Kategoriarkiv: kreativitet

Hopp i det – ha det moro!

Eg jobbar i ein barnehage med tre små barnsavdelingar og tre storbarnsavdelingar. I dei tre storbarnsavdelingane er det ca 55 ungar tilsaman. Tidlegare år har me hatt felles adventssamlingar, og det har alltid vore ein kjekk aktivitet. Men sist desember me hadde muligheit (2019, pre-korona) ville ikkje dei andre samarbeide om å ha felles adventssamling. Grunnen var at dei vaksne ikkje ville ha samling med så mange barn (og eller kanskje helst vaksne, mistenker eg.)

Kva kan du gjere?

Eg skjønnar at det kan vere skummelt å ha samling med 55 ungar og 12 vaksne. Men EG tørr! EG som ikkje sa eit ord frivillig høgt i klassen frå 4. klasse til ut lærarskulen, ja, fortsatt kan eg ta meg i å unngå å snakke i klassesamanhengar.

Men eg elskar samlingsstunder, berre sjå her, kva eg gjorde den dagen eg var sliten og lei. Ungane mine kjem til meg og spør; «Når skal me ha samling?»

I 2012, som eg har fortalt so mange gonger, var eg vikar i ein barnehage, og eg fann ut kva som var mi gåve til verda. Mi gåve er at eg er skikkeleg god på å ha samlingsstunder, og det vil eg gjerne lære vekk til deg òg. Derfor vart bloggen min «Gudrun sine sangsskattar» starta på WordPress, før eg kjøpte domene, som du les på no, samlingsboksen.no. Eg bestemte meg for samlingsboksen fordi den er ein så viktig del av samlingsstunda mi. I åra som kom, kjøpte eg også inn ein drøss med handdokker frå yangzhouhuinitoys, jepp, det er ein butikk i Kina, og i januar 2014 var eg til London, på Experts Acadamy med Brendon Burchard. Og i ein av bolkane i EA, såg «Sju steg til ei spennande samlingsstund» dagens lys. Men kun i form av rammeverket. I 2019 lanserte eg kurset fysisk, så i januar 2020 starta eg opp i eit kurs hjå Stine Bustillo, og endeleg fekk eg digitalisert kurset. Eg har brukt både Brendon Burchard sitt Total Product Blueprint og Stine Bustillo sitt Onlinekurs som selger som støtte i utforminga av kurset.

Kor vil eg hen med dette?

Jo, eg ser jo at mykje moro vert stoppa fordi dei vaksne ikkje tørr. Det er kjempe kjekt å vere på fellessamling, og få ein felles opplevelse. Me vert kjende på tvers av avdelingane, me får fellesskapsopplevelse, me vert ein barnehage.

På ein planleggingsdag hadde me ein førelesar, på teams i desse koronatider, som sa det at; «Samlingsstunda er det minst pedagogiske me har i dagens barnehage.»

Det treng ikkje vere slik! Samlinga treng ikkje vere eit einaste langt Hysje-kor. Du må tenkje over kva du vil med samlingsstunda di. Eg personleg la att «Kva dag er det i dag» på 90-talet ein gong! Det er ikkje moro! Ikkje pleier eg lære om dyrespor heller. Eg meiner at samlinga skal vere moro! Viss det sit 18 ungar i alderen 3-6 år, så klarar du ikkje å fengje alle med slikt. Nokon begynner å bråke og du eller dei andre vaksne begynner å hysje.

Visst skal dei lære!

Eg meiner ikkje at me ikkje skal lære ungane kva dagane heiter, eller lære dei om forskjellige fuglar, men du treng ikkje bruke samlingsstunda til det! Det kan du gjere i påkledninga, når de går tur, eller i små grupper.

I samlinga er det perfekt å få felles opplevelser, til gruppebygging, til å skape vi-kjensla. Me kan ha det moro, me kan synge saman (som er flott språktrening), me kan dramatisere, fortelle historiar.

I morgo skal eg og dei andre eg jobbar med, ha samling med 90 fem-seks åringar, det vert spennande, 19 av dei er våre, men dei andre 70 kjenner me ikkje. Men me hoppar i det, og vil ha det moro!

klem,
Gudrun.

Målet er å gi ungane sommarfuglar i magen.

