Kategoriarkiv: bevegelsessang

Sju av mine favorittsongar

Vel vel, her i Indre Sogn jobbar me i fagnettverk. Nettverket mitt er Kunst, kultur og kreativitet. I dag fekk eg innkalling til nettverksmøte og der står som følgjer; Kvar kommune skal sende inn tre songar/songleikar til nettverksansvarleg.

Jammen, eg har jo ei liste av omlag 734 favorittsongar. Og eg skal velgje tre? Saman med resten av dei som er i nettverket mitt frå Sogndal? Kva gir du meg? Då er det jammen godt at eg har bloggen min! Eg skal vere flink å kutte det ned til mine 7 favorittar. Eller rettare sagt; sju av mine favorittar.

1. Gå ein tur i jungelen/Walking in the jungle

1v:
Gå ein tur i jungelen – Gå ein tur i jungelen.
Kva ser du der? – Kva ser du der?
Viss du høyrer lydar – Viss du høyrer lydar,
kva kan det ver’? – kva kan det ver’?

Eg trur det er ein slange – ssssss
Eg trur det er ein slange – ssssss
Eg trur det er ein slange – ssssss

som ser etter litt mat – som ser etter litt mat.

2v:
Gå ein tur i jungelen osv….

Eg trur det er ein krokodille – klapp – klapp
Eg trur det er ein krokodille – klapp – klapp
Eg trur det er ein krokodille – klapp -klapp

som ser etter litt mat – som ser etter litt mat.

3v:
Gå ein tur i jungelen osv…

Eg trur det er ein tiger – grrrr grrrr
Eg trur det er ein tiger – grrrr grrrr
Eg trur det er ein tiger – grrrr grrrr

som ser etter litt mat – som ser etter litt mat.
Eg håpa’kje det vert meg – Eg håpa’kje det vert meg.

Denne songen har eigne konkretar i samlingsboksen min. Eg lærte den i utgangspunktet på engelsk, og eg brukar den ein del på engelsk dersom eg har ungar som er tospråklege med engelsk som det andre språket. Det er ekstra stas for dei at me syng engelsk, og stor stas for alle ungane at me syng ein song dei kan på engelsk. Det er bevegelsar til heile songen, og ein smart måte å hjelpe ungane til å hugse tekst, er å gjere bevegelsen litt før orda kjem.

Denne songen lærte eg på barnehagekonferansen i Loen seint på 90-talet.

2. Sjiraffen Laffen

Sjiraffen Laffen
gir alltid blaffen
i om det er fløyte nok i kaffen.

Sjiraffen Laffen
sa sist eg traff’en
KARAFFEL VAFF

Tjo og hei på deg, gamle venn
tiddeli tuddeli smått om senn.
Rumba – samba og så ein vals
høyr no eg synger av full hals.

Barappardapppa… (improvisasjon)

Det var jo nettopp på grunn av denne songen at handdokka fann vegen til Lauvhaug. Dette er ein av mine signatursongar, det er denne barnehageungane mine hugsar 20 år etter. Den er kjempe fin å danse etter! Og den setter seg lett på hjernen.

Dette er ein av mange songar som musikklæraren min på lærarskulen lærte meg. Takk til Kirsti Ese, som òg har gitt ut ei flott songbok der mange av mine favorittar finst.

3. Ford Escort

Eg er eit lite stykkje tinn
ingen veit kor eg skal inn.
Har fire hjul og køyrer fort,
eg er ein Ford, ja ein Ford Escort.

Honk – honk
rasle – rasle – rasle
kresj – tut – tut

Honk – honk
rasle – rasle – rasle
kresj – tut – tut

Honk – honk
rasle – rasle – rasle
kresj – tut – tut

Honk – honk – honk – honk – honk

Bevegelsessong igjen. Konkreten til denne er ein heilt alminneleg leikebil. Denne startar i første gir, då går det rimeleg sakte. Og så aukar tempoet etterkvart som me kjem opp i høgare og høgare gir.

Denne songen har eg lært på Knøttekor på Frelsesarmeen.

