Kategoriarkiv: oppstart

Bamse Brakar og Mikkel Rev i barnehagen.

drama, haust, oppstart

Rollespel og dramatisering er ein fin måte å vise ungane ting som skjer i barnehagen kvar dag. Som eg skreiv om i forrige innlegg, har me vaksne i barnehagen brukt rollespel til å vise ungane korleis ein kan oppleve det dersom ein ikkje får vere med i leiken, og korleis det er å vere ny i barnehagen, og forskjellege måtar «gamle» barn kan ta i mot nye.

Vi Vil Vere Venner

Sosial kompetanse – å hjelpe.

I videoen i starten her, viser eg korleis me bruker handdokker til å spele forskjellege situasjonar for ungane. I denne filmen viser eg ein garderobesituasjon, og korleis me kan hjelpe kvarandre. I etterkant er det fint å påpeike eller ta ungane på fersken i å gjere det me viste i samlinga. Sidan denne handla om å hjelpe, er me observante på hjelpsomme handlingar i etterkant, og kommenterer dette; «Gro, no såg eg at du hjelpte Berit. Akkurat som me snakka om i samlinga i dag. Så fint gjort av deg. No var du ein god venn.»

10 korte snuttar.

Eg har, som eg fortel i filmen, laga 10 korte snuttar med tilhøyrande refleksjonsspørsmål. Det er 10 heilt vanlege situasjonar som barn og vaksne opplever dagleg, og alle handlar om samhandling og sosial kompetanse. Nokre er litt kranglete og nokre er glade, her er heile spekteret.

Fordelen med å bruke handdokker, er jo at du kan spele fleire rollar. Det er dessutan spennande å sjå på.

Me har brukt snuttane òg som inspirasjon til personalsamarbeid, at me omgjer dei til praksisforteljingar, det er berre fantasien som set grenser. Ein kan også lage seg nye historiar, utfrå eiga barnegruppe, og hente inspirasjon frå eiga avdeling.

Me har starta utprøving i full gruppe, dvs 19 barn i alderen 2,5-4 år, men eg ser føre meg at det kan verte gode samtalar i mindre grupper, der alle ungane får komme til orde.

Dess meir sosial kompetanse, livsmestring og god sjølvfølelse me kan gi ungane i barnehagen, dess tryggare barn som veit skilnad på rett og gale, får me. Mobbing kan førebyggjast, me må la ungane få bli kjende med seg sjølve.

Lykke til i oppstarten, alle saman. Del gjerne i kommentarfeltet korleis de jobbar med vennskap og sosial kompetanse no i denne gruppebyggjingsfasen.

Klem,

  • Gudrun <3

 

PS; vil du kjøpe pakken, så kostar den 375,- på intropris, pluss evt porto på 75,- send mail til gudrun(at)samlingsboksen(dott)no

 

Vi Vil Vere Venner

oppstart, samlingstips

Eg reknar med det er fleire enn oss som jobbar med vennskap og gruppebygging i desse dagar?

Eg har brukt boka Matias er alene (http://mattiaseralene.no/) og Monsterbøkene (http://skald.no/utgjevingar/nei_sa_veslemonster/) mykje no i oppstarten. (Ikkje sponsa.) Veldig fine bøker.

Samling om vennskap

Eg jobbar i ein barnehage full av flinke folk, og på fredag hadde eg med meg to super-pedagogar, Anne Kristin og Hildegunn, på ei vennskapssamling. Her skal du få vår cirka-plan.

Opning

Me starta med «Her i barnehagen». Det er opningssangen eg og Anne Kristin har brukt på fellessamlingar sidan tidleg på 2000-talet. Så den held me på av nostalgiske grunnar. Alle de som gjekk i Sogndal studentbarnehage på Kjørnes i 2001-2002 var med og sang denne.

Det er alltid greit å ha ein opningssang, gjerne fast. Slik at ungane kjem i rett «state». På vanlege samlingar brukar me God morgen, god morgen eller God morgen alle sammen. Eg har òg innført «Hei alle saman, vil de vera med å syngja?» no i den nye barnegruppa mi.

Og som alltid; syng med innlevelse!

Ein ring av gull

På vennskaps-samlinga, med 38 barn og 8-9 vaksne, tok me alle kvarandre i hendene og sa;

«Ein ring av gull, ein riktig stor, med plass til alle hender. Der ingen er størst, der ingen er minst, der ingen er først, der ingen er sist. Me held godt fast, så alle kjenner, at ringen er smidd av gode venner.»

