God morgon

bevegelsessang, samlingstips

Det vert mykje «barnehagesangar» i bloggen no, men eg har ofte møtt foreldre som er frustrerte over å ikkje skjønne kva sang «skatten» syng på, og då med ein endå meir frustrert «skatt» sidan mamma og pappa ikkje skjønnar nokon ting.

(Bildet er frå virrevapp sin haustkolleksjon; flotte klær i god kvalitet = dagens reklame 😉 )

Samlingsstunda er nok ikkje lik overalt, (Hey, mine eigne samlingsstunder er ikkje like frå dag til dag ein gong 😉 ) men dei fleste samlingsstunder startar med ein God morgon sang.

God morgon alle sammen.
God morgon alle sammen, 
god morgon far og mor.
God morgon vesle syster,
god morgon store bror.
God morgon trær og blomster,
god morgon fuglar små.
God morgon kjære, lyse sol på himmelen klar og blå,
HEI HÅ!
God morgon alle sammen er med bevegelsar. Eg kan skrive dei opp dersom nokon vil det, berre skriv i kommentarfeltet så fiksar eg det 🙂 Dette er den mest brukte sangen til opningssang, svært uoffisiell undersøking av meg. Men det finst mange andre fine også.
Kom no her
Kom no her, set deg der,
kva skal me no gjere?
Synge litt og lese litt og eventyr få høyre.
God morgon, god morgon
God morgon, god morgon, 
her er me igjen.
Me kjemme so glade til barnehagen hen.
Me syng og me leikar, me har det so godt.
Me vil ikkje byta med kongens eige slott.
God morgon.
Og ein av mine all time favorittar, fordi den er så morsom å syngje:
Her i barnehagen
Her i barnehagen – Her i barnehagen
Her har me det gøy – Her har me det gøy
Mykje rart å gjere – Mykje rart å gjere
Og så mykje skøy – Og så mykje skøy
Skvi skva skvadulia – Skvi skva skvadulia
Skvadulia åh- Skvadulia åh
Ari ari ari – Ari ari ari
Ari ari åh – Ari ari åh
Her i barnehagen – Her i barnehagen
Her har me det kjedeleg – Her har me det kjedeleg
Mykje seigt å gjere – Mykje seigt å gjere
Å so mykje dumt – Å so mykje dumt
Skvi ska…..
Og første verset ein gong til
Her i barnehagen – Her i barnehagen
Her har me det gøy – Her har me det gøy..
Det kan virke kjedeleg, men det er ganske OK å ha samme opningssangen kvar dag (evt. ein heilt anna til fellessamling, t.d. eller andre temasamlingar) Men å høyre den samme opningssangen kvar gong, gjer at ungane skjønnar kva som skjer, dei forbinder sangen med samlinga og veit kva som vert forventa. For meg, og sikkert andre, er det kjekt å synge forskjellige sangar, men eg vil halde meg til den samme, verfall ei stund framover. Så kan me skifte til ein ny etterkvart. Omtrent slik det pleier vere på treningar; når du først har lært programmet, så skifter leiaren til eit nytt program 😉
Eg er jo ein ivrig sangsamlar, så dersom de har andre opningssangforslag så ikkje nøl med å dele dei med meg 🙂 Eg elskar å lære nye sangar!
-Gudrun-

Godnatt sangar

foreldretips, gamle sangskattar

Her i huset er det ein sang som er godnattsangen over nokon; Berg og båre. Eg lærte sangen på (jeps, here it comes, avsløringens time) «Kan-ikkje-syngje-koret»-kurs. Me syng denne på tilnærma nordnorsk, så nordnorsk som ein indresogning kan klare. Eg har hatt lyst til å skrive ein godnattsang-post, men kunne ikkje gjere det utan «Berg og båre». Så eg sende ein melding til Kari Bremnes og spurde om eg fekk lov til å bruke teksten hennar, og fekk raskt svar tilbake med positivt svar.

Så her er den mest sangen me syng mest i heimen. Eg begynte å synge den til ungane mine med ein gong eg lærte den, og sang den lenge til jenta mi, som fall like mykje for den som meg. Då ho skulle verte storesøster for andre gong, var ho 7,5-8 år (vart 8 rett før babyen kom), og sang denne sangen kvar kveld til babyen inni magen. Og det vart den sangen som roa babyen etter han vart fødd. No er babyen vorten godt 2 år, og velger alltid «De ko» (=»Der kor») som godnattsang.