Eg fekk ein koseleg mail frå ein av kundane mine, som hadde kjøpt Felles opplevelse hjå meg. Det var eit så godt spørsmål at eg vil dele svaret med fleire.

«Har du noen tips til hva man kan gjøre med de barna som forstyrrer, roper og skriker, plager de andre barna osv.?»

Kva gjer me?

Hjå oss må me vere nøye med plasseringa i samling. Det er nokon av ungane som bør unngå å få augekontakt med kvarandre. Alle barnegrupper har nokre ungar som påvirkar kvarandre i litt negativ retning. Me har tilnærma faste plassar, og plasserer strategisk. Til beste for heile gruppa. Me er også nøye på plasseringa av vaksne.

Eg pleier å synge, bevegelsessongar er alltid ein hit. Dramatisere pleier vere populært, det fengjer heile gruppa. Handdokker er eit kjempe flott hjelpemiddel. Øv deg gjerne på korleis du skal føre dokka, slik at du og dokka vert “eit”.  

Eg unngår alltid kjedelege ting. Slike ting som får gruppa til å miste fokus. Pleier t.d. ikkje ha dag, mnd, vær osv. Og andre “læreting”, slikt passar bedre i små grupper, t.d. under påkledning. Når de klær på passar det jo perfekt å snakke om kva slags vær det er. Eg ville ha fjerna alt som var “kjedeleg” frå samlingsstunda. Auka forventinga om at samling er kjekt.

Rutiner.

Rutinar er faktisk til hjelp. Fast plass, faste plassar, fast, velfungerande rammeverk på samlingsstunda, eg likar mine sju steg, overraskande nok. 😉 Ha vertfall ein klar start og ein klar slutt. Men rutinane må ikkje verte rutine. Det må skje noko overraskande, noko dei ikkje forventar.

Viss du deler gruppa, ville eg delt gruppa med tanke på dei som følger med og likar samling – dei som stadig får samlinga si øydelagt. Kanskje dele ujemnt, med dei som forstyrrer på ei gruppe og hine på ei? Og ha korte, spennande samlingar med dei som må øve seg på samling? Og ha kjekke, spennande, lange samlingar med dei som er glade i samling. Når du har nokon som øydelegger samlinga, så ville eg ha gitt dei andre litt også.

Fokus.

Og FOKUS! Ver engasjert sjølv, og gjer ting dei ikkje forventar. Og avslutt når du ikkje har ungane sitt fokus meir, det gjer ingenting om samlinga er fem eller trettifem minuttar. Ha det moro, og avslutt med ein gong det ikkje er moro meir, slik at ungane «forventar»/lærer at samling er moro.

Målet er jo at ungane skal få sommarfuglar i magen når dei høyrer ordet samling.

Følg samlingsboksen på Facebook. Og sjekk ut Sju steg 🙂

Har du tips du vil dele? Skriv dei i kommentarfeltet.

Klem,

Gudrun.

Lille Larven Aldrimett

Korleis pleier du å lese bøker? Her ser du meg lese Lille Larven Aldrimett. Merk at dette ikkje er ei full samling, eg les berre boka og har ein leik på slutten. Eg har aldri samling utan masse song.

Dette her er ei av favoritt bøkene mine, å snakke om favoritt bok er nesten som å snakke om favoritt sang, for det er så mange av dei. Men Lille Larven Aldrimett, av Eric Carle er ei fin bok til 2-3 åringar.

Eg har jo mange samlingsboksar, og Lille Larven Aldrimett har fått sin heilt eigne boks.

Dialogisk lesing

Eg har brukt larven til dialogisk lesing og språktrening, men også som bok i samlingsstunda. Eg veit at mange ikkje likar bok i vanleg samlingsstund, fordi det er vanskeleg å treffe alle, men viss du gjer det spennande nok, så vert det bra lell. Sjå her for mine tips til lesing i samlingsstunda.

Inni boksen er det masse rart, sjå berre her;

Lille Larven Aldrimett

I boksen har eg boka, Lille Larven Aldrimett handdokka, nokre tre frukt; eple, pære, jordbær og appelsin. Eg har klipt ut og laminert all maten Larven Aldrimett et seg gjennom. Eg har fleire sommarfuglar, bilder av frukter, ein artig sak med ein larve i eit eple og eit rytmeinstrument.

