Alle innlegg av Gudrun

Dyr, dramaforløp, troll og slikt ;)

drama, dyr

Eg har skrive om dyr før, om sauer, edderkoppar, røysekattar m.m. Blant mine 2-3 åringar på jobb, er det «Ford Escort»-sangen som er hit’en for tida, men me har ikkje gløymt «Jeg heter Mikkel Rev» heller 😉

Krokodillesangen er ein annan hit blant 2-3 åringane no for tida, hugsar ikkje om eg har delt den før, men her er den igjen. Dette er ein bevegelsessang, og dei fleste veit vel kor glad eg er i slike 😉

Krokodillesangen
Nyss så møtte eg ein krokodill’
som køyrde rundt i ein bil.
Han var so tjukk og fe’t,
han blåste i trompe’t.
Men bilen var for trang,
og halen var for lang,
so den fekk ligge på eit lite laste plan.
Denne sangen trudde eg ikkje var ein kjent barnesang, eg har berre høyrt han i ein barnehage (bortsett frå dei eg har spreidd han til, sjølvsagt), men ein vikar eg har med meg no, hugsa songen frå då han sjølv gjekk i barnehagen!
Forrige veke hadde me besøk av 2.klasse studentar frå barnehagelærarstudiet, desse hadde ein ganske genialt dramaførløp med oss, og la meg no forklare kvifor dette var så genialt.
Jau, dette var jo små ungar, og studentane var fremmande vaksne, men dei hadde valgt ut ein sang, ukjent for ungane, men ein klassikar for oss vaksne (Hompetitten) Det første geniale trekket; me andre, kjende vaksne kunne hjelpe dei å dra i gang.
Genialt trekk nr. 2; dei hadde laga bevegelsar til sangen; supert! Og genialt trekk nr 3; dei brukte kun denne sangen, og sang den oppatt og oppatt.
Dei dramatiserte sangen, og brukte få og enkle kostymer, slik at dei ikkje vart totalt forandra, men fortsatt var gjennkjennbare, likevel var dei inni andre rollar.
Dessutan trekte dei ungane inn i samlinga, ved å gi dei oppgåver. Ein ting som er viktig å hugse på i den forbindelse, er at alle må få prøve, også dei som brukar litt tid til å tø opp. Sjølvsagt ikkje viss dei ikkje vil, men pass på at dei tøffaste ikkje overkøyrer dei litt meir forsiktige.
Eg har ofte brukt drama saman med ein annan vaksen og 2-4 avdelingar frå 1-6 år, bl.a. har eg dramatisert favoritt eventyret mitt Storetroll og vesletroll Det er vel antakeleg det artigaste eventyret eg veit om! Då har me passa på at kostymene er enkle og «gjennomsiktlege», og vist ungane at det berre er oss. Eventyr om troll kan jo vere skummelt, iallefall viss kostymene er skumle. Ein hatt på hovudet, eller ei pute på magen er greit nok. Til geit brukte me berre ei leikegeit, den største me hadde, men likevel er den liiiiten (slik plastdyr) Men ungane skjønnar tegninga, og ei plastgeit funker som fjell. Ein stol vert til ei fjellhylle og alle er i ein magisk verden. (Til alle som jobber med meg; berre vent til reprise på Storetroll og vesletroll frå meg og Anne Kristin til hausten!! Det vert gøy!)
Merkeleg dette her, dette skulle vere ein post om dyresangar, men det vart visst ikkje det lell. Men fleire av favorittdyresangane mine finst allerede på bloggen, det er berre å søke.
Har du eit favoritteventyr, eller eit tips til dramatisering du vil dele? Har du kanskje ein favorittdyresang? Del med oss andre då vel!! 
-Gudrun-

Fleire blomar

salmar, vår

Det har ikkje komme noko særleg blomar på Lauvhaug no heller, men snøen syng på siste verset. Takka vere alt regnet me har hatt siste veka 😉 Veldig sytete å snakke om regn, me som har hatt tidenes flottaste vinter, med klart og kaldt vær. Me trengde vel egentleg regn no.

Eg og 8 åringen min har øvd på Prøysen sin April-sang i kveld.

