Kategoriarkiv: gamle sangskattar

Krakksetebruri – ei segn frå Sogn

Heilt frå eg var lita jente, har eg høyrt segna om Krakksete brura eller Hausesølvet.

Steinen som vert kalla Huldrekyrkja.
Steinen som vert kalla Huldrekyrkja.

Inga var budeie på stølen til truloveden sin, Ivar frå Hausa. Dei andre budeiene på Krakksete hadde reist ned att, men Inga vart att på stølen for å gjere ferdig veven sin.

Medan ho dreiv på med veven, fekk ho besøk i stølshuset, det var eit heilt fylgje med huldrefolk som kom inn.

Huldrefolket pynta Inga til brud, og ropte at han dei ville ho skulle gifta seg med skulle «Nysse ho!» Huldrefolket kunne ikkje seie kyss ho.

Inga tok ei stålnål mellom tennene, for ho visste at dette verja ho mot trollskapen.

På stølsvollen gjekk hesten til truloveden hennar, han Ivar. Hesten fatta at noko var gale, og reiste heim etter husbonden sin. Ivar og hesten for tilbake til stølen på Krakksete so fort dei kunne.

Ivar reiv opp seldøra og skaut inn i rommet, slik at eit av spira på brurekruna som Inga hadde på seg, fall av.

Huldrefolket skreik opp og freista å riva av Inga både kruna og anna pynt, men rakk det ikkje før Ivar bar den komande brura si ut. Dei to rei ned att til bygda med huldrepakket etter.

Då dei kom ned att til gardane, rei dei gjennom ein byggåker, der vegane gjekk i kors. Der kunne ikkje huldrefolket ferdast.

Huldrefolket svor hemn fordi Ivar og Inga drog av med huldresølvet; «Det skal verte eit tøle i kvart bøle i ni til ti ledd!» (Det skal verte fødd ein tulling i kvar generasjon i ni til ti ledd. Eg er gift med ein av etterkommarane, og kan bekrefte at i den slekta er det berre tyl og tullingar….)

Brurekruna vart på garden i lang tid, men det avskotne spiret nekta å verte feste på kruna att, sjølv kor mykje dei beste sølvsmedar i Bergen prøvde. Kruna står no utstilt på museet i Bergen.

masse_smart 402

Dette er ikkje huldrefolk, men dei er etterkommarar av Krakksetebruri.

Håpar du kosa deg med segni frammaotte Sogndalsdalen. Kom gjerne med forslag til andre segn som ikkje må gå i gløymeboka.

klem,

Gudrun.

 

 

 

Songleikar

Eit av mine første minner om songleikar, er frå Jonsok-feiringane heime. Me leikte slå på ringen, både ungar og vaksne. Det var moro! Alt vart meir moro når dei vaksne var med.

Slå på ringen

Slå på ringen, slå på ringen,
slå på den du vil.
Slå på ringen, slå på ringen,
slå på den du vil.
Slå på kjærasten din om du vil.

Me song aldri «Den du slår…» Me stod i ein ring, ein gjekk utanfor, og slo på «kjærasten din om du vil», og så sprang begge, i kvar sin retning, så fort som berre pokker. Det var grisespennande!

Det var fint med eit slikt fellesskap av vaksne og ungar.

rosehagetorn

Eg føler at songleikar er ein del av barnekulturen som har gått litt i gløymeboka, ungane no til dags leikar ikkje songleikar, ikkje hoppar dei strikk heller, når eg tenkjer meg om. Det var det me gjorde i friminutta, leikte songleikar og hoppa strikk.

Eg fortalte ganske tidleg om mine første skuleår, på ein fådelt grendaskule med til saman 27 elevar, viss det var gode år. Det var år med berre ein i kullet òg, altså, men det var veldig skjeldan, eg veit berre om ein gong.

Men me leikte altså songleikar i friminutta. Og i gymtimane på grendaskulen min. No offence, men det er kanskje like greit at skulen vart nedlagt for 26 år sidan.

DSC01292 (600x800)

Mitt kull bestod av seks jenter og ein, stakkars, gut, men med så få elevar, så leika me saman med alle. Dei to klaraste minna frå songleikar-friminutta, har eg fortalt om tidlegare ein gong, men eg gjentek dei her. Begge er frå eg gjekk i første klasse.