(Bildet er ikkje akkurat Berg og båre, men eit bilde av ein stein med hjerte på

Berg og båre

Der kor berg og båre brytes blir det melodia
alt fra løstig sommarlåt te såre symfonia
Kvasse klippa knuses sund og smuldre bort i sanda
men her finns og steina som e god å ha i handa

Der kor berg og båre brytes vil det alltid tære
på den smale, skjøre stripa mella fjor og fjære
Men det går å leva her vi kan ha i minne
at uendelige slag vil ingen kunne vinne

Der kor berg og båre brytes kommer også sangen
langveisfra med seil av sølv heist av solnedgangen
Der den gamle kampen står åpne sæ det nye
skapt av sjø og stein og år og lys fra morragryet

Andre godnattsangar som har vore populære i heimen er «Pusekatt, kest laog du i natt?» og «Katten bad pusen» som begge står i Pusekatt-posten. Og klassikarane som «Sulla meg litt» «Byssan lull», «Når trollmor har lagt», Ivar Aasens «Den fyrste song» og Egners «So ro lillemann».

Byssan lull
Byssan lull koka kittelen full
da kjemme tre vandringsmenn på vegen.
Byssan lull koka kittelen full
da kjemme tre vandringsmenn på vegen.
Den eine akk so halt,
den eine o’ so blind,
den tredje seier slett ingenting.

Sulla meg litt
Sulla meg litt du mamma mi,
skal du få snor i trøya di.
Vil du ha gule,
vil du ha bår,
vil du ha blanke,
skal du det få,
i trøya di,
du mamma mi.

Trollmors voggesang
Når trollmor har lagt sine ellve små troll,
og bunde dei fast i halen.
Då synger ho sakte for ellve små troll,
dei vakraste ord ho kjenner.
Aiaiaiaiaiboff
aiaiaiaiaiboff
aiaiaiaiaiboffboff
aiaiaiaiaiboff

(Trollmors voggesang fungerer ikkje alltid like bra som godnattsang, nokre ungar tykkjer aiaiaiaiaboff er ustyrteleg morsomt 😉 )

Når me syng godnattsangar, syng me alltid roleg og mjukt, mens me sit tettinntil kvarandre og roar ned. Godnattsang er ein fin del av kveldsrutina. Dersom det samme skjer kvar kveld, i lik rekkefølgje, veit barnet at no er det natt, no skal eg sove. I motsetning til ingen rutiner, då kan det komme protestar, for ungen veit ikkje kva som skal skje. Så å halde fast på rutinar i kveldssamanheng, i legginga, er smart 😉 Særleg dersom legginga er eit problem. (Kanskje eg burde innføre faste leggerutinar på dei to eldste att òg… 😉 )

-Gudrun-

Gravemaskiner :)

bok

Som dei som kjenner meg sikkert veit, så er gravemaskiner noko som er viktig for familien. Eg hadde egentleg ikkje tenkt å skrive blogginnlegg på ein laurdagskveld, men så kom ei venninne på døra med ei bok ho hadde kjøpt til meg; Storeting og andre barneviser av Nils Slettemark og Peter Plenne. (Tusen takk, Oddrun!! <3 ) Boka er frå 1977 og er eit utval av dei beste barnedikta til Nils Slettemark. Det er lyriske viser, skjemteviser, glade og alvorlege viser. Det var spesielt eit dikt (som er sett musikk til av Peter Plenne, så eg må lære meg melodien etterkvart!!) som eg fall for; Stor-eting. Eg er usikker på om det er lov å skrive det ned, men sidan eg har fått lov av eit forlag å bruke tekstar frå sangbøkene deira, dersom er ikkje skriv mange, så skriv eg ned dette. Eg har aldri høyrt om desse dikta før, og dei fortjener å komme fram i lyset!