Den siste snøen som finst i skaret,
den tiner jeg, for jeg er april.
Jeg gir deg blåveis i bekkefaret,
og regn og solskinn og mere til.
Men som eg har avslørt tidlegare, er det ikkje dette som er min favoritt Prøysen-sang. Det er og blir Puslegrisen. Viss du ikkje kan den, lær den! <3
Birte og Jan Sivert kom med forslag om «Ein fin liten blome i skogen eg ser» på Facebooksida til bloggen. Det er ein så fin og god sang å synge, tykkjer eg. Sjølv om eg berre har sunge den i triste anledningar. Det er ein vanleg gravferdssang her, og den passar som oftast veldig bra til den som har gått bort.
Ein fin liten blome i skogen eg ser,
i granskogen diger og dryg,
og vent mellom mose og lyng han seg ter.
Han står der så liten og blyg.
Sei, ottast du ikkje i skogen stå gøymd
der skuggane tyngja deg må?
Ånei, for av Herren eg aldri vert gløymd,
til ringaste blom han vil sjå.
Men ynskjer du ikkje i prydhagen stå,
der folk kunne skoda på deg?
Ånei, eg trivst best mellom ringe og små,
eg føddest til skogsblome, eg.
Ein dag vil den stormande vinter deg nå,
då vert det vel dødsdagen din?
Då kviler eg lunt og har snøkåpa på,
til vårsola kysser mitt kinn.
Ein annan av mine (mange) vårsangfavorittar, og som fleire av Facebook-likarane kom med forslag om, er Den første løvetann (Eg har starta lobby verksemd for å få Alf Prøysen inn som forfattar for neste barnehageår 😉 ) Men når eg tenkjer meg om, har eg vel vore lobbyist for lokale sangskattar òg…hmmm, kva skal «eg» velgje 😉

Eg fekk òg forslag om Bed of Roses. Den passa jo fint, sidan Bon Jovi er eit av mine favorittband 😀 For å nevne fleire av mine favorittar, så var Smokie mitt favorittband i oppveksten, eg kjøpte alle KASSETTANE!! 😉 Og Guns n’ Roses, sjølv om det helst var søstra mi sitt favorittband. Men eg har nemt det før, eg kan òg alle Sputnik-sangane, for der var broren min blodfan!

Her er min Smokie favoritt; My Woman (Og ja, eg VEIT at den er frå 1975, men alt som kom det året var bra, inkludert underteikna 😉 )

No syng me på siste strofane av Vårvisa, i morgo er siste dagen i april. (Men eg er ikkje framand for tanken om å syngje aprilsangen vår vidare heller, eg altså, det er jo Egner-favoritten min)

Eg elskar å få kommentarar og tilbakemeldingar, så ikkje nøl viss det er noko du vil seie til meg.

klem-
-Gudrun-

Blomar

dyr, gamle sangskattar, vår

Egentleg passar det framleis best med snø her hjå oss, blomane ligg gøymd under snøen. Men eg ser på kalendaren istaden for å sjå ut stoveglaset, og då passar det bra med blomar.

Ein vårsang, som ikkje handlar om blomster, men likevel er ein av mine vårsangar er denne;

Gauken
Gauken, gauken, klukkar og ler.
Høyr kor det ljomar,
snart er det somar.
Våren, våren, våren er her.
Men min absolutte favoritt vår/sommarsang sang, er «Hysj, kan du høyre» frå Portveien. Eg prøvde meg på google, men fann berre den bokmålske varianten. Sangen er omsett til nynorsk, og finst i den sangboka med spiralrygg. (Skal sjekke kva ho heiter) Eg dristar meg iallefall til å skrive nynorskvarianten her:

Hysj, kan du høyre
Hysj, kan du høyre, graset gro?
Hysj, kan du høyre ein meitemark som lo?
Hysj, kan du høyre ei bille sin song?
Då skal du seia kvar einaste gong;
Hei alle insekter, alle små dyr, 
alle som krabbar og kravlar og kryr,
eg er eit menneske og eg er snill,
ver i min hage so lenge du vil.

Eg spurde på Facebook-sida om forslag til blomstersangar, og eg fekk mange gode forslag!!
Cathrine foreslo Mai-vår, som er ein flott vårsang, som har drukna litt i Blomster små. Eg velger å gøyme denne til i mai, men har bestemt meg for å bruke denne i år. Den fortjener å komme framatt framom Blomster små!
Blomster små,
gule blå,
rundt omkring på marka står.
Vinkar til
Gudrun-lill,
for ho er så snill.
Det er ein søt navnesang, som små barn likar godt.
Else-Maria og Maria kom bl.a. med forslag om denne;

Bind deg ein blomekrans,

kom så til leik og dans,

fela ho læt no så vakkert i lund.