Lille Larven Aldrimett
Lille Larven Aldrimett

Kims leik er ein fin aktivitet for å få inn meir språktrening, eg brukar fargenavn og fruktnavn; «Eit raudt eple».

Lille Larven Aldrimett

Tanken er då, og det vert gjennomført slik òg, at eg kan ha ei heil samlingsstund berre med Larven Aldrimett og det som eg finn oppi boksen. Det kan vere moro å halde seg til «temaet», men det fører med litt jobbing på førehand, med å finne sangar som passar, eg ville kanskje valt «Hysj, kan du høyre», alle salgs edderkoppar osv, då hadde eg hatt eit insektstema. Men elles likar eg å velge den songen eg eller ungane har lyst til å synge akkurat no.

I mindre grupper pleier eg ha Kims leik, slik som eg har på videoen, og me pleier bruke rytmeinstrumentet til å synge ein navnesong.

Du finn samlingsboksen på Facebook. Kom gjerne innom.

Håper du har ein fin dag! Del gjerne innlegget vidare viss du likte det <3

Klem,

Gudrun

Dårlige samlingsstunder

…eller historia om den gongen eg var innesperra åleine med 15 ungar…

Dette er historia om dårlege samlingsstunder. Det er ikkje alltid det er super-dupert. Av og til er organiseringa skikkeleg teit, og du vert sittande åleine med 15 barn i ein times tid. Då er det jammen bra om du ikkje misliker samlingsstunder i tillegg.

Dårlege samlingsstunder – me har alle vore der!

I fjor så hadde eg ei samling som eg tenkte at denne, denne skal eg bruke som eit dårleg eksempel på korleis ein barnehagekvardag kan utarte seg.

Eg kom på jobb til vakta mi, skulle vere støttepedagog, og hadde to ungar eg skulle fordele tida mi på. Alle ungane på avdelinga var samla på samlingsrommet då eg kom. På avdelinga var det fullt av kinesarar som skulle høyre på eit føredrag. «Du må ta samling!» sa ho som skulle vere med ungane, mens ei var på morgomøte og ei var saman med to ungar på testing av fysioterapeut.

Du må ta samling!

«Ehe, ja, det kan eg», svara eg, «men eg likar best å ha min eigen boks, kan eg hente den?» Nei, det var det ikkje tid til. «Du kan bruke denne», sa ho, og kom med ein light-variant. Boksen min stod i garderobeskapet mitt, eg pleidde ikkje få ha samlingsstund på denne avdelinga, og hadde slutta å dra den med meg.

Så; der skulle eg ha samlingsstund, den første på denne avdelinga, åleine med 15 ungar og med ein boks som ikkje inneheld det boksen min gjer.

Jaudå, første kvarteret gjekk veldig bra, eg elskar jo å halde samlingsstunder. Så kom det att ein vaksen, me tenkte at no er det nok snart slutt. Det gjekk 25 minuttar til, og fire av ungane skulle vidare på opplegg med ein annan avdeling, desse snik seg forbi føredraget saman med den andre vaksne.

Det kjem ein ny vaksen inn. Smertegrensa på ei samlingsstund er 45 minuttar. Og då må eg vere mentalt førebudd, og ha min samlingsboks med mine ting og mine songar, ja, med min energi. Egentleg er 20-30 minutt det mest perfekte. Og der sat eg og hadde hatt samling i ein time, på ein boks med begrensa utval. Me hadde atpåtil fått beskjed tidleg i samlinga at me måtte vere stille, fordi me forstyrra føredraget. Då det var passert ein time, tok me gjengen med oss forbi heile føredraget. Då trengde ungane å bevege seg og eg var heilt utslitt.

Hei, eg heiter Joy! reddar dagen!

Så; alle mine samlingsstunder er ikkje super-dupre. Men eg er veldig glad for at eg er så trygg på det å halde samlingsstunder at eg faktisk greidde å redde i land denne samlinga med hovudet høgt heva. Fekk til og med ei god og positiv avslutting for både meg og ungane med «Hei, eg heiter Joy», som er ein bevegelsessong som er veldig fengjade og slo skikkeleg godt an blant ungane.

Ofte skjer det ting i barnehagekvardagen, som gjer at eg er glad for å ha «Sju steg til ei spennande samlingsstund» i ryggraden. I facebook-gruppa til kurset, vil det verte ein idebank med sangar etterkvart.

