldri tomhendt til ei samling. Eg drøymer om å lage ei spennande kassa ala Snakkepakken, men med fokus på samlingsstunda og kreativitet. Er godt i gang i mitt eige arbeid, med alle dei flotte boksane mine, men det er noko eg ønskjer å dele med andre òg. Samlingsstunda er den morosamaste tida i barnehagen!

Har du dramatiseringstips? Noko eg har gløymt? Del-del-del! Saman vert me sterke!

-Gudrun-

sjiraffen_laffen_samlingsboksen

Dyr, dramaforløp, troll og slikt ;)

drama, dyr

Eg har skrive om dyr før, om sauer, edderkoppar, røysekattar m.m. Blant mine 2-3 åringar på jobb, er det «Ford Escort»-sangen som er hit’en for tida, men me har ikkje gløymt «Jeg heter Mikkel Rev» heller 😉

Krokodillesangen er ein annan hit blant 2-3 åringane no for tida, hugsar ikkje om eg har delt den før, men her er den igjen. Dette er ein bevegelsessang, og dei fleste veit vel kor glad eg er i slike 😉

Krokodillesangen
Nyss så møtte eg ein krokodill’
som køyrde rundt i ein bil.
Han var so tjukk og fe’t,
han blåste i trompe’t.
Men bilen var for trang,
og halen var for lang,
so den fekk ligge på eit lite laste plan.
Denne sangen trudde eg ikkje var ein kjent barnesang, eg har berre høyrt han i ein barnehage (bortsett frå dei eg har spreidd han til, sjølvsagt), men ein vikar eg har med meg no, hugsa songen frå då han sjølv gjekk i barnehagen!
Forrige veke hadde me besøk av 2.klasse studentar frå barnehagelærarstudiet, desse hadde ein ganske genialt dramaførløp med oss, og la meg no forklare kvifor dette var så genialt.
Jau, dette var jo små ungar, og studentane var fremmande vaksne, men dei hadde valgt ut ein sang, ukjent for ungane, men ein klassikar for oss vaksne (Hompetitten) Det første geniale trekket; me andre, kjende vaksne kunne hjelpe dei å dra i gang.
Genialt trekk nr. 2; dei hadde laga bevegelsar til sangen; supert! Og genialt trekk nr 3; dei brukte kun denne sangen, og sang den oppatt og oppatt.
Dei dramatiserte sangen, og brukte få og enkle kostymer, slik at dei ikkje vart totalt forandra, men fortsatt var gjennkjennbare, likevel var dei inni andre rollar.
Dessutan trekte dei ungane inn i samlinga, ved å gi dei oppgåver. Ein ting som er viktig å hugse på i den forbindelse, er at alle må få prøve, også dei som brukar litt tid til å tø opp. Sjølvsagt ikkje viss dei ikkje vil, men pass på at dei tøffaste ikkje overkøyrer dei litt meir forsiktige.
Eg har ofte brukt drama saman med ein annan vaksen og 2-4 avdelingar frå 1-6 år, bl.a. har eg dramatisert favoritt eventyret mitt Storetroll og vesletroll Det er vel antakeleg det artigaste eventyret eg veit om! Då har me passa på at kostymene er enkle og «gjennomsiktlege», og vist ungane at det berre er oss. Eventyr om troll kan jo vere skummelt, iallefall viss kostymene er skumle. Ein hatt på hovudet, eller ei pute på magen er greit nok. Til geit brukte me berre ei leikegeit, den største me hadde, men likevel er den liiiiten (slik plastdyr) Men ungane skjønnar tegninga, og ei plastgeit funker som fjell. Ein stol vert til ei fjellhylle og alle er i ein magisk verden. (Til alle som jobber med meg; berre vent til reprise på Storetroll og vesletroll frå meg og Anne Kristin til hausten!! Det vert gøy!)
Merkeleg dette her, dette skulle vere ein post om dyresangar, men det vart visst ikkje det lell. Men fleire av favorittdyresangane mine finst allerede på bloggen, det er berre å søke.
Har du eit favoritteventyr, eller eit tips til dramatisering du vil dele? Har du kanskje ein favorittdyresang? Del med oss andre då vel!! 
-Gudrun-