Vennskapssangar

Me sang Anti-jante-sangen før dramatiseringa og Bjarte Leithaug sin «Skal vi vere venner» etter dramatiseringa. Kjempe fine vennskapssangar, saman med «Stopp! Ikkje mobb!» og ein opprinneleg dansk; «Skal vi ikke vere venner.» Viss du har andre vennskapssangar, så del gjerne.

Dramatisering med masse drama!

Så kom hovudsaken; me skulle dramatiserer. Eg stjal ideen frå Matias er alene. Eg spelte Gudrun som gleda seg til oppstart i barnehagen att, når eg skulle leike med bestevennen min, Hildegunn.

Når eg og kosehunden min kom i barnehagen, sat Hildegunn og leika med ei ny jente (Anne Kristin) som eg ikkje kjende. Eg sette meg attmed dei, men dei såg meg ikkje. Eg leikte med dei samme leikene, klossar, og plutseleg reiste dei seg opp og sprang ut, utan at dei spurde om eg ville vere med. Eg vart både lei meg og sint, og kasta klossar rundt meg mens eg gret og skreik. (veldig effektfullt; «Vart du lei deg på ordentleg?»)

Då eg kom heim sa eg til mamma at eg ville slutte i barnehagen, ho sa det var tull, og at eg hadde det moro saman med Hildegunn. Då begynte eg å gråte, og fortalte mamma om korleis dagen hadde vore.

Dagen etter snakka me med ein vaksen i barnehagen, og eg og Hildegunn vart kalla inn til barnesamtale og det enda med at me vart venner alle tre, både eg, Hildegunn og Anne Kristin.

 

Neste veke skal me ha samling med fokus på Anne Kristin som er ny i barnehagen, og kor vanskeleg det er å komme ny i barnehagen.

Det at vaksne dramatiserer for barna er kjempe virkningsfullt! Anbefalast!

Kjende sangar

Så avslutta me med kjende sangar. Me sang Nøtteliten, og sangar om griser; Inne i fjøsen og Tre små griser. Sidan sangane om vennskap var ukjende, var det OK å bruke sangar som ungane kjende på slutten.

Avslutting

Avsluttinga er noko av det viktigaste i samlinga, fordi det er så lett å gløyme det. Det er så lett berre avslutte med; Nei, no har eg ikkje noko meir sååå ehe, eg trur me sluttar no.

Det er så greit å ha ein avsluttning. Slik at barn og vaksne veit at no er det slutt på samlinga. Eg og Anne Kristin brukte Trollmor på fellessamlingane i gamledagar, så det gjorde me denne gongen òg.

Og heilt til slutt tok me kvar andre i hendene igjen og sa; «Vi vil vere venner!» Eit ordtak me hang over samlingskroken vår i Notsete barnehage det første året eg jobba, i 1997. Me fann på det saman, eg og ungane, skreiv det opp og hengde det på veggen. VI VIL VERE VENNER! Det enkle er ofte det beste.

Samlinga var to avdelingar på 19 barn i kvar avdeling, i alderen 2,5 år til 5,5 år. Med andre ord, dei to store avdelingane.

Viss du trur nokon kan ha glede av denne posten om vennskap, del han gjerne vidare. Viss du brukar nokon av mine idear, så fortel meg om det.

Klem

  • Gudrun –

Kven er eg?

oppstart, samlingstips

Eg var hjå ein ny frisør ein gong, og dei sender ut ein forhaldsvis hyggeleg sms nokre gonger i året. Relativt hyggeleg, seier eg, og det er fordi min sms alltid startar med; «Hei Gudsun!» Og deira potensielle kunde forsvinner umiddelbart, eg vert irritert og sur fordi dei skriv navnet mitt veldig feil, sjølv om dei berre har bytta ut ein bokstav. Gudrun er eit navn, men eg har aldri høyrt om nokon som heiter Gudsun.