/: Sit ikkje stur og tung, syn at du og er ung,

veks fri som fagre lyng, dans no og syng. :/


Maria kom òg med forslag om Blåveispiken og den fekk meg til å tenkje denne. Eg og søstra mi sang denne for full hals på kvar einaste biltur i oppverksten. Eg fattar ikkje at foreldra våre holdt ut!
Mor, å mor
hvor skjønne små blåveis
vokser her,
og hvor de er vakre der de står,
midt i alt det grønne
den blåe fargen er,
mor, hun smiler,
for hun skjønner det er tegn på vår.
Ein annan «for full hals» sang som me pledde synge er denne;
En liten pike,
på en fem-seks år,
så jeg i parken, 
der jeg turer går.
Da hun fikk se en svale,
jublet hun så glad,
jeg ble så rørt da så den lille sa.
Fly lille fugl med små vinger som du har… osv

Det kom fleire forslag til blomstersangar, og ikkje ver redd, eg har ikkje gløymt dykk. Men fann ut at det var best med to blomsterpostar 😉
Eg trur eg har nemt det før, men me var iallefall tre søsken, søstra mi som er 2,5 år yngre enn meg og storebroren vår som var 6 år eldre enn meg, og så har me då sjølvsagt ei mamma og ein pappa. Broren min var veldig musikkavhengig, og det var nok han som innførde Frem fra glemselen for oss. (Der desse to siste sangane var henta frå). Elles gjekk det mykje i Sputnik og anna norsk musikk. Og alle som har snubla innom bloggen min, veit jo at eg er litt over middels sangglad. Søstra mi er òg veldig glad i musikk, om enn ein litt anna tilnærming enn meg, som druknar i barnesangar. Berre slik at du skal få litt innblikk; ho skaffa oss billettar til den første Guns n’ Roses konserten som var for nokre år sidan, og den vart veeeeldig raskt utseld. Men den SKULLE ho på! I allefall, me gaula og sang då me var ungar (og nokon av oss gjer det fortsatt), og du reknar sikkert med at mamma og pappa også sang masse med oss. Vel svaret er nei, slett ikkje, eg har aldri opplevd at dei har sunge til meg, dei er rett og slett ikkje sangfolk (men veldig gode foreldre altså, men sang- og musikkinteressen har me ikkje arva derfrå). Me lærte sangar frå kassettane (jadå, i gamle dagar) til broren vår, og det funka som fjell. Og moralen er; Du må ikkje synge for barna dine for at dei skal verte glade i sang og musikk, men gjer det gjerne, for det er veldig moro. Og ungane bryr seg ikkje om kor reint du syng! (Eg syng som ei kråke, men eg syng likevel, hender nokre vaksne klagar, men eg har aldri opplevd at ungane gjer det.)

Eg har plass til fleire blomstersangar, så ver ikkje redd for å komme med forslag <3 -Gudrun-

Beklagar…og tusen takk!

gamle sangskattar, salmar, vår

Beklagar så mykje at mine førehandslovte bloggpostar ikkje kom i mars! Planen for mars var påske og nytt liv/vårsangar.

Første veka i mars gjekk egentleg over av seg sjølv, utan tanke for blogging, eg hadde jo heile månaden føre meg. Og så kom andre veka i mars, la meg illustrere med ein sang;

Går du på glattis
 og faller min venn,
le med dei andre
og røys deg igjen.
Eg skulle på jobb, hadde tidleg-tidlegvakt, og skulle opne to avdelingar. Det hadde komme 5-10 cm med nysnø, sikkert pudder som skikøyrarane likar så godt, og under var det klink is, og umogeleg å sjå kvar det var trygt å gå. Ned til barnehagen er det ein bratt bakke, og det gjekk som det absolutt ikkje burde gå, og som eg absolutt ikkje hadde tid til; eg datt, og virkeleg klakka bakhovudet hardt ned i isen. Vel det var den veka, eg klarte ikkje å sjå på pc’en lenge nok til å få skrive eit blogginnlegg ein gong. Fekk prøve meg inni ein slik klaustrofobi-kasse som tok røntgen av hjernen min og alt. Aldri prøvd det før eg, spennande 😉 Vel det er iallefall unskyldningen for andre veka. Og dei to siste, vart tilbrakt på Gran Canaria. Så mars berre flaug vekk som ein vind.
Påsken er, utan tvil, over, så det vert ikkje påskesangar på bloggen dette året. Men det hadde nok vorte nokre kylling sangar og eit par påskesalmar. Eg er ikkje spesielt religiøs, men eg er glad i å synge påskesalmar, eller salmar generelt. Dei er så gode å synge, du kan trøkke i, og det høyres fint ut. Eg trakka mine første skuleår på ein grenda skule frammi Dalen, der me alltid sang salmar i starten og slutten av dagen. Og dei tre neste åra, 4.-6. klasse, fekk eg òg ein sangglad, for ikkje å seie salmeglad lærar. Salmar er ein del av oppveksten min, rett og slett. Eg gjekk jo i tillegg på søndagsskule frå eg var halvtanna år til eg var ca konfirmant eller nokon slikt, samt gjekk i det kristelege barnekoret me hadde frammi Dalen, Miniklang. 
Når det gjeld vårsangar då, så er det framleis tid. Me reiser ofte til sydlegar strok rundt påske, og kjem alltid heim til omtrent snøfri plen og vårstemning. Men i år då, så hadde dei fantastisk påskevær her heime òg, sol og skyfri himmel. Det einaste som skilte Gran Canaria og Indre Sogn var temperaturen, som låg 40-50 grader høgare på Gran Canaria. Med andre ord hadde dei ein flott og sol rik påske, men den låge temperaturen gjorde at det ikkje akkurat smelta noko særleg med snø. Tunet og plenen er snø og isdekt framleis. I går hadde eg på meg broddar (!!!! Har lært ja!!!) når eg henta posten.