4.. Tre små griser

Tre små griser – lalu lalu lalu

Dei sang på vegen – lalu lalu lalu

Så kom ulven – lalu lalu lalu

Grisane blei redde – lalu lalu lalu

Kva trur du så dei gjorde – lalu lalu lalu

Dei sprang heim til mamma – haha haha haha

 

Dette er ein ultimat småbarnssong. Eg lærte den av Elisabeth, som var musikklærar på Høgskulen og hadde kurs på barnehagekonferansen seint på 90-talet. Eg dramatiserer denne songen med fingerdokkene. Ungane diggar den, og to åringane syng på den i leiken.

5. Kamelen Klara

Ein tiger er for diger,
og ein flodhest er for brei.
Ei mus er for lita,
og ei løve er’kje grei.
Vi har ikkje nok vatn til å kjøpe ein sel,
då veit eg kva vi gjer!
Kva då?
Jo vi kjøper ein kamel.

Så set vi oss og rir på kamelen Klara,
og snart så er vi ved midt i Sahara.
Oh – lakka – lakka – lakka.
Oh – lakka – lakka – lakka.
Jadda – jadda – jadda – jadda.

 

Denne songen er det fleire versjonar av, og eg likar sjølvsagt min versjon best. Det er ikkje min versjon då akkurat, men den versjonen som eg lærte først. Bevegelsessong dette òg.

Lært frå ein vikar som var innom avdelinga mi rundt årtusenskiftet.

6. Oh libala

Oh libala – oh oh
Oh libala – naka songo je je.

Gudrun indie – Karsten indie – Julie indie
naka songo je je.

Dette er ein navnesong frå Zaire. Eg veit ikkje kva det betyr, og veit heller ikkje om songen faktisk er frå Zaire. MEN eg veit at den er veldig fengjande og har fine trommerytmer. Den har eit andre vers, med Oh libala – oh mutema, der mutema er den einaste forskjellen frå første verset. Eg likar egentleg andre verset best, men kutta det ut for nokre år sidan og brukar berre første verset no. Eg trommar rytmen  på låra.

Eg lærte den frå ein vikar med rastafletter for snart 20 år sidan.

7. Apekatten Bongo Bongo

Apekatten Bongo – Bongo,
veit du kva han kan?
Han kan klatre Bongo – Bongo,
heilt til topps han kan.

Apekatten Bongo – Bongo
sitter i eit tre.
Når han ristar Bongo – Bongo,
faller nøtter ned.

aaaauuuu!

Dette er den nyaste av favorittane mine. Lærte den frå ein student som var innom på avdelinga for nokre år sidan. (Takk Lena) Denne er det òg bevegelsar til.

 

Eg har mange fleire favorittsongar. Dei kjem kanskje i eit (eller fleire) anna innlegg. Som du ser, er eg veldig glad i bevegelsessongar – og det er ungane òg.

Eg lagar gjerne video med melodi og bevegelsar dersom det er nokon som ønskjer det. Skriv i tilfelle ein kommentar i kommentarfeltet.

Klem,

Gudrun.

Moro med 20 to-tre åringar

Eg er tilbake med mine kjære to åringar, dei siste 6 åra har eg jobba eit år med eitt åringar og eit år med tre åringar, mens eg har starta på det 5. året med to åringen. Ein finurleg og artig alder.

På tysdag hadde me besøk av ein annan avdeling, ei avdeling med to og tre åringar. 20-25 to-tre åringar var mykje liv og hoi, skal eg seie deg, heilt til me hadde samling.

Eg hadde ikkje planlagt samling, men eg elskar samlingsstund, elskar stjernene i augene, elskar å underhalde desse små, artige menneska. Og me trengde eit sceneskifte. Så samling vart det.

Boksen.

Eg har alltid med meg boksen. Eg kan aldri gå til samling utan samlingsboksen.

Eg hadde med meg ein hjelpesmann, ein liten herremann på to år, som talde til tre kvar gong eg ba han om det. Eg veddar mykje på at eg ikkje hadde fått med meg så mange vaksne til å telje til tre framfor 25 likesinna. Det er artig med dagens unge, dei er vant til å stå framfor andre heilt frå dei er to år som min venn, mens dei snakkar. Kven hugsar vel ikkje med gru særoppgåva? Kvidde seg i fleire veker, for ikkje å snakke om år, heilt frå ein fekk høyre om denne skremmande opplevinga som skulle komme i 9. klasse. Dagens unge har føredrag i hytt og pine, ikkje stressar dei nevneverdig over det heller.