Me hadde ein stor, flat leikeplass, me held kvarandre i hendene og starta på den eine enden, med «Lang- lang- rekke». På hin enden av plassen, gjekk den høggravide læraren til 3. klasse. (Hugs eg var i første klasse, så ho kjente eg ikkje.) Eg var jo litt bekymra for korleis det skulle gå når me tok ho att, og, gode venner som eg alltid har hatt, enda det jo sjølvsagt med at eg vart most inn i rumpa til denne svære dama.

Lang lang rekke,
Gudrun ut av rekka gå.
Lang lang rekke,
Hilde ut av rekka gå.

Det andre minnet, handla om Berget det blå. Eg går framleis i første klasse, og det var gutar i 3. klasse. Desse kjenner eg sjølvsagt ikkje, er du gal! Eller eg kjenner sjølvsagt søskenbarnet mitt, som går i tredje. Men han er ikkje med i dette minnet. Berget det blå handlar om kjærestar og slikt, og det er ein som skal velge seg ein kjærest. Og ein av desse gutane i tredje, som er veldig skumle, velger vesle meg. Kjenner framleis kor pinleg det var.

Det kom to jenter frå Berget det blå,
og dei spurte jo som så,
er det kjærestar å få.
Og vil du vere kjæresten min,
så rekk meg handa di.

Eg skal skrive eit innlegg med fleire songleikar, både nye og gamle. Har du ein songleik du ikkje gløymer? Del han i kommentarfeltet, eller på Facebook, så kjem han med i neste songleik-innlegg.

Ønskjer deg ein flott forsommar. Me hadde sommarfest i barnehagen til guten min i dag, og der vart «Du skal ikkje tru det vert sommar» framført. Og eg må seie, med nattefrosta som var faretruande nær i natt, så var dette ein svært passande tittel.

-Gudrun-

Fellessamling – igjen <3

Ok, som du veit, er eg veldig glad i samlingsstunda i barnehagen, men eg elskar fellessamling. Hjå oss er fellessamling ei samling med ca 55 ungar i alderen 1-(nesten)6 år og ca 15 vaksne i alderen 19-60.

handdokke av rev og bjørn
Reven fekk vere med i fellessamlinga, men utan kompisen Bamse Brakar. Mikkel Rev var konkret i to av songane, «Reven og rotta og grisen» og «Guten gjeter sauen».

I dag vil eg fortelje deg om ei ny fellessamling. Eg vart utfordra av styraren til å ta fellessamlinga på fredag, og tok det på meg utan betenkningstid. Eg elskar fellessamling!

Rammene våre var litt sette med at me skulle repitere songar frå forrige samling; RøysekattenGuten gjeter sauen, Ro til Siraland og Reven og rotta og grisen. Flotte tradisjonssongar frå Sogn.

Men eg og min makker kan ikkje ha ei samling utan dramatisering! Kva kunne me flette inn som teater her?

Eg kom fram til to ting;

  1. Alf Prøysen; Barnehagen har Du og jeg og dompappen som månadssong.
  2. Alle avdelingane jobbar no med ekorn, og brukar songen om Nøtteliten, som òg er Alf Prøysen sin.

Og så blanda eg innatt Bukkane me kjenner so godt frå før, og fekk eit heilt nytt eventyr.

Eventyret om dei tre små ekorna og den sinte dompappen.

Det var ein gong tre små ekorn som skulle på fuglebrettet for å gjere seg feite, og alle tre heitte dei Nøtteliten.
På vegen opp til fuglebrettet, måtte dei gå forbi greina til den sinte Dompappen.

Slik starta eventyret. (Og slutten var sjølvsagt ei overrasking som ingen hadde gjetta seg til. For eg har litt problemer med godt og vont. Ting er ikkje alltid slik dei ser ut.)

Samlinga gjekk slik:

Opning; Her i barnehagen
Oppvarming; eg har lært meg at det er lurt å varme opp stemma mi, og ungane er med på oppvarminga. Me tek nokre rundar med «Minne-monne-manne» og «Går du på glattis»
Boksen; Me har med boks, sjølvsagt. Og opp av den trekker me konkretar. Først ute var ein båt. Som skulle peike mot «Ro til Siraland», men me måtte ein tur innom Kristiansand og Sabeltann før me kom oss til Siraland. Og slik fortsetter det med dei tre andre songane. Røysekatt hadde me ikkje, så då begynte makkeren min å krabbe rundt på golvet og stjele sko som skulle førestille ost….
Eventyret; Ribbeveggen fungerte som tre, med eit grønt teppe på, me hadde med ein liten, tova dompapp. (Tova for sikkert snart 20 år sidan av underteikna då eg var 4H’ar…..) Og me hadde med tre små ekorn. På teppet og ribbeveggen hadde me hengt opp bilder av kongler og nøtter.
Avslutting; Alle legg seg på golvet og me syng «Trollmor» slik me pleier.