Stor-eting
Gravemaskina på Åreklett åt opp ein åker,
men vart ikkje mett.
Sette så tanna glupsk i ei eik,
men likevel var ho så tynn og bleik.
Så saug ho seg i ei bjørkerot,
ein bekk og ei furu på førti fot.
Sleikte bort molda, vrei opp ein bolt.
Det var ein stor og umetteleg svolt.
Tok så ei steinrøys med mose på, 
eit hus og eit gjerde som gjekk på skrå.
Åt opp ein hage og heiv seg rundt,
og tørka sin trut på ein piggtråd-bunt.
No var ho endeleg god og mett
og pirka i tanna si med eit spett.
Trippa så heim att på lette tær,
for no var det gate med asfalt der.
Det er òg ein sang som heiter Hyggjestund, som eg skal ta i bruk, og mange mange fleire. Gleda meg til eg har lært meg å lese notar 😉 Så dette er ei anbefaling på ein laurdagskveld; sjekk ut dikta til Nils Slettemark! 
Bildet er frå årets ferietur, som blandt anna gjekk til Diggerland i Kent, ein familiepark fyllt med gravemaskiner. Rett og slett den ultimate familieparken for oss 😉 Det vert dagens andre anbefaling 😉
Ha ein fin kveld, alle saman!
-Gudrun-

Sangleikar om troll ;)

bevegelsessang, drama, samlingstips

Sangleikar er morsomt. Her kjem ein «skummel» sangleik om eit troll 😉 (Skummelt er eit flott ord å bruke med ungane, for då berre ler dei av deg, som er så rar at du til og med tykkjer sangar er skumle…)

Trylle troll

Eit troll, eit troll, kan trylle med kva det vil.
Korleis, korleis, korleis kan det no gå til?
Eit hopp, eit hopp, han gjer med sin trylle kropp,
og so, og so, og so vert han til ein frosk. (eller andre dyr)

Og mens han hoppar omkring, hoppar omkring,
hoppar alle med,
og mens han hoppar omkring, hoppar omkring,
hoppar alle med.

Og her kjem ein endå skumlare troll-sang:

Trylle-rylle sang

(syng med litt skjelvande stemme…)
Eg er ein dyktig trylle mann,
som alle her forvandle kan.
Eg har eit trylle-rylle ord,
har sterke krefter på vår jord
ABRA-KADABRA no er du ein frosk.
(Hoppe rundt mens de nynnar på verset)
Tra-la-la-la…
ABRA-KADABRA  no er du deg sjølv.

Når eg syng med ungane, brukar eg heile meg, med stemme, bevegelsar, masse drama (bortsett frå når eg syng godnattsangar, då er det ganske roleg og monotont 😉 ) Eg avsluttar alltid sangstunda når eg mister merksemda til ungane. Å sitte og lese eller synge for ungar som ikkje har lyst til å høyre på, det ser eg ikkje heilt vitsen med, det er for å gi dei noko eg gjer det, ikkje for at dei skal gjere meg ei tjeneste. Tenk på det neste gong du har samling eller les med eigne ungar; gi deg mens leiken er god!

-Gudrun-

Sangkort

bevegelsessang, dyr, gamle sangskattar, kreativitet, samlingstips

Vart inspirert på jobb, igjen, i dag, og reiste (jeps, sogningar reiser frå stova og ut på kjøkken, live with it) heimatt og laga meg sangkort.

Eg har sagt det før, og seier det igjen, det enkle er ofte det beste. Eg klipte ut farga litt tjukt ark, og tegna og skreiv tekst for hand, på vanleg kvitt ark.

Deretter for dei gjennom lamineringsmaskina, og vips har eg 4 kjekke sangkort, med sangane eg elskar <3 (Det vert nok veldig mange etterkvart, ettersom eg elskar mange sangar) Desse fire slapp gjennom nålauga denne gongen; «Gå ein tur i jungelen», «Ford Escort», «Kom og leik» og «Kaffikoking». Med enkle, veldig enkle, illustrasjonar, slik at ungane kan «lese» kva song det er me skal synge. Kaffisangen og Ford Escort står i andre postar på bloggen, men eg dristar meg til å skrive ned «Gå ein tur i jungelen» som eg lærte på engelsk på Barnehagekonferansen på Alexandra for stygg-mange år sidan, den er oversett til god sogning, og er ein sang som fengjer eit breitt spekter av ungar. (Bevegelsessangar er moro!!)