Har du eksempel på dårlege samlingsstunder? Del gjerne <3 Besøk meg gjerne på Facebook.

Klem, Gudrun

Samedagen – Eventyret om reven og kråka.

Sjekk ut salet i nettbutikken!!

Denne veka markerer dei fleste barnehagar Samedagen. Me skal ha stor feiring på torsdag, og i moro skal eg ha samling med samedagen som tema. Eg har valgt ut eit eventyr som eg fann hjå NAFO. Ungane mine er tre år, så dette var passe skummelt. Dei andre eventyra eg har funne har vore litt for skumle.

Som du ser, lever eg meg alltid veldig inn i historia. HER finn du andre historier eg lever meg inn i; Historia om guten som fekk den finaste bursdagspresangen og Historia om då ulven ville invitere små grisene i bursdag.

Kråka og reven


Historia nedanfor handlar om då Kråka måtte gi frå seg egg til Mikkel. Eg endra fra RAVN til BJØRN fordi eg ikkje hadde nokon som kunne spele ravnen. Eg har ikkje øvd så veldig på eventyret før eg filmar, men det er heller ikkje poenget. Poenget er å gi deg eit enkelt, fint eventyr å dramatisere.

Viss eg skal gi deg berre eit tips til å gjere samlinga meir spennande, så er det heilt klart HANDDOKKER! Det løfter ei kvar samlingsstund fleire hakk. I denne historia bruker eg som du ser samlingsboksen sin Mikkel Rev og Bamse Brakar, i tillegg til at ei ugle har fått rolla som Kråke. Ugla er stjelt heimafrå, frå ein av ungane mine, uvisst kor ho kjem fra. Men «man tager hvad man haver» heiter det.

Har du noko gode tips til feiring av samedagen? Korleis gjer de det i din barnehage? Del!

Følg meg gjerne på
FACEBOOK
INSTAGRAM

og bli med i facebookgruppa vår!

Ha ein fin dag!
klem,
Gudrun

Inspirasjon – samlingsstund med store barnegrupper.

Eg tykkjer det er moro med samlingsstund uansett – om det er fem eller femti ungar. Men eg veit jo det at for mange andre, så er det meir innafor komfortsona å ha fem ungar enn femti.

Men høyr her, jobben er uansett den samme, ikkje sant? Dei fem har like stor rett på ei god samlingsstund som dei femti, og omvendt.

Vil du sjå mine to historiar?

I vår barnehage har me delt i storbarn og småbarn i år, og ein gong i månaden har eg fått lov å ha fellessamling på storbarn, som vil seie ca 55 ungar og ca 12-15 vaksne.

Eg har med min vanlege samlingsboks, der mitt gull ligger, og eg har planlagt ei dramatisering som har med bursdagsfeiring å gjere. Viss du vil sjå dei to historiene eg har brukt, så finn du dei HER

Eg har nokre enkle køyrereglar;

  1. Dei som møter tidsnok, skal ikkje sitte og vente på dei som er seine. Me hadde avtalt at felles bursdagssamling skulle starte kl 11 i lavvoen. Avdelinga mi gjekk inn kl 10.56, fann plassane våre blant avdelinga som allerede sat og venta. Men me mangla ei avdeling. Eg har då 34 ungar som er klare, men manglar dei 18 siste. Kva skal eg gjere? Jau, kl 11 startar eg. Eg har 34 utolmodige ungar sittande, kvifor skal dei verte endå meir utolmodige fordi den siste avdelinga er for sein?
    Eg praktiserer dette i vanlege samlingsstunder òg, nokre ungar – og vaksne – er naturleg seine, dei må alltid ventast på, vel, eg ventar ikkje. Samlinga mi vert bedre av at eg startar mens etternølarane finn plassen sin, enn at eg må bruke mykje krefter på å hente inn att dei som er leie av å sitte allerede fordi me berre sit og ventar.
  2. Eg konsentrerer meg om ungegruppa, og forventar at dei andre vaksne skal ta evt trøstejobbar osv. Når eg har samlingsstunda, er eg der for GRUPPA, viss eg sit åleine, så sender eg ut ungar til nokon andre vaksne viss dei må ha trøst eller liknande. Eg brukar ikkje tid på enkelt ungar mens dei andre sit utolmodig og ventar. Med unnatak av deltaking i samlinga sjølvsagt. Men i store fellessamlingar opnar eg lite opp for individelle deltakarar, nettopp fordi då er det så lett å miste gruppa. Dei andre 51 ungane tykkjer ikkje det er moro å høyre på ein annan unge synge Bæ bæ lille lam viss det ikkje betyr at dei òg får synge solo. Og du kan ikkje late 52 ungar synge solo.
  3. Fokus – fokus – fokus! Den vaksne må vere tilstede! Du må kose deg, vere der med heile deg. Me har vel alle vore med på vår del av inspirerande samlingsstunder, der du egentleg held på å sovne? Viss du ikkje er tilstede, får du heller ikkje ungane med deg.