Hand- og fingerdokker. Rev, Bjørn, Sjiraff, Larven Aldrimett, griser og ulven
Handdokke av Rev, Bjørn, Sjiraff, Larve. Fingerdokker; tre små griser og ulven.

 Samlinga vara i 45 minuttar, og me var kjempe nøygde med responsen.

Likar du bloggen min, klikk på «Like»-knappen og del gjerne vidare. Og viss du vil «snakke» med meg, legg igjen ein kommentar.

Klem, Gudrun

Småbarns boks

No har det gått 2 veker sidan barnehageoppstarten, og det er på tide å innføre sangstund til verdens skjønnaste eit åringar. Og, sjølv om eg allerede har ein (HAHHA; prøv snart 10) boks, så må eg nesten ha ein ny samlingsboks til eitåringane mine.

Hjarteboksen skal få vere med inn på besøk til dei store treåringane som eg hadde i fjor, me må inn til dei å synge litt òg.

No skal du få vere med på reisa det er å lage ein boks. Eg har juksa litt, og funne meg ein ferdig boks. Eg er egentleg stor tilhengar av skoøskje-boksar, for dei er flotte å bruke. Men no har eg fått tak i nokre boksar som er ferdige og fine, utan at eg må gjere noko meir. Så då vert det ein slik boks. Her er bilde av loket, som er av gull <3

Boksen har fine gullstriper på sidene. Som eg skreiv på Facebook sida mi, så såg eg boksar på Søstrene Grene, viss du ikkje vil ta jobben med skoøskje. Og med tanke på prisane det er i den butikken, reknar eg med at det ikkje kosta stort.

Her skal det fyllast inn mykje spennande. Eg veit iallefall at det skal komme oppi ein gris. For eg har tenkt å innføre «Tre små griser» sangen. Eg søkte litt på nettet i går, og fann melodien på youtube. Og edderkoppen får nok, sjølvsagt, fast plass. Eg har funne meg ein liten båt, som skal oppi, og har nokre små venner som allerede ligg og ventar på morgodagen:

Den vesle musa har ei bjølle, som eg ser føre meg vert spennande for dei små.

I tillegg til «Tre små grise», så har me òg ein månadssang me skal bruke litt tid på. Det er «Bringebær-slått». Det er ein «ny» sang for meg, eg kan den, men har aldri brukt den i barnehagen før. Men det er ein passande sang no om hausten, dei andre ungane i barnehagen har plukka masse ville bringebær no i haust. <3

Bringebærslått
Bringebær er gøtt, sann,
rødt og surt og søtt, sann.
Kom skal vi synge ein bærplukkarslått.
Plukke, plukke bær, sann,
laga god dessert, sann.
Skrape av skåla med sleikepott.
Tralla lala la…
Eg kjem attende med fortsettelse av boks-posten. Med bilder av innhald og kvifor det har fått plass. 😉 Har du boks i din barnehage? Kva har du i boksen din? Kor gamle er barna dine? Del med meg i kommentarfeltet eller på Facebook. Post gjerne bilder på Facebooksida! 
Gledar meg til sangstund i morgo, 
klem,
-Gudrun-

Sangleikar

Då eg var liten og gjekk på grendaskulen vår her frammi Dalen, hadde me ofte sangleikar både som gymnastikk (Juhuu!! 😉 ) og i friminutta.