Gå i jungelen
Gå ein tur i junglen – Gå ein tur i jungelen 
(Klakke på lår)
Kva ser du der – Kva ser du der?
(Speide med hand føre augene)
Viss du høyre lydar – Viss du høyre lydar
(Lytte med hand for øyra)
Kva kan det ver’ – Kva kan det ver’?
(Gjenta dette alle tre gongnen)
1. Eg trur da e’ ein slange (ssssss) – Eg trur da e’ ein slange (sssss) – Eg trur da e’ ein slange (ssssss)
So ser etter litt mat – som ser etter litt mat.
2. Eg trur da e’ ein krokodille (klapp-klapp) – Eg trur da e’ ein krokodille (klapp-klapp) – Eg trur da e ein krokodille (klapp-klapp)
So ser etter litt mat – so ser etter litt mat.
3. Eg trur da e’ ein tiger (wreeel-wreeel) – Eg trur da e’ ein tiger (wreeel-wreel) – Eg trur da e’ ein tiger (wreeel-wreel)
So ser etter litt mat – so ser etter litt mat.
Eg håpa’kje da verte meg – eg håpa’kje da verte meg.
Kom og leik er ein sang eg lærte av verdas beste musikklærar på Lærarskulen, teksten var opprinneleg på dansk, men min versjon er sjølvsagt på nynorsk/sogning/knoting. Dette er ein sang eg ikkje har brukt i barnehagen på lenge, men det er ein kjempe flott sang, som eg skal trekke fram frå gløymselen no i år <3
Kom og leik
Kom og leik med meg,
eg leikar so godt med deg.
Du kan gå i min ha-age,
og klø på min ma-age,
viss du vil leika med meg
Og denne kan improviserast i det uendelege:
Kom og hopp…
Kom og klapp…
Kom og syng…
Kom og dans…
Kom og vink…
Kom og promp… (tabu er moro!!)
Kom og suss… (også tabu!)

-Gudrun-

Enkle språkråd

foreldretips, samlingstips

Her er eit knippe med språkråd for barn med språkvanskar, eller små barn som skal lære seg språk. Her er litt blanding av barnehage- og foreldreråd, ta til deg det som passar 🙂

  • Enkle sangar, med få ord, og hugs; syng LANGSOMT.
    Døme på Bæ, bæ-melodien; Bil-bil-bil-bil-bil, bil-bil-bil-bil-bil osv. Bytt gjerne ut bil med eit anna ord, anten som er interessant eller som er noko de vil øve på.
  • Snakk langsomt med enkle ord og korte setningar.
  • Les langsomt, bruk ei enkel bok med enkel tekst. Samtale om boka undervegs, ikkje ved å stille spørsmål. Barnet lærer meir av å «ta» ordet i munnen sin og seie det. Tips til barn som ikkje likar bøker; bruk ein pose eller ei øskje fyllt med ting som de kan snakke eller synge om.
  • Mindre grupper, rolegar omgivelsar. Dele gruppa opp.
  • Lære ungane å vente på kvarandre. Alle må få seie det dei vil, lære barna at «Du skal ikkje avbryte meg når eg snakkar». La alle snakke ferdig utan å verte avbrotne, og lær dei å vente på snakketur.
  • Sjå på kvarandre når de snakkar saman.
  • Ikkje snakk for barnet ditt.
  • La språk følgje handling; «no tek me sokken på foten din, så tek me skoen på, og på med borrelåsen.»
  • Ver ein god lyttar.
  • Utnytt mimikk, tonefall og kroppsspråk.
  • Bruk korte, eintydige setningar. Del opp beskjedar i fleire ledd.
  • Bruk av modellsetningar når de spelar spel, det tydeleggjer og skapar oversikt over reglar og turtaking.  «Eg fekk…No er det din tur til å trekke. No er det min tur…»
  • Og hugs, sjølv om eg veit det er vanskeleg, ikkje baser kommunikasjonen på spørsmål. Vaksne har ein tendens til å stille mange spørsmål som barnet ikkje maktar å forhalde seg til. Men KVA er enklare enn KVIFOR.
  • Gje alternativ dersom barnet har problem med å hugse ord, «Vil du ha eple eller banan?»
Vart ikkje så mykje sangar i denne posten, men eg tykkjer det ligg litt i samme gata 😉
-Gudrun-

