Stemma di er den finaste for ditt barn, den er velkjed og trygg. Det betyr absolutt ingenting om du synger reint, det som tel er ei smittande glad stemme some er ein del av verda til barnet. Sjølv om du aldri har sunge før, kan du trygt prøve å synge for barnet, for du har den heilt rette stemma for akkurat ditt barn <3 Og ein annan ting; syng det du vil og føler deg trygg på ;) Alle kulturar brukar rytme, sang, tøysing og latter i omgang med småbarn.
Kos dykk med sang i dag <3 -Gudrun-
Eg kjøpte meg ei (haha, kven trur på at det berre var ei?? Prøv heller tre) ny sangbok att i ferien. Ei bok om ting som ikkje måtte gå i gløymeboka. Eg bladde litt i den, og begynte å tenkje på kva sangar eg «hadde» som er gått litt i gløymeboka. Eg kom på to som var skikkeleg in då eg var nyutdanna førskulelærar, men som eg ikkje har høyrt att no i den seinare tid.
Ingen av desse er det eg vil kalle favorittar for meg, men det er enkle sangar som passar godt for små barn.
Den første kan nok sikkert mange allerede, men ikkje mange som brukar den no, kanskje?
Med krøllet haleMed krøllet hale og nese vis,i bingen springer ein gris.I søla den rullar seg rundt,og trampar med alle dei fire små beinai maten sin,du store min.Å fysj, fysja meg for ein gris du er.
Det var ein gang eit troll(melodi; Napolion med sin hær)Det var ein gong eit troll som gjekk ut i måneskin.Det var ein gong eit troll som gjekk ut i måneskinn.Men så kom morgensola,og skinte ned på jorda.Og trollet sprakk og alle dyrene dei ropte TAKK!!
Dette er ein sang som eg lærde for nokre år sidan (OK, sikkert nærmare 10 😉 ) og så har eg heilt gløymt den. Rota litt i ein av sangpermane mine i dag, og der dukka han opp 🙂 Eg har laga eit ark for kvart vers, og tegna enkle illustrasjonar som penser ungane inn på kva verset handlar om. Som eg har sagt før, eg er ingen kunstnar, men det er det heller ikkje behov for, ein fyrstikktegning er god nok illustrasjon. Det skal vere enkelt og greit. Illustrasjonane fungerer som ark med tekst på for ungane, dei ser illustrasjonen og kjem på korleis verset går. Beveglesar fungerer på samme måten, viss du gjer bevegelsen litt på førehand 😉
I dag vert det ein sang av Sputnik på bloggen min 🙂 Eg høyrde mykje Sputnik då eg var liten, for broren min var skikkeleg blod-fan. Og i dag hadde verdens beste storebror gebursdag. Takk for at du alltid passa godt på jentene dine <3
Eg kjem ikkje frå ein særleg sangglad familie, men me ungane høyrde masse musikk når me var ungar, og hadde konsert på kvar einaste biltur… Merkar det no at me nok hadde veldig tolmodige foreldre!
-Gudrun-
Båt er litt kjekt, sjølv for ein innbarka daling som meg (med litt, eller mykje, bømlablod). For dei som lurer, så er bildet av båten teke på verdas vakraste øy, Bømlo <3 Når eg var liten og gjekk på søndagsskulen, sang me jo ofte sangar som eg ikkje kunne, men det løyste eg glatt med å syngje «Min båt er så liten» inni meg og gjere ørsmå bevegelsar med hendene.
Og så det siste, Krabbelure-verset, som me hadde på skjortene våre hjå virrevapp denne våren, det er det Ann Kristin som har komme med forslag om.
Krabbelure
Nede i vannet der bur det tre krabber,
Krabbefar og Krabbemor og vesle Krabbelure.
Blubb! seier Krabbefar.
Blubb! seier Krabbemor.
Men den vesle Krabbelure ligger der og sover.
-Gudrun-
Boksar.
Eg er glad i boksar, så her kjem eit barnehage-tips, evt eit heime tips for dei som ikkje likar bøker. For ganske nøyaktig 15 år sidan, var eg ferdigutdanna førskulelærar, dessutan er eg samlar av rang, så eg har etterkvar litt utstyr å velge mellom. I ein del år har eg jobba med spesialpedagogikk, og der kom idèen om boksar dukka opp. Eg skal ikkje påstå at eg har funne det opp sjølv, men eg føler likevel det er litt Mitt 😉 Det starta med ein pose eller boksar med diverse ting oppi, og har no enda opp i ein boks med «Gudruns munnmotoriske krumspring» som er fyllt med munnmotorikk. Den er fyllt med munnmotoriske aktivitetar, som eventyr (Herr Tunge, Trollkjerringa som vasker huset osv), sangar (td. MÆ sa ein liten grøn frosk) og andre munnmotoriske øvelsar. Eg har ein auditiv boks, fyllt med lytteaktivitetar. Og mange fleire…
Viss barnet ditt ikkje likar å lese bøker, er ein boks eller ein pose eit godt hjelpemiddel for å få i gang ein samtale. Putt oppi noko spennande, ta det som interesserer barnet ditt akkurat no, så trekker de opp forskjellige ting og pratar om det. Ikkje still spørsmål, det er ikkje noko intervju, prøv å få i gang ei samtale, der de pratar saman. Det er forøvrig òg eit godt tips viss ungen din ikkje fortel noko frå barnehagedagen/skuledagen; prøv å få i gang ei samtale ved å fortelje kva du har gjort i dag, i staden for å stille spørsmål.
Nyt sommaren <3 -Gudrun-
Og der prøver eg meg på å legge inn bilder på bloggen òg 😉 Eg og jenta mi på 9 år (i fjor) gjekk med kvar vår mobil og tok naturbilder tur-retur barnehagen i fjor sommar.