Ein eg hugsar me sang masse, var «Berget det blå»

Det kom to piker frå berget det blå,
og dei spurte jo som så, 
Er det kjærester å få?
Og vil du vere kjæresten min,
så rekk meg handa di.
Og så dansa «kjæresteparet» då, til eit refreng eg ikkje klarar å komme på. Eg hugsar spesielt EIN gong. Eg gjekk i første klasse, og ein av gutane (som eg var redd, eg var egentleg redd alle gutane eg ikkje kjende so godt, men med 27 elevar tilsaman på skulen, kjende jo alle kvarandre) i TREDJE valde ut meg som «kjærest». Ååååå, det var relativt pinleg 😉
Ein annan song som eg faktisk hugsar frå førskulen, er Gubben og Gamla.
Gubben og gamla låg og drog,
og ikkje fekk opp rota,
hadde me hatt han Einball (eller navn på ungen) her,
så hadde me fått opp rota.
Og einball kom,
og Einball drog,
og Einball, og Gubben, og Gamla låg og drog,
og ikkje fekk opp rota.
Andre songleikar me brukte var Bro, bro, brille, Ein elefant kom masjerande og Ta den ring og la den vandre.
Og Lang, lang rekke
Lang, lang rekke,
Gudrun ut av rekka gå.
Lang, lang rekke,
Solveig ut av rekka gå.
Dei fleste kan nok denne, og veit at me går i ei lang rekke og skifter plass etter tur. Og denne sang me òg i friminuttet i 1. klassen, på grendaskulen vår, frammi Dalen. Me hadde (og har fortsatt) ein stor, vid, flat skuleplass, som bl.a. fungerer som fotballbane, og har fungert som festplass, parkeringsplass osv. Sjå det for dykk, me er ei lang, lang rekke, og springer over skuleplassen, og langt der framme er den veldig gravide læraren, Siri, som eg ikkje har noko forhald til, for ho er læraren til 3. klasse. Den lange rekka nærmar seg, du begynner å grue deg, tenk om det er du som går på ho… Og gjett kva som skjer? Plutseleg står du der, stoppa av den breie gravid-rumpa til Siri… Atter eit pinleg barndomsminne! Eg hadde ein time hjå ei dame som driv med kinesologi i forrige veke, ho kunne sikkert funne att desse to hendelsane i kroppen min, som skaper ubalanse og problemer. Trur eg skal spørje ho om det neste gong 😉
Men eg har lært songleikar etter småskulen òg, altså. Eg gjekk, som kjent, tre år på Lærarhøgskulen, på det som heitte Førskulelærarlinja, men no har fått nytt navn som barnehagelærar-linja. Der lærde eg mange flotte songar, eg har snakka om den fantastiske musikklæraren min tidlegare, og her kjem nokre av hennar songleikar.

Riste-Hans
Kom og dans slik som Riste-Hans, Riste-Hans, ja, Riste-Hans.
Kom og dans slik som Riste-Hans, Riste-Hans, ja, Riste-Hans.
Kven kan vel danse slik,
tisj-tisj-tisj-tisj-tisj
Kven kan vel danse slik,
tisj-tisj-tisj-tisj-tisj.
Joy
Hei, eg heiter Joy.
Eg har kone, fire barn, 
og eg jobbar heile da’n
på ein knotte-fabrikk.
Ein dag kom sjefen inn 
og spurte;
Joy, har du det travelt?
Eg sa, Nei.
Så skru på ein knott med høgre foten din.
Kadunka-kadunka-kadunk.
osv
Tøyse sang
Ja, no skal me laga ein tøysesang, ein tøysesang, ein tøysesang.
Ja, no skal me laga ein tøysesang,
og alle skal vere med.
Ja, no skal me laga ein tøysesang, ein tøysesang, ein tøysesang.
Ja, no skal me laga ein tøysesang,
og alle skal vere med.
Har me halde kvarandre i hendene?
JAAAAA!
Har me halde kvarandre på hovudet?
Nei!
Dersom du vil vite rørslene til nokon av desse sangleikane, så berre skriv det i ein kommentar, så fører eg dei til 🙂
Del gjerne bloggen min med andre du trur vil like den, og lik gjerne bloggen på Facebook. Eg har òg ein profil på Instagram (Gudrun_sang), men den er òg eindel private bilder 😉
Ha ein fin kveld, 
klem,
-Gudrun-

Blomar

Egentleg passar det framleis best med snø her hjå oss, blomane ligg gøymd under snøen. Men eg ser på kalendaren istaden for å sjå ut stoveglaset, og då passar det bra med blomar.