Handdokke sjiraff
Gudrun og Sjiraffen Laffen

Dette fekk meg då til å tenkje på kor mykje navnet vårt betyr for oss. Eg jobbar i år med toåringar, og me har brukt desse første vekene til å pugge navn, kvar einaste samling har me ein til to navnesongar, me har navnelappar ved matbordet og gebursdagslarvene er komne på veggen. Desse er kjekke å gå gjennom ved matbordet, kva heiter dei forskjellege larvene? (Ein av sommarfuglane skal heite Gudrun, så du skjønnar kva larvene heiter. Dei vart veldig søte, klipte ut larver og limte på hovudet til ungane, utruleg fine larver, dei aller finaste!)

Men det er ikkje berre ungane sitt navn som er viktig, foreldra har òg eit navn. Eg trur foreldra føler seg meir sett dersom me brukar deira navn. Her skal du få eit super-duper- tips hjå meg, korleis jukse seg til navnet til foreldra; I garderoben har me hengt opp bilde av ungane på plassen deira, på bildet har me skrive navnet til ungen OG navnet til foreldra. Smart, ikkje sant?

Dale Carnegie, han med Lev livet uten bekymringer-boka, veit du, har skrive fleire bøker. Blant anna klassikaren Hvordan vinne venner. Han skriv dette om navn;

«Hvordan du skal få folk til å like deg.

Prinsipp 3. Husk at en persons navn er for ham eller henne den vakreste lyd i språket.» (s 140)

Då er vel navn viktige, då, ikkje sant?  Tips til oppstarts-navnesongar finn du her. I oppstarten er det fint med eit vers til kvar.

Eg har òg brukt Sjiraffen Laffen no i samlingane, han helser på alle ungane, og dei fleste gir han ein klem. Handdokker er eit flott redskap i samlingsstunda. Ungane henvender seg til dokka og vert meir aktive (på ein positiv måte, altså), dei snakkar til dokka, og høyrer på det dokka seier. Sjiraffen Laffen er jo veldig beskjeden, så han pleier berre å kviskre til meg, men han er glad i kos og klem. Og så syng dei til Laffen kvar gong, kva song dei syng? Sjiraffen Laffen, sjølvsagt.

Hugs at «sharing is caring», likar du bloggen, så del den med andre.

Klem,

-Gudrun-

 

Barnehagetilvenning? Foreldreråda

oppstart, små barn

Det er tilvenning i barnehagane rundt om, og mange foreldre kjenner seg litt usikre på dette med barnehagetilvenning. Dette er noko eg ofte får spørsmål om, og i dette innlegget har eg samla mine tips til barnehagetilvenning.

Ei hand å halde i <3
Ei hand å halde i <3

1. Stol på personalet. Det er ein grunn til at dette rådet kjem som første råd. Ungen din leser deg, og støttar deg på det han/ho les. Viss du ikkje stolar på personalet, stolar ikkje ungen din på dei heller. Personalet har betalt for å hjelpe deg og ditt barn, dei vil det beste for dykk. Stol på dei!

2. Fortel personalet korleis du vil ha det. Personalet les ikkje tankar, det er like mange meiningar og ønskjer som det er foreldre. Dei som jobbar i barnehagen ønskjer å gjere det slik at tilvenninga vert best for dykk. Nokon foreldre vil at personalet skal ta barnet mens det skrik, mens nokon ønskjer å roe ned barnet sitt sjølv. Fortel personalet korleis du vil at det skal gjerast, og ikkje bli irritert om du må fortelje det til dei fleire gonger. Tilvenninga er hektisk for personalet òg.

3. Ta til deg personalet sine råd. Dei som jobbar i barnehagen, har eit meir objektivt syn enn det du som foreldre har. Råda dei gir, er råd frå pedagogisk kunnskap, frå erfaring frå mange barnehagetilvenningar og frå observasjonar av ditt barn. Personalet vil det beste for dykk.

4. Uenig i noko? Ta det opp med personalet, ikkje med naboen. Eit godt samarbeid går begge vegar, ver med å legg eit godt og ope samarbeid frå starten av. Ikkje føl det som klaging, konstruktiv tilbakemelding er mykje bedre enn baksnakking.

5. Du er eksperten på ditt barn, du veit kva han/ho tåler. Ikkje gløym at det er ditt barn, du kjenner han/ho best. Følg hjarta ditt. Det som funkar for ein, funkar ikkje for ein annan.

6. Ta den tida du treng. Her kjem litt «inside information», det er foreldra sitt behov. Det er du som styrer tilvenninga, barnet ditt reagerer på dine signal.