Ikkje alltid andre me må vente på….

Eg får litt pes av den «Eg ventar ikkje»-regelen, for av og til er det min avdeling som er sein, men eg ventar ikkje på dei heller. Leie ungar er eit dårleg utgangspunkt for ei god samlingsstund.

Samlingsboksen

Det er dramatiseringa som er bærebjelken i samlingsstunda, men samlingsboksen er viktig den òg. HER og HER finn du inspirasjon fra min boks.

I samlingsboksen har eg mange konkreter som minner meg om songar, eller gir ungane inspirasjon til å komme med forslag. Den vesle raude boksen er virkelig ein slager! Forrige samlingsstund eg hadde fekk eg spørsmål fra ein av dei eldste ungene; «Kan ikkje du ha den boksen når du skal ha bursdagssamling for meg?» Eg svara at «Jau, det skal eg!» Eg hadde nemleg ikkje hjarta til å fortelle ho at «neste gong du har bursdag, har du begynt på skulen.»

Meir inspirasjon

Bli gjerne med i facebookgruppa mi, der legg eg ut ein del songvideoar og anna spennande som eg ikkje tørr poste offentleg.


Klem,

Gudrun

Sju steg til ei spennande samlingsstund.

I 2014 var eg på kurs i London, Experts Academy med Brendon Burchard. Der laga eg rammeverket til Sju steg til ei spennande samlingsstund. No skriv me 2019, og det er meir enn fem år sidan eg starta på denne reisa. Etter nyttår tok eg tak, planen har alltid vore å lage nettkurs. Men no bestemte eg meg for å starte med fysisk kurs i staden. Og ta eventuelt nettkurs etter kvart.

Det er ikkje alle som gledar seg til å ha samlingsstund. Kanskje du er ein av dei som gruer seg til det er din tur? Føler at du ikkje klarer å fengje ungane? Eller kanskje du ikkje er komfortabel med å ha vaksne tilskodarar?

Eller kanskje du er som meg, elskar samlingsstunda, men har lyst å lære meir, få litt inspirasjon?

Uansett kva du føler og meiner om samlingsstunda, så håpar eg at kurset mitt vil gi deg samlingsglede. I kurset går eg inn på sju modular. Det er start, spennande, sjå og smil, saker, songar, skodespel og slutt. Alle viktige komponentar i ei samlingsstund.

Eg har vore med på, og hatt sjølv, ein del kjedelege samlingsstunder. Dei vaksne brukar meir tid på å hysje og halde ungane i ro enn på å delta i samlinga. Eg hugsar ei samling eg var på som rimeleg fersk førskulelærar, eg hadde eit par urolege gutar, og lurte litt på kva eg skulle gjere med dei. Då sa ho som hadde samlinga; «Det er eg som må prøve noko nytt.»

Det er mitt mantra; Det er mitt ansvar at eg held ei samling som gjer at ungane har fokus fram til det eg driv med. Og det får eg ganske ofte til! Ikkje alltid, sjølvsagt, og av og til driv eg på litt for lenge, men det er jo fordi det er så moro. Eg har hatt samling med heilt små, med store grupper med stort aldersspenn, med store. Og det er stortsett alltid moro.

I år har eg 10 to åringar, dei skrattler når eg «skremmer» dei. Vaksne som er innom avdelinga, skvett mykje meir når eg begynner med sprella mine.

Eg gledar meg til å teste ut kursmateriellet mitt.