Ein vårsang, som ikkje handlar om blomster, men likevel er ein av mine vårsangar er denne;

Gauken
Gauken, gauken, klukkar og ler.
Høyr kor det ljomar,
snart er det somar.
Våren, våren, våren er her.
Men min absolutte favoritt vår/sommarsang sang, er «Hysj, kan du høyre» frå Portveien. Eg prøvde meg på google, men fann berre den bokmålske varianten. Sangen er omsett til nynorsk, og finst i den sangboka med spiralrygg. (Skal sjekke kva ho heiter) Eg dristar meg iallefall til å skrive nynorskvarianten her:

Hysj, kan du høyre
Hysj, kan du høyre, graset gro?
Hysj, kan du høyre ein meitemark som lo?
Hysj, kan du høyre ei bille sin song?
Då skal du seia kvar einaste gong;
Hei alle insekter, alle små dyr, 
alle som krabbar og kravlar og kryr,
eg er eit menneske og eg er snill,
ver i min hage so lenge du vil.

Eg spurde på Facebook-sida om forslag til blomstersangar, og eg fekk mange gode forslag!!
Cathrine foreslo Mai-vår, som er ein flott vårsang, som har drukna litt i Blomster små. Eg velger å gøyme denne til i mai, men har bestemt meg for å bruke denne i år. Den fortjener å komme framatt framom Blomster små!
Blomster små,
gule blå,
rundt omkring på marka står.
Vinkar til
Gudrun-lill,
for ho er så snill.
Det er ein søt navnesang, som små barn likar godt.
Else-Maria og Maria kom bl.a. med forslag om denne;

Bind deg ein blomekrans,

kom så til leik og dans,

fela ho læt no så vakkert i lund.

/: Sit ikkje stur og tung, syn at du og er ung,

veks fri som fagre lyng, dans no og syng. :/


Maria kom òg med forslag om Blåveispiken og den fekk meg til å tenkje denne. Eg og søstra mi sang denne for full hals på kvar einaste biltur i oppverksten. Eg fattar ikkje at foreldra våre holdt ut!
Mor, å mor
hvor skjønne små blåveis
vokser her,
og hvor de er vakre der de står,
midt i alt det grønne
den blåe fargen er,
mor, hun smiler,
for hun skjønner det er tegn på vår.
Ein annan «for full hals» sang som me pledde synge er denne;
En liten pike,
på en fem-seks år,
så jeg i parken, 
der jeg turer går.
Da hun fikk se en svale,
jublet hun så glad,
jeg ble så rørt da så den lille sa.
Fly lille fugl med små vinger som du har… osv

Det kom fleire forslag til blomstersangar, og ikkje ver redd, eg har ikkje gløymt dykk. Men fann ut at det var best med to blomsterpostar 😉
Eg trur eg har nemt det før, men me var iallefall tre søsken, søstra mi som er 2,5 år yngre enn meg og storebroren vår som var 6 år eldre enn meg, og så har me då sjølvsagt ei mamma og ein pappa. Broren min var veldig musikkavhengig, og det var nok han som innførde Frem fra glemselen for oss. (Der desse to siste sangane var henta frå). Elles gjekk det mykje i Sputnik og anna norsk musikk. Og alle som har snubla innom bloggen min, veit jo at eg er litt over middels sangglad. Søstra mi er òg veldig glad i musikk, om enn ein litt anna tilnærming enn meg, som druknar i barnesangar. Berre slik at du skal få litt innblikk; ho skaffa oss billettar til den første Guns n’ Roses konserten som var for nokre år sidan, og den vart veeeeldig raskt utseld. Men den SKULLE ho på! I allefall, me gaula og sang då me var ungar (og nokon av oss gjer det fortsatt), og du reknar sikkert med at mamma og pappa også sang masse med oss. Vel svaret er nei, slett ikkje, eg har aldri opplevd at dei har sunge til meg, dei er rett og slett ikkje sangfolk (men veldig gode foreldre altså, men sang- og musikkinteressen har me ikkje arva derfrå). Me lærte sangar frå kassettane (jadå, i gamle dagar) til broren vår, og det funka som fjell. Og moralen er; Du må ikkje synge for barna dine for at dei skal verte glade i sang og musikk, men gjer det gjerne, for det er veldig moro. Og ungane bryr seg ikkje om kor reint du syng! (Eg syng som ei kråke, men eg syng likevel, hender nokre vaksne klagar, men eg har aldri opplevd at ungane gjer det.)

Eg har plass til fleire blomstersangar, så ver ikkje redd for å komme med forslag <3 -Gudrun-

Beklagar…og tusen takk!