Denne unge mannen har gått i barnehagen vår i snart tre veker og har hatt sin debut framfor alle dei andre.

Tilbake til boksen. Å ha med seg noko inn i samling, er alfa omega. Det er ikkje alltid så mykje som skal til før det vert meir spennande.

Innhaldet

Eg har sjølvsagt mykje kjekt oppi boksen min, konkretar som kan knytast til ein sang, eller vere skodespelarar i eit eventyr, eller brukast til Kims leik osv.

Sjølvsagt er handdokkene frå nettbutikken med. Mikkel Rev fekk komme opp, og me sang «Mikkel Rev» for full hals, før me gjekk over til Hakkebakkeskogen og «Mikkels vise». Og Hakkebakkeskogen hadde to-tre åringane treft på tidlegare, så me fekk repitert opningsscena, og sang «So ro lillemann» før Mikkel måtte oppatt i boksen.

Bamse Brakar dukkar òg ofte opp frå boksen, og då kjem som oftast Bjørnen sover som sangforslag. Me har òg brukt Bamse som konkret i Hakkebakkeskogen, som Bamsefar og Brumlemann. Denne gongen dukka ikkje bjørnen opp av boksen, men me kjem nok til å prøve oss på dette opplegget om sosial kompetanse med Mikkel og Bamse litt seinare i år.

Bamse Brakar og Mikkel Rev i barnehagen.

Sjiraffen Laffen er òg ein fyr som «alltid» dukkar opp av boksen, fordi ungane elskar den sangen. Sjiraffen Laffen, som eg lærte på Høgskulen i Sogn og Fjordane då eg gjekk i 1. klasse på førskulelærarutdanninga i 1994-95, er ein av mine signatursangar. Det er sangen som ei av dei første barnehage-jentene mine nemner; «Eg hugsar Sjiraffen Laffen», sjølv om ho no er over 20 år og utdanna barnehagelærar sjølv.

Elles har eg handdokke av sau og krokodille (kjøpt i anna butikk), edderkoppar i lange baner. Me held oss mest til «Pitte vesle edderkopp» og «Store petter edderkopp» endå, men den sinte og den morosame dukkar nok snart opp dei òg, berre me vert trygge nok.

Mitt tips til deg er å bruke sangar som du likar, bruke masse bevegelsar, bruke blikket, bruke mimikk, og SMILE!

 

Kos deg – nyt samlingsstunda <3 Ha da moro!

 

Klem

  • Gudrun

Eit av mine tidlege barndomsminner.

Eg er medlem av forskjellege «barnehage»-grupper på facebook, og i ein tråd på ei slik gruppe, dukka ein sang som eg lærte då eg gjekk på «førskulen» for 34-35 år sidan.

Eg brukar sangen ofte i barnehagen i dag òg, ikkje så mykje i samlingsstunda, men meir som «ventesang», mens me ventar på mat, på kviling eller liknande.

Tombai

Tombai – tombai – tombai – tombai
tombai – tombai – tombai.

Tombai – tombai – tombai – tombai
tombai – tombai – tombai.

(me slår oss rytmisk på låra)

Trallala – trallala – trallalala – lalla

(me klappar i hendene)

Trallala – lalla – trallala – lalla
trallala – lalla – lalla.

(me slår på låra og klappar i hendene)

Artig å finne songen på youtube, frå eit heilt anna land, men likevel så likt.

DSC01295 (800x600)

Ynskjer deg ein flott sommar, del gjerne bloggen min, og følg meg på Facebook. Du finn meg òg på instagram, snapchat og pinterest, som Samlingsboksen <3

klem,
Gudrun

Samlingsboksen – inspirasjon

samlingsboksen_inspirasjon_pakka

Dersom ein skal få plass til alt, må det pakkast godt.
Men du har eit vell av idear, inspirasjon, improvisasjon,
ingen samling treng verte lik, det poppar opp
songar og eventyr, kun fantasien set grensene.

samlingsboksen_inspirasjon_fullt

Mikkel, Bamse Brakar og Sjiraffen Laffen er sjølvsagde i mine samlingsboksar.
Her er òg eigenproduserte songkort.