Er du enig med meg? Mine tips er litt anleis enn dei vanlege tipsa du les over alt, om korte dagar og egentleg fri frå jobb ein månad. Samfunnet er ikkje opplagt til det, du har rett på dine tre dagar, og det er det. Lykke til med tilvenning alle saman, del viss du trur andre kan ha nytte av bloggposten, og legg igjen ein kommentar viss du vil diskutere eller fortelje om eigne opplevingar.

Her er innlegget til personalet når det gjeld tilvenning.

Klem,
-Gudrun-

Korleis tilrettelegge for ein god oppstart?

haust, oppstart, små barn, tankespinn

Korleis kan ein gjere tilvenninga i barnehagen best mogeleg?

Godt med litt støtte i motbakkar.
Godt med litt støtte i motbakkar.

Dei fleste ungar byrjar i barnehagen når dei er rundt eitt år, og eg vil ikkje gå inn på diskusjonen om barnehage er bra for eittåringar eller ikkje. Eg vil heller fortelje litt om kva me gjorde i fjor haust, då me ved oppstart fekk 11 eittåringar på avdelinga, alle heilt ferske barnehagebarn.

1. Me gira ned. Alle dei vaksne sette seg ned på golvet, og laga plass til dei som trong det på fanget, det kunne til tider verte trongt. Me hadde overhovudet ingen fancy planar om ting me skulle gjennom. Me hadde eit mål og ein plan; å gjere ungane sitt møte med barnehagen så godt som mogeleg.

2. Song. Me song for ungane, heile dagen. Me skapte gode augneblikk. Er det eit oppstartstips eg vil trekke fram, så er det; SYNG!

3. Leikar med lyd. I starten så hadde me leikar med lyd i overflod. Funka fint som avleiing. Høyrest rart ut, men lydleikane var til god hjelp i oppstarten.

4. Tid og rom. Bruke barnehagen, uterom og innerom. Me skifta beite, var det mykje skrik inne, kledde me på oss og gjekk ut. Når ungane var leie og skreik ute, gjekk me inn. Eit sceneskifte hjelpte ofte på humøret.

5. Tilpassing. Med 11 ungar på mellom 11 og 16 månadar, hadde dei sjølvsagt ikkje like rutinar. Me hadde mat og soving heile dagen den første tida, slik at alle skulle få mat, og alle skulle få sove når dei trong det. Me prøvde ikkje å få ungane inn i same rutine, men let dei behalde si rutine, sjølv om me hadde matservering heile dagen.

6. Tilknyting. Så langt det let seg gjera, fekk ungane velje kven dei ville vere med. Så la me vaksne av oss alle våre såre kjensler, kontakten med alle kom etterkvart.

Lykke til med oppstarten alle søte små, alle foreldre og alle tilsette. Kjenner du nokon som kan ha nytte av tipsa? Del gjerne bloggen vidare! Og del i kommentarfeltet om du har gode tips andre treng.

Klem
-Gudrun-

Bloggen er to år!

drama, dyr, kreativitet, nettbutikk, oppstart, samlingstips

To år går jammen fort, i dag har bloggen gebursdag!

I går henta eg ALLE samlingsboksen-dokkene, og er endeleg klar med trekking av vinnaren av Tre små griser-settet. Og sidan det er gebursdag i dag, trekker eg to vinnarar!

**trommevirvel**

Tone Midttun
Siv Årsvoll Lyngstad

Gratulera!!

La meg presentere deg for Dei tre små grisene og Ulven.
La meg presentere deg for Dei tre små grisene og Ulven.

Vann du ikkje?? Hugs at du kan vinne ein sjiraff viss du deler korleis du vil bruke han i samlingsstuda! Har du spesielt lyst på fingerdokkene, så kjem dei i nettbutikken snart!

Klem frå super-glad Gudrun som endeleg fekk alle handdokkene sine!

Ikkje for utålmodige pyser!

barnekultur, drama, dyr, ferie, kreativitet, nettbutikk, oppstart, samlingstips, Sju Steg til ei Spennande Samlingsstund

Som eg så vidt har nemt før, har eg bestilt meg nokre «samlingsboksen.no»-handdokker. Avtala var grei, tidsaspektet såg flott ut. Eg bestilte, førehandsbetalte og begynte å vente. To månadar skulle det gå, ein månad til produksjon og ein månad til transport, frå Kina.

samlingsboksen_no_tagg

Eg bestilte 18. desember. Eg håpte dei skulle komme i februar, men fekk ein heil masse unskyldningar. Eg trudde dei skulle komme i mars, men så var det noko problem med å få sent det. Eg var sikker på at dei kom i april, spesielt sidan eg var på ferie dei siste 14 dagane av april. Stressa litt og håpte dei kom før eg reiste.