Beklagar så mykje at mine førehandslovte bloggpostar ikkje kom i mars! Planen for mars var påske og nytt liv/vårsangar.

Første veka i mars gjekk egentleg over av seg sjølv, utan tanke for blogging, eg hadde jo heile månaden føre meg. Og så kom andre veka i mars, la meg illustrere med ein sang;

Går du på glattis
 og faller min venn,
le med dei andre
og røys deg igjen.
Eg skulle på jobb, hadde tidleg-tidlegvakt, og skulle opne to avdelingar. Det hadde komme 5-10 cm med nysnø, sikkert pudder som skikøyrarane likar så godt, og under var det klink is, og umogeleg å sjå kvar det var trygt å gå. Ned til barnehagen er det ein bratt bakke, og det gjekk som det absolutt ikkje burde gå, og som eg absolutt ikkje hadde tid til; eg datt, og virkeleg klakka bakhovudet hardt ned i isen. Vel det var den veka, eg klarte ikkje å sjå på pc’en lenge nok til å få skrive eit blogginnlegg ein gong. Fekk prøve meg inni ein slik klaustrofobi-kasse som tok røntgen av hjernen min og alt. Aldri prøvd det før eg, spennande 😉 Vel det er iallefall unskyldningen for andre veka. Og dei to siste, vart tilbrakt på Gran Canaria. Så mars berre flaug vekk som ein vind.
Påsken er, utan tvil, over, så det vert ikkje påskesangar på bloggen dette året. Men det hadde nok vorte nokre kylling sangar og eit par påskesalmar. Eg er ikkje spesielt religiøs, men eg er glad i å synge påskesalmar, eller salmar generelt. Dei er så gode å synge, du kan trøkke i, og det høyres fint ut. Eg trakka mine første skuleår på ein grenda skule frammi Dalen, der me alltid sang salmar i starten og slutten av dagen. Og dei tre neste åra, 4.-6. klasse, fekk eg òg ein sangglad, for ikkje å seie salmeglad lærar. Salmar er ein del av oppveksten min, rett og slett. Eg gjekk jo i tillegg på søndagsskule frå eg var halvtanna år til eg var ca konfirmant eller nokon slikt, samt gjekk i det kristelege barnekoret me hadde frammi Dalen, Miniklang. 
Når det gjeld vårsangar då, så er det framleis tid. Me reiser ofte til sydlegar strok rundt påske, og kjem alltid heim til omtrent snøfri plen og vårstemning. Men i år då, så hadde dei fantastisk påskevær her heime òg, sol og skyfri himmel. Det einaste som skilte Gran Canaria og Indre Sogn var temperaturen, som låg 40-50 grader høgare på Gran Canaria. Med andre ord hadde dei ein flott og sol rik påske, men den låge temperaturen gjorde at det ikkje akkurat smelta noko særleg med snø. Tunet og plenen er snø og isdekt framleis. I går hadde eg på meg broddar (!!!! Har lært ja!!!) når eg henta posten.

Så vårsangar kjem nok godt med sjølv om me skriv april. Eg skriv opp første verset av månadssange vår for april. Ein sang som eg tvinga gjennom i august. Lat oss seie det slik, me har fire avdelingar i barnehagen vår, og assistentane og fagarbeidarane fekk i oppgåve frå styraren å velge månadssangar frå forfattaren «vår», Thorbjørn Egner. Berre at dei fekk to ark med forslag, eit frå styraren og eit frå underteikna… Jepp, det var iallefall ei enkel oppgåve for dei, dei måtte berre samanfatte dei to listene frå dei to ganske bestemte damene. Eg la iallefall ned veto; i april SKAL og MÅ månadssangen vere «Vårvise». Og ingen torde å motseie meg, så slik blei det.
Eg skriv den slik eg lærte den dei første åra eg jobba i barnehage, eg jobba med ein sangglad assistent, Evy Ann, som lærte meg mange flotte sangar.
Vårvise
Eg gjekk meg ut i skogen
ein vårdag i april.
Og på ein liten stubbe,
tok eg meg ein liten kvil.
Eg sat der musestille,
og høyrde våren spille.
Det klukka mellom stein og strå,
og tusen bekkar små,
og lerka sang så glad og fri,
høgt oppe i det blå.
Tilbake til den først sangen, den om glattisen. Det er ein oppvarmingssang som eg lærte på Kan-ikkje-syngje-koret. Det er lurt å varme opp stemma! Flott sang! Som alle ungar likar!
Og, dette vart jo berre beklaginga.
TAKK var fordi sjølv med få oppdateringar og lite spennande aktivitet på bloggen denne månaden, er den like mykje besøkt som vanleg! Tusen takk for at de leser om sangskattane mine sjølv om eg hadde ein dårleg månad! De er dei beste!!
Kom gjerne med forlag på dine vårsangar, og sangar om blomster og dyr, som egentleg står på planen for april.
<3 
-Gudrun-