samlingsboksen_inspirasjon_fullt2

Boksen er ei gammal skoøskje, som eg har kledd med papp og «Mc Gyver»-tape.

samlingsboksen_inspirasjon_griser

Dei tre små grisane, Puslegrisen, Sporty Bust og Pelle Gris, og ulven, Missjø Grybin
må jo sjølvsagt òg få vere med i samlingsboksen.
Me syng Alf Prøysen sin «Puslegrisen», me syng «Tre små griser»,
«Med krøllet hale» og så brukar eg dei til å dramatisere eventyra mine.
Den raude boksen brukar eg kun som underhaldning. Det vert so
mykje meir spanande å trekke frå samlinsboksen når
konkreten ligg opp i denne raude boksen. (Ja, eg veit mange har
julekuler oppi slike, men mi julekule overlevde ikkje diversse juletre-fall.)

samlingsboksen_inspirasjon_dyr

Eg og misten rydda på rommet hans,
då fekk eg arve mange flotte plastdyr. Slike finst det flust av
i barnehagane rundt om, stapp dei oppi boksen din.
Det er mykje meir spanande å synge «Be be lille lam» når du
trekker fram ein sau, mot som berre å seie;
«No syng me Be be lille lam».

samlingsboksen_inspirasjon_insekt_dyr

Eg likar visst dyr i samlingsboksen min.
Musa er ei katteleike, kjøpt på ein matbutikk, i anledning Skinnvotten-prosjektet me hadde i fjor. Eit åringane var Pilemus Silkehår.
Fisken fekk plass i boksen under Olav Stedje-prosjektet vårt.
Eg fann han i lagerutsalet mitt. Det var egentleg ein fiskekrok.
Men han funkar flott som konkret. Me brukar han, sjølvsagt, til «Bobb-bobb-dedi-dedi» (Dei tre små fisk), men me har òg sunge «Fiskeskjer». Ingebrigt Davik og Taremareby er òg ein ide i fiske-konkreten.
Kyllingen høyrer påsken til. Billig påskepynt frå Europris.
Viss du bruker augene godt, så ser du ein liten edderkopp attmed fisken. Eg må ha med edderkopp i samlingsboksen min, for det er rett og slett den artigaste songen eg veit om. Det finst eit vell av forskjellege edderkoppar rundt om. Eg har arva edderkoppen frå dotter mi, som  har utstyrt samlingsboksen min med mykje rart oppgjennom.
Frosken er frå Forut sin barneaksjon. Me syng «Små froskene» og «M-Æ» når me trekker fram denne.

samlingsboksen_inspirasjon_jungel

Når desse tre kjem ut av samlingsboksen samtidig, er det sjølvsagt «Gå ein tur i jungelen» eg har lyst til å syngje. Og dette er alltid ein ønskjesong frå ungane, så her er me bra på nett. Eg har framsnakka rørslesongar både tett og ofte. Litt rørsler gjer songen mykje betre å syngje.
Av og til kjem berre tigeren fram, då syng me «Ein tiger er for diger», kjem berre krokodillen, er det «Nyss så møtte jeg en krokodill» eller «Krokodille i ditt badekar» som poppar fram.

samlingsboksen_inspirasjon_køyretøy

Køyretøy er òg alltid moro! Har du ein båt, kan du syngje «Sortebill» og «Sabeltann», du kan innom «Ro til Siraland», «Ro din båt», «Kven kan segla for utan vind», «Ro til fiskeskjer» og alle andre båt-songar du kan. Mine to toåringsgutar påstår alltid at dette er ei skute, så me startar med Sabeltann før me går over til robåtane våre.
Eit tog er alltid kjekt å ha i samlingsboksen, me syng «Tøffe toget» og «Nede på stasjonen». Dette mini-toget trur eg kom i eit kinderegg ein gong. Det er eit knøtt lite tog frå Thomas-toget. (Eg veit ikkje akkurat kva dette heiter…) Bilen er ein gjengangar, me syng alltid «Ford Escort», men du kan kanskje andre bil-songar? 

samlingsboksen_inspirasjon_kort

Desse ordkorta om følelsar likar eg godt. Kjøpte dei gjennom go’boken. Det er ein liten tekst på baksida òg, for å underbygge illustrasjonane.

samlingsboksen_inspirasjon_tal

Tal- og bokstavkort er fine å ha i boksen. Desse har eg laga sjølv, men både sjarmtroll og Alfabetika har ABC og 123 kort som er fine.