Navnesangar, vol 2

andre språk, oppstart, samlingstips

Navnesangar er det masse av rundt om i barnehagane. Her er nokon av «mine», samla gjennom mange år  😉 Desse tykkjer eg passar litt seinare på hausten, når alle ungane har lært alle navn og alle har vorte trygge og ikkje treng bekreftast heile tida. På småbarnsavdelingar kan ein jo halde fram med «Eit vers til kvar unge»-sangane, men på ei stor avdeling, kan det vere greit med sangar som tek fleire navn i eit vers, slik at ein kan bruke samlingstida på andre kjekke sangar 😉 (Ja, eller andre ting då, men her er det morsomme sangar som er i fokus 😉 )

Handdokker av dyr; larve, rev, bjørn, sjiraff
Handdokker; Bamse Brakar, Sjiraffen Laffen, Larven Aldrimett, Mikkel Rev

Eg hadde ein vikar på avdelinga mi for x antal år sidan, ein ung gut med rastafletter. Han lærde meg ein «Navnesang frå Zaire» Eg anar ikkje om den er frå Zaire, og eg veit ikkje kva det betyr, det blir nesten som den «Russiske kjærleikssangen» som eg skreiv om i eit tidlegar innlegg 😉

Oh Libala

Oh libala, oh oh,
oh libala naka songo jeje.
Gudrun indije, Kristian indije, Ingrid indije,
naka songo jeje.

Oh libala, oh mutema,
oh libala naka songo jeje.
Jens indije, Rolf indije, Trine indije,
naka songo jeje.

Viss nokon veit noko meir om denne songen, så må de seie det til meg, eg lurer veldig på kva det betyr 😉

Ein annan navnesang, som er utruleg morsom er «Napolion med sin hær» Eg pleier alltid passe på at mitt navn sitter på loftet og spelar «rokken roll», og får alltid protestsangar i retur, der eg dett i do 😉

 

Napolion på kjøkkenbenken

Napolion med sin hær over kjøkkenbenken dro’.
Kristian datt i vasken og Ingrid datt i do.
Jens han sklei på renna, og slo ut alle tenna.
Og Gudrun sat på loftet og spelte rock n’ roll.

 

Labbetussemann er òg ein gjengangar som navnesang, kanskje meir brukt før, men…

 

Labbe tusse mann

Labbe, labbe, labbetussemann.
Gudrun, Kristian og Ingrid heiter dei.
Dei er ikkje her, dei kjemme ikkje meir,
dei reiste på ei skuta til Amerika/
dei reiste ut i gangen for å kle på seg/vaske seg.

Tek gjerne i mot tips til fleire navnesangar, det er moro med navn!! 🙂

 

-Gudrun-

 

Taktil persepsjon

foreldretips, regler

Ja, i dag spreier eg om meg med framandord. 😉 Me pedagogar er alltid opptekne av å snakke folkeleg slik at alle forstår kva me seier, som jo er viktig det òg. Men får me auka yrkesstatus dersom me ikkje alltid er so folkelege? Me kan jo mykje, og skal vere stolte over det!

Vel, taktil persepsjon, eller berøringssansen, er enkelt sagt evne til å registrere – og reagere på- berøring, temperatur og smerte. Berøring er viktig med tanke på barna si fysiske- og psykiskeutvikling gjennom heile barndommen, faktisk er berøring ein viktig forutsetning for at me skal kjenne oss vel gjennom heile livet. Me kan aldri ta på ungane våre for mykje, derimot kan me ta for lite på dei.

«Ro din båt» er ein fin sang berøringsmessig, ungen sit på fanget til den vaksne, og så ror dei att og fram i første del av verset, og vuggar fram og tilbake i andre del av verset. Regler med berøring, som «Kjemme ein liten rev» er òg lure til taktil stimulering.