Klem,
Gudrun <3

Moro med 20 to-tre åringar

Eg er tilbake med mine kjære to åringar, dei siste 6 åra har eg jobba eit år med eitt åringar og eit år med tre åringar, mens eg har starta på det 5. året med to åringen. Ein finurleg og artig alder.

På tysdag hadde me besøk av ein annan avdeling, ei avdeling med to og tre åringar. 20-25 to-tre åringar var mykje liv og hoi, skal eg seie deg, heilt til me hadde samling.

Eg hadde ikkje planlagt samling, men eg elskar samlingsstund, elskar stjernene i augene, elskar å underhalde desse små, artige menneska. Og me trengde eit sceneskifte. Så samling vart det.

Boksen.

Eg har alltid med meg boksen. Eg kan aldri gå til samling utan samlingsboksen.

Eg hadde med meg ein hjelpesmann, ein liten herremann på to år, som talde til tre kvar gong eg ba han om det. Eg veddar mykje på at eg ikkje hadde fått med meg så mange vaksne til å telje til tre framfor 25 likesinna. Det er artig med dagens unge, dei er vant til å stå framfor andre heilt frå dei er to år som min venn, mens dei snakkar. Kven hugsar vel ikkje med gru særoppgåva? Kvidde seg i fleire veker, for ikkje å snakke om år, heilt frå ein fekk høyre om denne skremmande opplevinga som skulle komme i 9. klasse. Dagens unge har føredrag i hytt og pine, ikkje stressar dei nevneverdig over det heller.

Denne unge mannen har gått i barnehagen vår i snart tre veker og har hatt sin debut framfor alle dei andre.

Tilbake til boksen. Å ha med seg noko inn i samling, er alfa omega. Det er ikkje alltid så mykje som skal til før det vert meir spennande.

Innhaldet

Eg har sjølvsagt mykje kjekt oppi boksen min, konkretar som kan knytast til ein sang, eller vere skodespelarar i eit eventyr, eller brukast til Kims leik osv.

Sjølvsagt er handdokkene frå nettbutikken med. Mikkel Rev fekk komme opp, og me sang «Mikkel Rev» for full hals, før me gjekk over til Hakkebakkeskogen og «Mikkels vise». Og Hakkebakkeskogen hadde to-tre åringane treft på tidlegare, så me fekk repitert opningsscena, og sang «So ro lillemann» før Mikkel måtte oppatt i boksen.

Bamse Brakar dukkar òg ofte opp frå boksen, og då kjem som oftast Bjørnen sover som sangforslag. Me har òg brukt Bamse som konkret i Hakkebakkeskogen, som Bamsefar og Brumlemann. Denne gongen dukka ikkje bjørnen opp av boksen, men me kjem nok til å prøve oss på dette opplegget om sosial kompetanse med Mikkel og Bamse litt seinare i år.

Bamse Brakar og Mikkel Rev i barnehagen.

Sjiraffen Laffen er òg ein fyr som «alltid» dukkar opp av boksen, fordi ungane elskar den sangen. Sjiraffen Laffen, som eg lærte på Høgskulen i Sogn og Fjordane då eg gjekk i 1. klasse på førskulelærarutdanninga i 1994-95, er ein av mine signatursangar. Det er sangen som ei av dei første barnehage-jentene mine nemner; «Eg hugsar Sjiraffen Laffen», sjølv om ho no er over 20 år og utdanna barnehagelærar sjølv.

Elles har eg handdokke av sau og krokodille (kjøpt i anna butikk), edderkoppar i lange baner. Me held oss mest til «Pitte vesle edderkopp» og «Store petter edderkopp» endå, men den sinte og den morosame dukkar nok snart opp dei òg, berre me vert trygge nok.

Mitt tips til deg er å bruke sangar som du likar, bruke masse bevegelsar, bruke blikket, bruke mimikk, og SMILE!

 

Kos deg – nyt samlingsstunda <3 Ha da moro!

 

Klem

  • Gudrun

Korleis det heile starta.

I dag vil eg fortelje deg om korleis, eller kanskje heller kvifor, bloggen vart starta sommaren 2012. Kva som gjorde at eg fann ut at det var samlingsstund eg ville dele med verda.

Eg høyrer ofte om Livsoppgåve, eller gåva mi til verda. At alle liksom har sin plass å fylle, si oppgåve å oppnå her i livet. Eg veit, dette høyrest litt, eller veldig, alternativt ut, og det er det vel òg. Men like fullt; her er historia om då eg fekk ei openberring.