Dette var min boks pr i dag. Nøtteliten og Bolla Pinnsvin har òg plass, pga Alf Prøysen-prosjektet vårt. Dessutan ligg det eit rytme-egg eller ein marakass, som ungane spelar på når me syng navnesongar.

Har du boks i samlinga? Kva har du oppi samlingsboksen din? Dersom du fekk idear frå innlegget, er det flott om du deler det med andre, og eg set stor pris på nye idear!

Kos deg med samlingsstunda.

Klem, Gudrun

Sjiraffen Laffen – gir alltid blaffen

Teaterdokkene til samlingsboksen.no har som sagt endeleg funne vegen til Sogndal. Først ute var ein boks med sjiraffar, endeleg kom Sjiraffen Laffen, det var kjærleik ved første blikk. Så forelska vart eg at eg til og med har lagt ut selfie på instagram, eg som aldri publiserer bilder av meg sjølv.

samlingsboksen_sjiraff_selfie

Sjiraffen Laffen er ein av mine (mange) favorittsongar, så min første tanke når eg fekk sjiraffen i hendene var, sjølvsagt, Sjiraffen Laffen. Første dagen gjekk eg og fire åringen rundt og song heile dagen. Naboen sa at gutungen hadde sunge Sjiraffen Laffen til dei òg, då han var borte og leika med venninna si.

sjiraffen_laffen_samlingsboksen

Så begynte eg å tenkje, det var rimeleg snevert å ha ei teaterdokke kun til Sjiraffen Laffen? Dokka var jo så fin, ho måtte kunne brukast til noko meir. Då fekk eg den geniale idèen å spørje mine følgjarar, her på bloggen, på instagram og på facebook. Og eg fekk mange flotte forslag.

Portveien 2

Alle som vaks opp omtrent samtidig med meg, veit kven Raffen i Portveien 2 er, den gode sjiraffen som gøymde seg for Eli og Jarl, men dukka opp slik at me ungane fekk sjå han. Me som vaks opp med 20-30 minuttar barnetv kl 18 på NRK, hadde litt felles oppdragelse. Dei som veks opp no, har fleire titals kanalar å velje mellom, som sender barneprogram heile døgnet.

Men iallefall, fleire av mine søte hjelparar, ville brukt sjiraffen på samme måte som Raffen i Portveien, ein usynleg, for ho, gjest som dukka opp i samlingsstunder i barnehagen og tøysa bak ryggen hennar.

Sjiraffspråket

Eit anna forslag på korleis sjiraffen skulle brukast, tykte eg var så flott at eg måtte sitere det.

Hadde eg vunne en giraff til meg og mine ville den fungert som informasjonssjef i heimen. Han skulle fortalt om dagens planar og vore lydhøyr for ungane sine ynskjeleg om dagens innhold. Måtte vore ein perfekt måte å starta dagen på etter frukost. Samstundes ville den nok blitt sentral under lese stund og oppsummering av dagen før legge tid med masse kos og klem å gi og få av både meg og ungane.

Den amerikanske psykologen Marshall R. Rosenberg har utvikla ein kommunikasjonsprosess som me på norsk har kalla sjiraffspråket. Sjiraffen har lang hals, som han får god oversikt med, store øyrer som er gode å lytte med, og eit stort hjarte med plass til mykje empati. Eg har virkeleg tenkt å ta i bruk sjiraffspråket oftare, og verte meir anerkjennande i min måte å kommunisere på. (Spesielt heime….) Eg skal skrive eit innlegg berre om sjiraffspråket ein dag, for å hjelpe meg sjølv til å få det under huda, og inspirere deg til å prøve du òg!