Glade jol, heilage jol

Dette er ein sang eg syndar i mot, eg knotar og blandar den nynorske versjonen og bokmålsvarianten. Det er ikkje ein julesang eg brukar så mykje, korkje på jobb eller privat, men den er fin! Og den finst på mange språk, både engelsk og tysk (og bokmål 😉 )
Glade jol
Glade jol, heilage jol!
Englar kjem frå Guds kongestol.
Blomar ber dei til paradis,
Fint og fagert dei syng Guds pris.
Løynleg ikring oss dei går.
Løynleg i kring oss dei går.
 
Jolebod, gledeleg bod
Tonar til oss med himmelljod,
Song av englar som hyrdingar såg
Den gong Jesus i krubba låg.
Songen av englar er sæl.
Songen av englar er sæl.
 
Fred på jord, frygd på jord!
Jesusbarnet det er vår bror.

Englar syng um hans herlegdom.
Han hev reidt oss i himmelen rom.
Songen av englar er sæl.
Songen av englar er sæl.

 
Sæle fred, himmelsk fred

Jolekvelden til jord kom ned.
Englar syng um den fred dei såg,
Syng om han som i krubba låg.
Gled deg, kvar sjel han hev frelst!
Gled deg, kvar skjel han hev frelst.

 
I min søken, les googling, kom eg over ein anna nynorsk versjon (Takk Wikipedia) Dette var òg ein fin versjon!
Stille natt! Heilage natt!
Alle sov, eine att
sit dei unge, dei utvalde to,
ser på barnet, så lukkeleg no:
Sov i himmelsæl ro!
Sov i himmelsæl ro!

Stille natt! Heilage natt!
Hyrdingar får høyra radt:
Frå den himmelske englehær
tonar til dei frå fjern og nær:
Krist, vår Frelsar, er her!
Krist, vår Frelsar er her!

Stille natt! Heilage natt!
Jesusbarnet vår dyre skatt!
Kjærleik lyser frå bodskapsord
til dei lengtande folk på jord.
Jesus er gåva vår stor!
Jesus er gåva vår stor!
 
Eg driv framleis å jobbar med mitt nynorske sanghefte, det er forresten andre som òg sler slag for nynorske julesangar 🙂
 
Føler at eg vert veldig nynorskforkjempar i desse førjulstider, men det er kun fordi eg ikkje vil at dei nynorske versjonane skal gå i gløymeboka. Eg syng jo, som følgjarar av bloggen har lese tidlegare, sangar på nordnorsk dialekt, og eg har fått kjeft av sjefen får å dra i gang med bokmålsvariantar av vanlege barnesangar 😉
 
Ønskje alle ei fredeleg førjulstid 🙂
 
-Gudrun-
 
 
 
 
 

Ein fager jolasong

Nest etter Julekveld (Det lyser i stille grender), er dette min favoritt julesang. Eg kan han til og med på blokkfløyte (slapp av, skal ikkje halde nokon blokkfløyte konsert nokon gong, lovar!!)