Mine beste samlingstips :)

boks, drama, kreativitet, samlingstips
 Her får du mine sju beste samlingstips, det enkle er ofte det beste.
Mine beste samlingstips
  1. Vær GLAD, SMIL, ha eit «VAKE» blikk

 

  1. Syng HØGT, KLART og SAKTE
    (med KLART meiner eg klar uttale, gjer ingenting om du syng som ei kråke, berre du er engasjert)

 

  1. Rørslesangar er moro! Gjer rørslene STORE og ENERGISKE.
    Rørslene gjer at det vert enklare for ungane å hugse teksten, gjer rørsla pitte litt i forkant, då hugsar ungane teksten lettare.

 

  1. SJÅ ALLE UNGANE INN I AUGENE!
    Hank dei inn med blikket, la kvar og ein føle seg spesiell. HEILT TIDA!

 

  1. Drama er moro!
    Du treng ikkje vere skodespelar eller ha eit fansy kostyme, ein skeiv hatt på hovudet, og du er eit troll. Og du får ungane med på ein heilt anna måte. Endre litt på stemma di, og du er plutseleg ikkje Gudrun meir, men ei gammal heks, eller ein liten frosk.

 

  1. Kom aldri tomhendt til ei samling.
    Ha med eit eller anna, noko for å få ungane fokusert. Ei lita kiste med spennande ting, nokre sangkort for å illustrere det du vil ha fokus på.

 

  1. Slutt mens leiken er god.
    Har du ikkje lenger fokuset til ungane, så avslutt, eller finn på noko sprøtt for å hente dei innatt.

 

Eit av dei viktigaste råda er faktisk det siste! Har du ikkje ungane med deg lenger, så avslutt. Du er ei servicebedrift, du skal gi ungane service, det er IKKJE dei som skal gjere noko for deg. Har du klart å underhalde dei i berre 5 minutt, slutt likevel! Har du ikkje fått lese alle bøkene du tenkte, slutt likevel!

Og GLØYM dei vaksne som er med deg, det er heller ikkje dei som betaler for å høyre på deg 😉

KOS DEG! Ungane merkar det, veit du! Ver tilstades mentalt.

Likar du mine samlingstips? Del dei gjerne vidare.

-Gudrun-

smil

Sangleikar om troll ;)

bevegelsessang, drama, samlingstips

Sangleikar er morsomt. Her kjem ein «skummel» sangleik om eit troll 😉 (Skummelt er eit flott ord å bruke med ungane, for då berre ler dei av deg, som er så rar at du til og med tykkjer sangar er skumle…)

Trylle troll

Eit troll, eit troll, kan trylle med kva det vil.
Korleis, korleis, korleis kan det no gå til?
Eit hopp, eit hopp, han gjer med sin trylle kropp,
og so, og so, og so vert han til ein frosk. (eller andre dyr)

Og mens han hoppar omkring, hoppar omkring,
hoppar alle med,
og mens han hoppar omkring, hoppar omkring,
hoppar alle med.

Og her kjem ein endå skumlare troll-sang:

Trylle-rylle sang

(syng med litt skjelvande stemme…)
Eg er ein dyktig trylle mann,
som alle her forvandle kan.
Eg har eit trylle-rylle ord,
har sterke krefter på vår jord
ABRA-KADABRA no er du ein frosk.
(Hoppe rundt mens de nynnar på verset)
Tra-la-la-la…
ABRA-KADABRA  no er du deg sjølv.

Når eg syng med ungane, brukar eg heile meg, med stemme, bevegelsar, masse drama (bortsett frå når eg syng godnattsangar, då er det ganske roleg og monotont 😉 ) Eg avsluttar alltid sangstunda når eg mister merksemda til ungane. Å sitte og lese eller synge for ungar som ikkje har lyst til å høyre på, det ser eg ikkje heilt vitsen med, det er for å gi dei noko eg gjer det, ikkje for at dei skal gjere meg ei tjeneste. Tenk på det neste gong du har samling eller les med eigne ungar; gi deg mens leiken er god!

-Gudrun-