Det høgaste dyret i verda

Sjiraffen er det høgaste dyret i verda, hannane vert omtrent 5 meter høge! Flekkane på pelsen er kamuflasje… Kanskje me kunne prøvd å gøyme Sjiraffen Laffen på avdelinga? Ganske fantastisk at flekkane skal kunne kamuflere eit 5 meter høgt dyr! Mennesket sin hals har sju halsvirvlar, kor mange trur du sjiraffen har? HA!! Han har òg sju, akkurat som meg og deg! Og fordi dei er så store, har dei få fiendar. Når eg tek med meg Sjiraffen Laffen i samlinga, skal eg finne endå meir barnevennleg informasjon om sjiraffen sitt liv. Skal eg dele det med deg?

Magiske samlingsstunder

Og heilt til slutt, må eg fortelle deg kva ei av dei skjønne damene eg jobbar med sa; «Skulle brukt han til å skapa magiske samlingar!;) slik som du er så god på Gudrun!» Kjekt med fine tilbakemeldingar! (Tusen takk Hildegunn!) 

Sjiraffen Laffen er utruleg fin å snakke med, han er skikkeleg uttrykksfull, så eg trur nok du får til magiske samlingsstunder med han!

Likar du bloggen? Fint om du deler den  vidare med andre <3 Viss du skriv i kommentarfeltet kva du vil bruke sjiraffen til, så er du med i trekkinga av ein <3

Klem,
-Gudrun-

Vår samlingsboksen – inspirasjon

Her er ein ørliten kikk inn i samlingsboksen vår, som eg kallar Vår samlingsboksen.

samlingsboksen.no
innhald i samlingsboksen

Samlingsboksen vår er alltid i utvikling og endring. No har me Olav Stedje-tema i barnehagen, me skal ha konsert i juni – og alle gler seg! På bildet over ser du to av våre Olav Stedje-songar; fisken er «Bobb – bobb – dædi – dædi» som ungane seier og den runde dokka (filthovudet) med to auger er Åkken Bom.

Kor finn eg alt eg puttar i boksen? Det meste som er oppi samlingsboksen vår, er mitt private, som eg har samla på oppgjennom. Kor kjem den veldig livaktige fisken frå? Jo, det skal eg fortelje deg; det er opprinneleg ein havfiskekrok som har fått nytt liv. Eg fjerna kroken, og brukar fisken. Samlingsboksen er noko eg (eller dei andre vaksne) har kontroll på, det er ikkje noko ungane får bruke utan tilsyn, så eg treng ikkje vere nøyen med å ha barnevennlege ting oppi der. Havfiskekroken fann eg i verdas største forundringspakke, når eg opnar nettbutikken min, skal eg legge ut nokre fiskar frå forundringspakken (ein 12 meter lang konteiner med fullt i ting). Eg har nokre til overs, som andre kan få ta nytte av.

samlingsboksen.no
samlingsboksen.no

Okken Bom (På månen bur ein liten mann) er den minste av desse filthovuda. Desse har ungane mine sydd til meg saman med bestemora, eg stappa dei fort oppi samlingsboksen, og døypte den vesle for Okken Bom i forbindelse med Olav Stedje konserten, og den andre for Hokkus og Pokkus, sidan dette er ein svært så populær song blant 1,5-2 åringar. (Meija – meija er gjenklang når me syng denne!) Ungane er kanskje berre 1,5-2 år, men kom berre ikkje her og kom her! Ho som hadde samling her om dagen, prøvde seg å synge Hokkus og Pokkus til begge hovuda, då fekk ho unisont; «MANN!! MANN!!» til svar frå ungane.

Edderkoppen i samlingsboksen
Edderkoppen i samlingsboksen

Me har fått ein ny edderkopp i samlingsboksen. Den gamle var sliten og trengte ein kvil. Edderkopper eit must i alle samlingar, med mange vers! Viss de har fleire nasjonalitetar, kan godt internasjonale edderkoppar òg vere på plass oppi samlingsboksen.

Korleis er det hjå deg? Brukar du samlingsboksen i samlingar? Kva har du oppi?

Klem,

-Gudrun-

 

 

 

Ein treåring sine favorittar

I vår sang eg «Gå ein tur i Jungelen» for første gong for min eigen treåring, ein sang som eg hadde sunge nesten kvar dag saman med andre treåringar. Dette vart raskt ein favoritt som han valgde kvar gong han skulle legge seg ei tid.