Hand- og fingerdokker. Rev, Bjørn, Sjiraff, Larven Aldrimett, griser og ulven
Handdokke av Rev, Bjørn, Sjiraff, Larve. Fingerdokker; tre små griser og ulven.

Samlingsstund

Eg hugsar den dagen eg bestemte meg for at dette kan eg, her er mi røyst verdifull. Eg var vikar i ein barnehage. Eg hadde nettopp hatt permisjon med minsteguten, og hadde litt ulønna permisjon (Ja, eller 15-16 månadar faktisk), og sa ja til å hjelpe til som vikar i ein barnehage. Det var oppbrot på avdelinga, me venta truleg på frukt. Men ungane virra i alle fall litt rundt. Eg samla dei, og hadde ei spontan samlingsstund, og alle ungane var med. Det var ein skikkeleg «god følelse», for å bruke Erik Bertrand Larssen sitt uttrykk. Eg tenkte; dette er moro, her er mi stemme til verda, her har eg mykje å bidra med. Her kan eg hjelpe mange barnehagearbeidarar. Det gjekk nesten eit lys opp for meg. Dette vil eg gjere meir av, dette vil eg hjelpe andre til å oppleve.

For det er moro å få fullt fokus, få tilbakemeldingar, latter, stjerner i augene, få forslag, sjå smila når du skal ha samlingsstund. Det gir energi, det gir glede, du gløymer alt det travle, og de er saman – her og no.

Sjiraff i korg

Samlingsboks

Eg hugsar ikkje om eg hadde med meg ein boks denne sjelsettande samlingsstunda, men eg hugsar at ungane kosa seg, og at eg samla heile avdelinga som einaste vaksne. Og det var veldig fint, og kjempe moro. Og eg tenkte; Dette må eg gjere meir av!

Så kom eg borti diverse nettkurs, korleis bruke det du kan og det du er god på for å lære det vekk til andre. Og der blinka blogg seg ut, og på ei lita kveldsstund så vart ein blogspot-blogg ved navn Gudrun sine sangsskattar fødd. Etter eit par år på blogspot, kjøpte eg domenet, og begynte å blogge på samlingsboksen. Navnet kom av seg sjølv, eg er «avhengig» av å ha med meg ein boks i samlingsstunda, fyllt av konkretar og idear til ei spennande samlingsstund.

Handdokke sjiraff
Gudrun og Sjiraffen Laffen

Håpar du likar bloggen min. Del gjerne vidare, og kom med forslag til kva eg kan skrive om.

Klem,

Gudrun <3

Samlingsboksen min – inspirasjon

Eg fekk for ei tid tilbake spørsmål på instagram om eg kunne skrive litt meir om korleis eg brukte samlingsboksen min i samlingsstunder. No, etter at eg er ferdig som konfirmantmamma og har fått landa litt, har eg endeleg teke tak i utfordringa.

Eg har alltid med meg ein boks eller ei korg som eg har konkretar i.

 

Oppi korga fyller eg på med ting, som gir meg og ungane inspirasjon.

Samlingsboksen.no sine hand- og fingerdokker – sjiraffen

Sjølvsagt ligg «gjengen» min oppi boksen. Desse Samlingsboksen.no-handdokkene ligg i nettbutikken. Og dei er valgt ut med omhu. Desse er eg veldig glad i. Å bruke handdokker eller liknande i samlingsstunda, er kjempe moro. Dersom du øver deg litt på dokkeføring og bruker blikket ditt rett, så får dokka fokus og ungane er straks meir med i samlinga. Både du og ungane får det meir moro.

Sjiraffen Laffen kom gjennom nålauga til nettbutikken fordi «Sjiraffen Laffen» er ein av favorittsangane mine. Og fordi sjiraffen er bilde på IVK (ikke volds kommunikasjon/sjiraffspråket) Sjiraffen har ein lang hals som gir godt overblikk og eit stort hjarta som gjer han god. I samlinga pleier han å vere ein god venn. Somme år introduserer eg han på hausten, og han vert ein trygg deltakar i samlingsstundene. Han går på omgang rundt til alle ungane, dei får klappe eller kose med han. Han kan ta opp vanskelege ting, han kan tulle og han kan tøyse med ungane. Og han ønskjer ofte at me skal synge «Sjiraffen Laffen». Her er eit tidlegare innlegg om Sjiraffen Laffen.