Ylva Ellneby (som har skrive fleire fine bøker om barn) seier i boka «Se hva jeg kan!» at det kan vere lurt at dei vaksne har nokre vanlege berøringsleiker i sitt leikerepertoar. Dømer til små barn

  • Bake bollar; Barnet er deig som vert rulla og elta på golvet.
  • Kile leikar; td. «Kjem ein liten rev»
  • Katt og mus; «No kjemme eg og teke deg» Jage og fange – og gi ein god klem.
  • Huskeleik; sitte på fanget til ein vaksen og huske opp og ned eller fram og tilbake, som i «Ro din båt»
Grunnen til at eg tek opp dette temaet no, er at det er oppstartstid i barnehagen. Og det å oppleve nærheit og kontakt er det aller viktigaste for små barn, særleg i situasjonar som kjennes utrygge. Derfor er det viktig å hugse på å gi dei eit fang å søke inn til, både heime og i barnehagen. 
So sagt er det oppstartstid i barnehagen, og litt travlare tider. Så eg rekk ikkje oppdatere bloggen så mykje no før ting har roa seg litt.
Har du fine berøringssangar eller regler, ikkje nøl med å skrive det i ein kommentar 🙂
-Gudrun-

Vi vil vere venner, augustsangar vol 2

haust, oppstart

Eg deler jo barnehageåret inn i sangar… (Er det berre eg som gjer det?? ;)) I august og september er barnegruppa heilt ny, og nye vennskap skal knytast. Overskrifta kjem frå min aller første haust i barnehagen, eg jobba på ei blanda avdeling (alders) og hadde stort spenn i barnegruppa. Det var ein del knuffing, og me sette oss saman og lagde «Reglar». Ein gut på 5,5 år kom med denne; «Vi vil vere venner», me skreiv det opp med kjempe store bokstavar og hengde det opp i samlingskroken <3 Bæstevenna er ein skikkeleg augustsang. Og Forut/Geirr Lystrup sin «Nei, nå ble jeg gla'» frå Omis er ein favoritt! Og Skal vi være venner? Denne lærte eg på Lærarskulen for mange mange år sidan, men no har han fått ein oppsving med NrkSuper 🙂

Fleire augustsangar kjem 😉 Har du eit tips til ein VENNE-sang?

-Gudrun-

August- og septembersangar vol 1.

haust, oppstart

Handdokke sjiraff

Det finst to typar navnesangar i barnehagen (og elles). Det er navnesangar der kvar unge får kvar sitt vers, og songar der me syng mange ungar i samme verset. I oppstartsfasen i barnehagen brukar eg mest dei der kvar unge får sitt vers. Dette er ein periode der ungane har behov for bekreftelse. Me kan dele «Kvar sitt vers»-sangane i to òg, med og utan «svar». I august og september brukar eg helst dei utan svar som desse:

Hei på deg
Hei på deg, Gudrun,
hei på deg, Gudrun.
Håpar du har det bra.
Håpar at du trivest på denne fine dag.

 

Blomster små
Blomster små, gule, blå,
titter opp av marka nå.
Vinkar til Gudrun-lill,
for ho er så snill.

No spelar me
No spelar me på ei tromme,
og når me spelar så syng me høgt
HEI HÅ.
Goddag, goddag, korleis har du det i dag?
Håpar du har det bra.

Så sender me tromma til Gudrun,
og når du spelar så syng me høgt
HEI HÅ!
Goddag, goddag, korleis har du det i dag?
Håpar du har det bra.

Når ungane er vortne litt meir trygge, er det fint å ta navnesangar der dei må gi eit svar, som desse:

 

Alle killebukkane
Alle killebukkane på haugane sprang,
spurde om Gudrun var heime.
Mamma til ho Gudrun svara…. JA/NEI
Og alle killebukkane dei vart så glad,
dei klakka seg på låre og sa hahaha

Og alle killebukkane dei vart så lei,
dei sprang inn i skogen og gjemte seg.

 

Ke’ heite du?
Ke’ heite du?
Eg heite Gudrun.
Ke’ seie du?
Å-å-å-å, du heite Gudrun.

 

Det finst eit vel av navnesangar, skriv i kommentarfeltet viss du har ein favoritt. Det kjem fleire, eg har ikkje skrive opp dei der me syng fleire ungar i samme vers.

 

-Gudrun-