Så vårsangar kjem nok godt med sjølv om me skriv april. Eg skriv opp første verset av månadssange vår for april. Ein sang som eg tvinga gjennom i august. Lat oss seie det slik, me har fire avdelingar i barnehagen vår, og assistentane og fagarbeidarane fekk i oppgåve frå styraren å velge månadssangar frå forfattaren «vår», Thorbjørn Egner. Berre at dei fekk to ark med forslag, eit frå styraren og eit frå underteikna… Jepp, det var iallefall ei enkel oppgåve for dei, dei måtte berre samanfatte dei to listene frå dei to ganske bestemte damene. Eg la iallefall ned veto; i april SKAL og MÅ månadssangen vere «Vårvise». Og ingen torde å motseie meg, så slik blei det.
Eg skriv den slik eg lærte den dei første åra eg jobba i barnehage, eg jobba med ein sangglad assistent, Evy Ann, som lærte meg mange flotte sangar.
Vårvise
Eg gjekk meg ut i skogen
ein vårdag i april.
Og på ein liten stubbe,
tok eg meg ein liten kvil.
Eg sat der musestille,
og høyrde våren spille.
Det klukka mellom stein og strå,
og tusen bekkar små,
og lerka sang så glad og fri,
høgt oppe i det blå.
Tilbake til den først sangen, den om glattisen. Det er ein oppvarmingssang som eg lærte på Kan-ikkje-syngje-koret. Det er lurt å varme opp stemma! Flott sang! Som alle ungar likar!
Og, dette vart jo berre beklaginga.
TAKK var fordi sjølv med få oppdateringar og lite spennande aktivitet på bloggen denne månaden, er den like mykje besøkt som vanleg! Tusen takk for at de leser om sangskattane mine sjølv om eg hadde ein dårleg månad! De er dei beste!!
Kom gjerne med forlag på dine vårsangar, og sangar om blomster og dyr, som egentleg står på planen for april.
<3 
-Gudrun-

Endå ein ekstra post ;)

tankespinn

Eg har student no, spennande og ganske nytt for meg, tiltross for 16 års fartstid i barnehagen. Har hatt jobbar som ikkje har passa saman med student-rettleiing. Dei to første åra eg jobba, hadde eg deltidsstillingar i to forskjellege barnehagar. Dei neste tre åra, var det heller ikkje rom for rettleiaroppgåver pga forskjelleg. Og så vart det mange år med spes.ped., men no er eg pedagogisk leiar på den vesle, fine gruppa mi, og har då altså fått meg student 😀

Og då må eg jo lese meg opp litt, og kom over dette i Temaheftet

Eg skulle ha skrive kor eg hadde henta det frå, men det gjer eg altså her 😉 Det var eit fint sitat, som passa utruleg godt til bildet av mi eldste og min yngste. Kva er vel bedre enn å ha verdas beste storesøster? Her er ho åtte år, mens broren er nyfødd. Framleis er ho verdas beste storesøster til denne vesle broren, sjølv om han no snart er tre år og kan irritere ein gråsten 😉

Ha ein fin kveld!