Jungel-sangen
Gå ein tur i jungelen,
gå ein tur i jungelen.
Kva ser du der?
Kva ser du der?
Viss du høyrer lydar,
viss du høyrer lydar,
kva kan det ver’?
kva kan det ver’?
Eg trur det er ein slange, ssssss
eg trur det er ein slange, ssssss
eg trur det er ein slange, ssssss
som ser etter litt mat,
som ser etter litt mat.
Gå ein tur i jungelen…osv
Eg trur det er ein krokodille, klapp, klapp, klapp
eg trur det er ein krokodille, klapp, klapp, klapp
eg trur det er ein krokodille, klapp, klapp, klapp
som ser etter litt mat,
som ser etter litt mat.
Gå ein tur i jungelen…osv
Eg trur det er ein tiger, wreeeel, wreeel,
eg trur det er ein tiger, wreel, wreeel,
eg trur det er ein tiger, wreeel, wreeel,
som ser etter litt mat,
som ser etter litt mat.
Eg hapa’kje da verte meg,
eg håpa’kje da verte meg.
(eller saman med min eigen gut håpar eg det ikkje vert meg og deg eller oss 😉 )
Denne er med rørsler, som ein gjer ørlite før teksten, slik at ungane enklare klarar å henge med.
Det var favoritten ei lang stund, heilt til eg starta på småbarnsavdelinga, og begynte å synge tre små griser. Då adopterte han den som favoritt, rett nok ikkje like lenge, berre lenge nok til at han hadde lært den. 😉 Den skreiv eg opp att i ein post tidlegare i veka. Men som sagt, måtte han alltid avslutte med at «So leste mammao atte døri» slik at han fekk ei god og trygg avslutting på det heile.
No er det ein ny favoritt, som han kallar sjiraffen blaffen. Dette er ein sang som eg sjølv òg er veldig glad i, men som eg har brukt alt for lite i det siste.

 

Sjiraffen Laffen
Sjiraffen Laffen, gir alltid blaffen,
i om det er fløyte nok i kaffe’n.
Sjiraffen Laffen, sa sist eg traff’en
Ka-raf-el-vaff.
Tjo og hei på deg gamle venn,
tiddeli-tuddeli, smått om senn.
Rumba, samba og så ein vals,
høyr no eg synger av full hals.
Taratta-ta-ta….
Når eg var på stor-avdeling, dansa me alltid samba rundt i rommet mens me sang denne sangen, det har eg ikkje gjort i dei siste to åra med småbarn. Men kanskje eg skal ta den med inn i gymsalen, små barn dansar vel?Ein gong, om ikkje so lenge (??), skal eg begynne ta opp video. Vil du ha video med Jungel-sangen? Skriv ein kommentar, eller skriv det på Facebook.

-Gudrun-
som har greidd å ikkje løfte og ikkje bøyge seg so masse i dag, og går med ein nærsynt og eit langsynt auge enn so lenge.

Tre små griser – eit teater.

Som eg har sagt tidlegare, høyrde eg «Tre små griser» for første gong for 12-15 år sidan. Har alltid hugsa på at eg har den, men eg har aldri brukt den, i nokon som helst slags samanheng, før no i haust. Eg har tidlegare jobba med eldre barn, og brukt andre sangar. Eg har så mange favorittar.

Men no, med 11 eitåringar, har denne sangen virkeleg komme til sin rett. Du får ein heil historie på nokre få linjer. Og eg, som likar å bruke heile meg, dramatiserer sangen mens eg syng den.

Me startar med «Tre små griser, la lu la lu la lu», smiler og vuggar litt att og fram, og er liksom veldig glade.

Går vidare på «Dei sang på vegen, la lu la lu la lu», smiler endå meir, er endå meir glade, augene skinner og er vidopne.

Så skvetter me til når me syng «Såååå kom ulven, la lu la lu la lu». Og krøker oss saman når me syng «Grisane vart redde, la lu la lu la lu».

Når me syng «Kva trur du så dei gjorde, la lu la lu la lu» så undrar me oss litt, ser litt nysgjerrige ut.

Mens me godter oss og liksom skrattar av ulven når me syng «Dei sprang heim til mamma, ha ha ha ha ha ha»

Og når me syng den heime, seier minste guten min på tre år alltid; «Og so leste mammao atte døri» (Så låste mamma døra) For å få ein skikkeleg trygg og grei avsluttning på den litt skumle sangen… 😉

Det enkle er ofte det beste! Del gjerne bloggen med andre som kan lære noko av den, eller som kan lære meg noko. Og følg gjerne på Facebook.

