Kategoriarkiv: sommar

Songleikar

Eit av mine første minner om songleikar, er frå Jonsok-feiringane heime. Me leikte slå på ringen, både ungar og vaksne. Det var moro! Alt vart meir moro når dei vaksne var med.

Slå på ringen

Slå på ringen, slå på ringen,
slå på den du vil.
Slå på ringen, slå på ringen,
slå på den du vil.
Slå på kjærasten din om du vil.

Me song aldri «Den du slår…» Me stod i ein ring, ein gjekk utanfor, og slo på «kjærasten din om du vil», og så sprang begge, i kvar sin retning, så fort som berre pokker. Det var grisespennande!

Det var fint med eit slikt fellesskap av vaksne og ungar.

rosehagetorn

Eg føler at songleikar er ein del av barnekulturen som har gått litt i gløymeboka, ungane no til dags leikar ikkje songleikar, ikkje hoppar dei strikk heller, når eg tenkjer meg om. Det var det me gjorde i friminutta, leikte songleikar og hoppa strikk.

Eg fortalte ganske tidleg om mine første skuleår, på ein fådelt grendaskule med til saman 27 elevar, viss det var gode år. Det var år med berre ein i kullet òg, altså, men det var veldig skjeldan, eg veit berre om ein gong.

Men me leikte altså songleikar i friminutta. Og i gymtimane på grendaskulen min. No offence, men det er kanskje like greit at skulen vart nedlagt for 26 år sidan.

DSC01292 (600x800)

Mitt kull bestod av seks jenter og ein, stakkars, gut, men med så få elevar, så leika me saman med alle. Dei to klaraste minna frå songleikar-friminutta, har eg fortalt om tidlegare ein gong, men eg gjentek dei her. Begge er frå eg gjekk i første klasse.

Me hadde ein stor, flat leikeplass, me held kvarandre i hendene og starta på den eine enden, med «Lang- lang- rekke». På hin enden av plassen, gjekk den høggravide læraren til 3. klasse. (Hugs eg var i første klasse, så ho kjente eg ikkje.) Eg var jo litt bekymra for korleis det skulle gå når me tok ho att, og, gode venner som eg alltid har hatt, enda det jo sjølvsagt med at eg vart most inn i rumpa til denne svære dama.

Lang lang rekke,
Gudrun ut av rekka gå.
Lang lang rekke,
Hilde ut av rekka gå.

Det andre minnet, handla om Berget det blå. Eg går framleis i første klasse, og det var gutar i 3. klasse. Desse kjenner eg sjølvsagt ikkje, er du gal! Eller eg kjenner sjølvsagt søskenbarnet mitt, som går i tredje. Men han er ikkje med i dette minnet. Berget det blå handlar om kjærestar og slikt, og det er ein som skal velge seg ein kjærest. Og ein av desse gutane i tredje, som er veldig skumle, velger vesle meg. Kjenner framleis kor pinleg det var.

Det kom to jenter frå Berget det blå,
og dei spurte jo som så,
er det kjærestar å få.
Og vil du vere kjæresten min,
så rekk meg handa di.

Eg skal skrive eit innlegg med fleire songleikar, både nye og gamle. Har du ein songleik du ikkje gløymer? Del han i kommentarfeltet, eller på Facebook, så kjem han med i neste songleik-innlegg.

Ønskjer deg ein flott forsommar. Me hadde sommarfest i barnehagen til guten min i dag, og der vart «Du skal ikkje tru det vert sommar» framført. Og eg må seie, med nattefrosta som var faretruande nær i natt, så var dette ein svært passande tittel.

-Gudrun-

ABC i sommarvarmen

Minstemann er vorten 4 år, og interesserer seg svært for bokstavar. Han elskar å bli lest for, akkurat slik som søskena. Storesøster leser sjølv no, all slags bøker, romanseriar, romanar, Harry Potter. På ferien starta ho på «Historien om Vakre Jente», ei bok eg ikkje anar korleis er, men ho likte boka godt. Godt mogeleg mora skulle ha lese ho òg. 12 åringen las ho iallefall ferdig.

Attende til fire åringen. Eg har drive som forhandlar for sjarmtrollparty i nokre år no. Så hans sommarlesing 2014 må verte dei flotte produkta derifrå. Moro med bokstaver, der han kan øve seg på å skrive bokstavane. Han likar helst å leike med dei som er litt eldre enn seg, naturlegnok sidan han er veslebror, så når kompisane nærmar seg skulestart, får han nok litt drahjelp derfrå. Han er òg veldig glad i ABC-aktivitetskorta, som også er ein av mine (mange) favorittar.  Både Moro med bokstavar og ABC-aktivitetskorta har samme flotte illustrasjonar, det er bokstavar med sjel, designa for at ungane skal lettare hugse bokstavane.

abc-aktivitetskort frå sjarmtrollparty
Aktivitetskorta frå Sjarmtrollparty.