Så kom mai, no gjekk forventningane kraftig ned, eg håpte dei skulle komme, men trudde det ikkje. I juni hadde eg egentleg gitt opp håpet og rekna med eg hadde fått meg den dyraste lærepengen eg nokon gong hadde fått. Og ingenting dukka opp i juni heller. Eg lova faktisk mannen min at eg skulle spandere middag ute på han, dersom dei dukka opp.

Så kom juli; og der kom første boks med mine eigne sjiraff-handdokker! Eg held på å gå i dørken! Og dei 17 neste boksane er til fortolling i Oslo! (Ja, 17, jentungen sa òg at eg var sprø!)

sjiraff handdokker frå Samlingsboksen.no

Eg køyrde i gong ein konkurranse på facebook og instagram, der eg trekker ei gratis dokke blant dei som kjem med tips til korleis dei vil bruke sjiraff-handdokka i samlingsstunda, eller andre plassar. Samme konkurransen går til blogglesarane, som ikkje følger på facebook eller instagram. Skriv tipsa dine som ein kommentar under her; Korleis vil du bruke sjiraffen Laffen?

Handdokkene kjem for sal om ikkje så brått, viss du har kjempelyst på ei NOOO!! så ta kontakt, så ordnar me det.

Dei andre dokkene er Reven og Bjørnen, Lille larven Aldrimett og dei Tre Små Griser og ulven, som er fingerdokker. Desse kjem snart, og eg lover å vise dei så snart dei kjem på tunet!

Klem, Gudrun

Alle fugler små de er… Eit innlegg om takknemlegheit og rausheit.

foreldretips, oppstart, tankespinn

…kommer ei tilbake.

I dag har eg operert eine auga mitt for grå stær. Og er veldig spent på om dette vert bra. Slik det ser ut no, ser eg greit på avstand og ikkje noko særleg på nært hald. Så i løpet av nokre minuttar, har eg altså gått frå å vere svært nærsynt til å verte langsynt. Er heilt fantastisk at det går an.

Eg diskuterte med ei venninne i dag, kor flott helsevesen me egentleg har. Eg betalte rundt 300 kroner, og thats it, pluss litt augedråpar. I USA er det så dyrt å gå til lege viss du ikkje har dei rette, dyre, forsikringane, at dei ventar veldig lenge med å gå til lege. Me klagar ofte på at det ikkje er godt nok, men veit me egentleg kor godt me har det. Fødekvinner i Tanzania, som føder i flokk og ligg i sovesal med 30 andre, er super glade for å komme seg dit. Her klagar me, uansett kor trygt og godt me har det.

Takknemlegheit og rausheit var ord me brukte masse i dag. Finne det me er takknemleg for, og vere raus med oss sjølv og andre. Alt treng ikkje vere perfekt, og alle er faktisk ikkje like gode på alt. Men det er OK. Viss alle jaktar på det gode i andre, og fokuserer på det som er bra, trur eg verda vert ein bedre stad. Me gjer det litt slik på jobb. Me tok ein runde på kva me likar å gjere, og kva me ikkje likar, for å finne ut kvar me er. Tykkjer det er greit å starte med når me planlegger hausten.

Og for å avslutte med ein skikkeleg god opplevelse, som viser at det er bra å ha kompetanse på det du jobbar med uansett kor du jobbar, og som viser kor lite som skal til for å glede to vaksne damer. Oljelampa begynte å lyse på veg til sjukehuset, og me stoppa innom ein bensinstasjon for å få tak i olje. Me hadde opna panserert og funne ut kor me skulle peile og kor me skulle fylle, men me var ikkje så veldig høge i hatten. Men der opplevde me noko som me ikkje hadde forventa, den kjekke, unge mannen som jobba på bensinstasjonen, tok på seg hanskar og vart med oss ut for å fylle, utan at me bad han om det. Ein super start på dagen for oss! Og eg trur jammen det var fint for han òg, for me takka hjarteleg.