Det finst mange morosame, nye julesanger, men det er fint å kunne dei gode, gamle julesalmane òg. Eg skal ikkje skryte på meg at eg kan alle versa av denne her, men eg kan eit par.
Muligens ikkje det mest passande bildet, men det er iallefall blå himmel 😉 Bildet er frå ein tur eg gjekk med jenta mi, og på himmelen dukka det opp ei bamsesky! Det var sommar, og ikkje 13 minus som det er i dag..
Fager er den himmel blå
Nikolaj Grundtvig, til nynorsk av Anders Hovden
Fager er den himmel blå,
sælt det er å skoda på.
kor dei gylne stjernor blinkar,
kor dei smiler,
kor dei vinkar
oss frå jordi opp til seg,
oss frå jordi – opp – til – seg.
Det var midt i julenatt
kvar ei stjerna blinka radt,
so med eitt på himmelboge
stråla det so bjart ein låge
som ei liti stjernesol,
som ei liti stjer – ne – sol.
Når den stjerne ljos og blid
synte seg ved midnattstid,
gjekk frå gamalt ordi slike,
at ein konge utan like,
skulle fødast på vår jord,
skulle fødast på – vår -jord.
Vise menn frå Austerland,
ferdastaven tek i hand,
denne kongen vil dei finna,
denne kongen vil dei vinna,
og for honom bøygja kne,
og for honom bøy – gja – kne.
Og til Davids by dei kjem,
finn han der i Betlehem,
utan kongestav og krona,
der det sit ei fattig kona,
voggar barnet på sitt fang,
voggar barnet på – sitt – fang.
Stjerna leidda sant og visst
vise menn til Jesus Krist.
Me har òg den same stjerna
vil me berre fylgja gjerne,
finn me til vår Frelsar fram,
finn me til vår Frel – sar – fram.
Denne stjerna bjart og mild,
som kan aldri leia vill,
er det glade og det store
fagnadbod i bibelordet
til å lysa for vår fot,
til å lysa for – vår – fot.
Trur eg skal ha som mål å lære heile Fager er den himmelblå no i desember. Det er god hjernetrim og lære seg ting på rams. Denne finst sjølvsagt òg på bokmål, då med tittelen Deilig er den himmelblå, eit tittel eg tykkjer lyder veldig fint på dansk! Så til alle dykk som egentleg bokmål til vanleg, er ikkje denne versjonen mykje finare? 
Del gjerne i kommentarfeltet din favoritt, eller nest favoritt, julesong. Likar du dei gode, gamle salmane?
-Gudrun-

Gudrun sine favorittar, vol 2

Eg prøver å finne ut kva som er min favoritt sang, men det er vanskeleg gitt.

Bjørnen og Reven som handdokker
Bamse Brakar og Mikkel Rev

Røysekatt er ein av mine favoritt sangar, fordi den er so morosam å syngje 😉 Hugsar ikkje heilt om eg har delt den før, men her kjem den iallefall.

Røysekatt
Røysekatt, røysekatt, kå lika du deg?
Røysekatt, røysekatt, kå lika du deg?
Eg lika meg godt, men kå lika du deg?
Eg lika meg godt, men kå lika du deg?
Inni, inni, ostastabbur, eg.
Inni, inni, ostastabur, eg.
Du rikka kje rompa på røysekatten, du?
Su-de-lu-de-lu-de-lu-de-lu-de-lu-de-lu-du,
su-de-lu-de-lu-de-lu-de-lu-u-du.

Ein annan av mine favorittsongar er Kamelen Klara. Denne songen finst i mange variantar, og min versjon stemmer ikkje heilt overeins med den som står i songbøkene. (Kvifor har alle skrive den oppatt feil, forresten??) Her er min versjon, eg elskar denne songen på grunn av dei artige bevegelsane og den morosame melodien. (Som heller ikkje er heilt lik den på cd’ane.)

Kamelen Klara
Ein tiger er for diger,
og ein flodhest er for brei.
Ei mus er for lita,
og ei løve er kje grei.
Me har ikkje nok vatn til å kjøpe ein sel,
då veit eg kva me gjer’
Kva då?
Jo, me kjøper ein kamel.
Så set me oss og rir på Kamelen Klara,
og snart så er me ved midt i Sahara.
Oh-lakka-lakka-lakka
oh-lakka-lakka-lakka.
Jada-jada-jada-jada.

Samina er òg ein favoritt. Eg lærte den på lærarskulen, og det var signatursongen til klassen vår. Songen fekk jo eit oppsving under fotball VM (eller kva det no var) for nokre år sidan, så den finn du ganske enkelt tonen på ved å google den.

Samina
Samina mina mina
waka waka e-e-e
Samina, mina sangelewa
anawa a-a
x 2

 Django e-e
django e-e-e
Samina, mina sangelewa
anawa a-a

Ford Escort, Gå i jungelen og Kaffi-sangen har eg delt før. Og Puslegrisen til Prøysen, og Jungelsangen (Det tusler og det tasler), og…. og….

Gir meg her for i kveld, men lovar å utvide favorittane med fleire vol 😉

Kva er dine favorittar?

-Gudrun-