 

Eigaprodusert Sommar-lesebok

Alle desse produkta er supre for å lære seg bokstavane, men kva med dei som treng lesetrening? Eg er igang med Leseboka om gravemaskiner, 2. utgåve. Eg har googla og funne masse informasjon om gravemaskiner, som eg har kopiert og limt inn, slik at me har ei spennande bok å lesetrene på i sommar. I år har eg fylt ho med teknisk informasjon, hyrdaulikk, skuffetypar osv. Tenkjer det er noko den maskuline delen av familien finn interesse av å lese om. Eit lite utdrag finn du her;

Ei gravemaskin består av undervogn, der belter eller hjul er montert, og ei overvogn med førerhytte og motorkasse. Bommen er den største delen av «armen», og den ytterste delen heiter stikke.

I fjor var ABC – boka vår litt for mange vanskelege ord i, fordi eg kopierte frå nynorskwikepedia, i år har eg funne bokmålstekst og omsett det sjølv, slik omtrentleg.

Det er det samme kva ungane les, likar dei Donald, la dei lese det, eller fotballblad. Spesielt om sommaren, er det viktig å gjere det lystbetont. La dei lese og lære om det som interesserer dei, som hjå oss; gravemaskiner og anna utstyr.

Elles føler me oss klare for sommarferie, iallefall den delen med lekser og morgostress, så får me prøve å smyge inn litt lesetrening og matteøving i sommarferien òg, og håpe det glir glatt og uoppdaga gjennom.

Ønskjer deg nokre flotte sommarveker!

 

Klem,

Gudrun

Båtsangar

Båt er litt kjekt, sjølv for ein innbarka daling som meg (med litt, eller mykje, bømlablod). For dei som lurer, så er bildet av båten teke på verdas vakraste øy, Bømlo <3 Når eg var liten og gjekk på søndagsskulen, sang me jo ofte sangar som eg ikkje kunne, men det løyste eg glatt med å syngje «Min båt er så liten» inni meg og gjere ørsmå bevegelsar med hendene.

Min båt er så liten
Min båt er så liten, og havet så stort, men Jesus har grepet mi hand.
Når han styrer båten, då går det så bra, på vegen til himmelens land.
Når han styrer båten, då går det så bra, på vegen til himmelens land.
Men no kan eg jo sjølvsagt mange fleire sangar, blant anna denne;
Ro din båt
Ro, ro, ro din båt,
ta din åre fatt.
Vuggende, vuggende, vuggende, vuggende,
over Kattegatt.
Ro din båt er kjempe enkle bevegelsar til, først ro og så vugge. Det er ein perfekt sang for babyar og små barn. Dette var godnatt-sangen til mellomstemann i lange tider.
Ein god, gammal sognesang er «Ro til Siraland». Denne kan dei fleste barnehageungar i Sogndal, takka vera Toneskrinet som turnerte barnehagane for nokre år sidan.
Ro til Siraland
Ro, ro til Siraland,
femtan kake og fira mann.
Men dao dei kom til Siraland,
aott ikkje dei ein mata grand.
Eple, pære og plomme,
putta dei i lomme.
«Ro til Baltanskjer» er ein annan Toneskrinetsang om båt, den er morsom å syngje, viss ein ikkje høyrer for mykje på teksten 😉
Ro til Baltanskjer
Ro, ro til Baltanskjer,
der sat ei kjerring og fraus ihel.
Ho var so krokut i fotan, ho kund’ ikkje dansa til notan.
Laona meg ein hammar og laona meg ei tang,
so skal eg nok snart fao dan kjerringi på gang.
Kjerringi opp og dansa, so føtene begynte å svansa.
Det er kjekt å ta vare på gamle sangar frå lokalområdet. Her i vårt område har me ei eldsjel som lærer sangane vidare til ungane i bygda. Slike finst sikker òg rundt om i landet, desse gjer ein viktig jobb.
Eg har vore på Frelsesarmeen med alle tre ungane, på babysang, og ein av mange favorittar der, har vore denne;
Store bølger, små bølger
No sit me her og ror,
i vår vesle båt.
Sjøen er stor, veldig stor,
og det kommer bølgjer.
Stor bølgje, liten bølgje.
Stor bølgje, liten bølgje.
Stor bølgje, liten bølgje.
Sjøen går i bølgjer.
Mens me synger denne, ligg alle babyane på golvet mens mammene held tynt, tynt blått og kvitt stoff over dei og lager bølgjer i takt med sangen. Ungane ligg som spikra!
Dette var eit knippe av båt sangar, det kjem nok fleire etter kvart. <3
-Gudrun-