Sjiraffen Laffen – gir alltid blaffen

Bjørnen og reven

Mikkel Rev og Bamse Brakar er eit radarpar i boksen. Dei kan sjølvsagt komme opp kvar for seg, t.d. for å synge Bjørnen sover eller Mikkel rev, men dei er òg fine saman. Eg driv og utarbeidar eit opplegg med desse to i hovudrollane, eit opplegg om sosial kompetanse, sjølvfølelse, livsmeistring, vennskap, krangling. Det er 10 små historiar, eller dokketeaterstykker, om daglege, gjenkjennbare situasjonar. Det er fint å bruke handdokker, eller dramatisering med vaksene, for å få løfte opp situasjonar og skape refleksjon hjå ungane.

Grunnen til at desse to kom gjennom nålauga, er alle dei flotte folkeeventyra om desse to fyrane. Dersom ein jobbar med eventyr, er desse super fine for å skape litt liv i samlinga, og for å få med dei ungane som ikkje er så sterke språkleg.

Fingerdokker frå samlingsboksen.no

Fingerdokkene av dei tre små grisane og ulven er òg med i samlingsboksen, og i nettbutikken. Her har eg laga fleire eventyr, med inspirasjon frå det orginale eventyret, men med Samlingsboksen.no-vri. Ting er ikkje alltid som du trur.

Fingerdokkene kjem òg sjølvsagt fram dersom me skal synge Med krøllet hale, Puslegrisen eller Inne i fjøsen/bingen. Eg fortel ikkje alle eventyra om grisane og om bjørnen og reven kvar dag, men eg tykkjer det er moro å ha litt drama i samlingsstundene. Ungane elskar å bli underholdt.

Jungeldyr og rørslesang

Desse tre kjem opp for å synge «Gå ein tur i jungelen», ein rørslesong som alle ungar, inkludert meg, er veldig glade i. Anbefaler å lære deg den! Dersom det er ønskjeleg, kan eg legge den med bevegelsar ut på Facebook-gruppa (https://www.facebook.com/groups/779175422149842/)

Konkretane er samla oppgjennom åra. Krokodillen kjem òg fram viss me skal synge Nyss så møtte jeg en krokodill eller Viss du ser ein krokodille i ditt badekar. Tigeren kan komme opp til «Kamelen Klara» (Endå ein favorittsong som eg anbefalar.)

Navnesang, Ford Escort og frosken

Maracasen brukar eg viss me syng navnesongar, me sender instrumentet rundt og syng ein navnesang med eit vers til kvar unge.

Sjå her for dømer på navnesongar.

August- og septembersangar vol 1.

Frosken kjem og syng MÆ sa ein liten grøn frosk eller Små rompetroll. Det vert så mykje meir spennande dersom me trekker fram ein konkret, i staden for å seie «No skal me synge Små rompetroll.» Og som nemnt over, god visuell støtte til barn med lite språk.

Bilen er jo sjølvsagt «Ford Escort»-songen, ein song som eg har lært på Frelsesarmeen sitt Knøttekor og spreidd rundt om i barnehagane i Sogndal. Kjempe artig song som bringer med seg mykje leik, glede og humor. Men eg er òg alltid open for forslag frå publikum, me tek dei innspela som kjem.

Den mest brukte

Og så edderkoppane mine. Det er nesten ikkje ei samling utan. For dei som har fulgt med på bloggen, har nok komme borti edderkoppar tidlegare.

Vesle Petter Edderkopp

Internasjonale edderkoppar

Rødhette og ulven var eit sett fingerdokker som eg kom over. Dei ligg oppi boksen, og av og til dukkar dei opp av boksen, nesten utan at eg veit om det. Då må eg berre improvisere ei dramatisering av eventyret.

Eg har eit viktig element til i boksen min, som eg skal fortelle deg om i neste post. Det er nesten den viktigaste tingen, i allefall men mest spennande. Stay tuned.

Del gjerne innlegget vidare med barnehagefolk, småskulefolk, sfofolk, foreldrefolk, besteforeldrefolk eller andre som treng inspirasjon på å få det artig saman med ungane.

Klem

Gudrun