I morgo skal eg på sjukehus og operere vekk nokre fuglar på augene, eller det eine iallefall, er veldig spent på resultat, og usikker på korleis det vert framover med 0-syn på eit auge og -4 på eit… Viss det kjem noko merkeleg frå denne kanten dei neste månadane, så veit de kvifor…!!

-Gudrun-

PS: Dette er det hundrede innlegget på bloggen, tykkjer bloggen fortjener gratulasjonar 😉

Ro ro ro din båt

Som eg skreiv på Facebook så har eg fått vite at det finst fleire vers på Ro, ro, ro din båt. Når eg ser versa, reknar eg med at det er nytildikta vers 😉 Ser føre meg at her er det ein barnehage som har vore kreative, men eg veit ikkje. Ver snill å sei frå viss du veit opphavet!!

Ro din båt
Ro, ro, ro din båt,
ta din åre fatt.
Vuggende, vuggende, vuggende, vuggende
over Kattegatt.
Gyng, gyng, gyng din båt,
nedover ein bekk.
Viss du ser ein krokodille,
skrik og jag den vekk.
Ro, ro, ro din båt,
snart er vi i land.
Viss du ser ei løve,
må du brøle alt du kan.
No er me godt i gang med sangsamling saman med 1 åringane. Skal skrive litt om korleis me gjer det i ein annan post. Men ein ting som iallefall er viktig for meg når me har samling; det skal vere moro og det skal fengje barna. Dei skal sitte og følgje med fordi dei vil det, ikkje fordi me har sett dei i ein stol. (Me sit alle på madrass på golvet, fritt til å reise oss opp og gå)
Her ser du bildet av den fine båten som bur i småbarnsboksen min. Båten fann eg i min mann sin konteiner. Verdens største forundringspakke. For alle som lurer på om det var fleire båtar, så nei, eg fann berre ein. Men det var veldig mange kinadokker 😉

Er det nokon som har ein idè til kva eg kan bruke dei til? Dei som kjem med ein god idè, får ei dokke i premie 😉

Eg har òg fått spørsmål om kor eg har funne edderkoppen min, den store som ligg midt på bildet her 😉

Den er det dotter mi som har kjøpt på ein eller annan ferietur. Viss du ser slangen bak edderkoppen, så er den òg hennar… Ho har kjøpt mange forskjellige krypdyr oppgjennom åra. Eg har ein draum om å sette i saman samlingskassar til andre, for eg er veldig glad i ting som kan brukast med ein gong, og som slepp å planleggast så veldig. Eg, og sjefen min, er samlarar, me samlar på alt mogeleg som me kan bruke i samlingsstunder. Då har me alltid eit eller anna klart. Hmmm, spørs om eg skal ta turen inn på alibaba (nettside med alt mogeleg krims) og planlegge kassar… 😉 To be continued 😉

Ønskjer du deg ein boks? Har du laga deg boks? Samlar du? Korleis brukar du boksen? (Eg har sikker ti… den første, som var samlingsboks ala hjarteboksen, ein rimboks, ein auditivboks, ein munnmotorisk boks…etc etc…)

No poppar ideane til nye postar opp..! Har du ønskjer for bloggpostar?

klem, Gudrun

Vesle Petter Edderkopp

Jepp, takka vera Veronica, så har eg lært ein ny versjon av Vesle Petter Edderkopp, som vist nok er den opprinnelege? I allefall rimar den, og er meir «korrekt» enn den andre versjonen som berre brukar «Hatt» som rimeord.

Vesle Petter Edderkopp,
han klatra på min hatt.
Så begynte det å regne,
og Petter ned han datt.
Så kom sola og skinte på min venn,
då blei det liv i Edderkopp,
som klatra opp igjen.
Fin? Det tykkjer iallefall me, og no brukar me denne versjonen i barnehagen, og sjølvsagt med mange andre slags edderkoppar. Lærlingen vår, Annette, er veldig glad i å synge om Store Petter Edderkopp….
-Gudrun-