Så kan du kanskje seie at å skifte olje er noko me burde kunne sjølve, og det kunne me òg i utgangspunktet fått til. Men det diskuterte me faktisk òg i dag, me kan ikkje vere like gode i alt, så kvifor ikkje hjelpe kvarandre med det me er gode på?

Dette hadde ikkje mykje med sang å gjere, men det har mykje med livet å gjere. Ver raus og takknemleg.

-Gudrun-

Så fint at du kom

haust, oppstart, samlingstips, små barn

Eg har lært ein ny navnesang. Trine, som eg jobbar med, har lært den frå vår tidlegare felles barnehage. Eg har prøvd å google den, men den dukkar ikkje opp i søket mitt, så då skriv eg den ned her, for at andre skal finne den. Den er så fin <3

Så fint
Så fint at du kom,
hei, hei, morn, morn, goddag.
Her sitter du,
her har me deg.
Hei på deg, Gudrun
Hei på deg, Gudrun.
Så fint at du kom,
så fint at du kom, kom, kom, kom, kom.
Me har jo, som før nemt, starta med sangsamling med eit åringane våre. Kvar haust syng eg mange navnesangar i samlinga, viser til postar i fjor haust. No i starten, syng eg alltid navnesangar med eit vers til kvar, slik at barnet får ei bekrefting spesielt på seg. Seinare syng me sangar med mange barn i samme vers.

Facebook er fine greier!! Her fekk eg greie på at denne er ein Forut sang, nærmare bestemt Indrani. Cd’en kostar berre 99,- og er velanvendt pengar! Alle Forut-cd’ane er fine <3

-Gudrun-

Småbarns boks

boks, dyr, gamle sangskattar, haust, magisk boks, oppstart, samlingstips

No har det gått 2 veker sidan barnehageoppstarten, og det er på tide å innføre sangstund til verdens skjønnaste eit åringar. Og, sjølv om eg allerede har ein (HAHHA; prøv snart 10) boks, så må eg nesten ha ein ny samlingsboks til eitåringane mine.

Hjarteboksen skal få vere med inn på besøk til dei store treåringane som eg hadde i fjor, me må inn til dei å synge litt òg.

No skal du få vere med på reisa det er å lage ein boks. Eg har juksa litt, og funne meg ein ferdig boks. Eg er egentleg stor tilhengar av skoøskje-boksar, for dei er flotte å bruke. Men no har eg fått tak i nokre boksar som er ferdige og fine, utan at eg må gjere noko meir. Så då vert det ein slik boks. Her er bilde av loket, som er av gull <3

Boksen har fine gullstriper på sidene. Som eg skreiv på Facebook sida mi, så såg eg boksar på Søstrene Grene, viss du ikkje vil ta jobben med skoøskje. Og med tanke på prisane det er i den butikken, reknar eg med at det ikkje kosta stort.

Her skal det fyllast inn mykje spennande. Eg veit iallefall at det skal komme oppi ein gris. For eg har tenkt å innføre «Tre små griser» sangen. Eg søkte litt på nettet i går, og fann melodien på youtube. Og edderkoppen får nok, sjølvsagt, fast plass. Eg har funne meg ein liten båt, som skal oppi, og har nokre små venner som allerede ligg og ventar på morgodagen:

Den vesle musa har ei bjølle, som eg ser føre meg vert spennande for dei små.

I tillegg til «Tre små grise», så har me òg ein månadssang me skal bruke litt tid på. Det er «Bringebær-slått». Det er ein «ny» sang for meg, eg kan den, men har aldri brukt den i barnehagen før. Men det er ein passande sang no om hausten, dei andre ungane i barnehagen har plukka masse ville bringebær no i haust. <3

Bringebærslått
Bringebær er gøtt, sann,
rødt og surt og søtt, sann.
Kom skal vi synge ein bærplukkarslått.
Plukke, plukke bær, sann,
laga god dessert, sann.
Skrape av skåla med sleikepott.
Tralla lala la…
Eg kjem attende med fortsettelse av boks-posten. Med bilder av innhald og kvifor det har fått plass. 😉 Har du boks i din barnehage? Kva har du i boksen din? Kor gamle er barna dine? Del med meg i kommentarfeltet eller på Facebook. Post gjerne bilder på Facebooksida! 
Gledar meg til sangstund i morgo, 
klem,
-Gudrun-