-Gudrun-

Bilder, kurs og slikt ;)

tankespinn

Eg har teke eit online kurs, og driv framleis å jobbar med det, som heiter Skap din drømmejobb Det er ein lærerik og utviklande prosess, som stadig presser meg ut av komfort sona. Målet er jo då sjølvsagt å skape sin eigen draumejobb. Eg er ikkje kommen så langt endå, men det er takka vera Skap din drømmejobb at eg har begynt med blogging. Og om det ikkje vert draumejobb ut av det (for eg har egentleg ein draumejobb allerede, i kommunen som pedagogisk leiar), så håpar eg at eg tilfører «verda» noko, opnar opp fleire auger for morosame barnesangar og det å bruke seg sjølv for det du er verdt i samhandling med barna.

Vel, gjennom SDD har eg vorte kjend med ei mengde kule gründerdamer, og nokre menn, og lært masse nytt då, veit du, blant anna var det «in» å lage slike flotte bilder med tekst som vert delt på facebook Så her er mine første spede forsøk 😉

Eg driv og les ei bok av Dale Carnegie, og har henta den viktigaste leveregelen derfrå. Det er lett å tenkje at dette er Jesus sine ord, men i følgje Carnegie, er dette ein regel som mange har snakka om lenge før Jesus tid, Zarathustra, i Persia for 2500 år sidan, Konfucius, i Kina for 2500 år sidan, Lao-Zi, grunnleggaren av taoismen, Buddah forkynte det på bredden av Ganges. Og det er jo den finaste og vikigaste leveregelen me kan ha!!

Måtte nett ta med sauene og Bæ bæ-sangen som eg og ungane i barnehagen laga for meir enn ti år sidan 🙂 Improvisasjon er topp <3

Thorbjørn Egner og Kardemommebyen har jo òg den samme leveregelen som omtala over her!!

Og heilt tilslutt favorittsitatet mitt frå Hakkebakkeskogen!! «Man kan ikke dø av det heller» Ubetaleleg!! Og sant! Eg, lærlingen min, studenten min og dei 8 fantastiske 2-3 åringane mine gjorde ein super prestasjon som revar i dag! No har me hatt finalen, og Hakkebakkeskogen-perioden er over for denne gongen, eg kjem til å sakne det litt, men eg virkeleg klar for nye ting no, etter ein månad med veldig intensiv Hakkebakke-fokus 😉

Vart ikkje sang i dag, men ein liten ekstra post, ut av det blå. Og i dag er det den store kompliment dagen, hugs å gi skryt til dei som fortjener det <3 Og viss du finner noko å beundre hjå dei du føler ikkje fortjener det, så gi dei eit kompliment òg. Alle treng skryt og anerkjenning! Sender ut mange klemmar til alle på ein fredagskveld! -Gudrun-

Sol – sol

små barn, vår

Om det ikkje passa så veldig med snøsangar i januar, så er iallefall SOL sangar på sin plass no <3 Bildet er frå i går, og viser korleis me har hatt det siste veka! Me kosar oss!! Januar var tung, mørk og kald, men no er sola tilbake og varmar oss på dagane sjølv om det er kaldt på natta. Eg veit mange solsangar, t.d den som Maria nemde for meg på Facebook-sida til bloggen; «Viss eg fekk verra sola di» og «Soltrall«, Alf Prøysen sin klassikar. Men desse er jo opphavsbeskytta, så eg vil ikkje skrive ned teksten før eg evt. får lov.

Ein sang eg skal lære meg, er Skin på meg sol. Ungane har hatt den som vekessong på skulen, men eg har aldri heilt lært meg korleis den er, men det er ein sang eg likar. (Jepp, det vart ein rar setning, og gav vel ikkje meining i det heile, men eg skal lære meg denne sangen når eg får sjansen…) Eg kan den nesten 😉

Skin på meg sol
Skin på meg sol,
skin på min arm,
skin på mi hand,
sol gjer meg varm.
Skin på meg sol,
skin i denne stund,
skin på mitt auge, mitt kinn og min munn.
Sola er god
Sola er god,
sola er toppen.
Sola er varm
og ho brunar på kroppen.
Sola som skin her,
kvar morgon for meg,
sola i Sogndal er best, tykkjer eg.
Sol, sol
Sol, sol, kom igjen.
Sola er min beste venn.
Vekk med sky og paraply,
hald no opp med regnet.
Sol, sol, kom igjen,
sola er min beste venn.
Varm meg her og varm meg der,
og varm meg alle stader.
Det finst mang sol sangar, lovsangar til sola. Og dette er berre eit lite knippe. Kva er din favoritt sol-sang? Er du glad i sola? Eller likar du best mørk vinter?
Eg må innrømme at eg er veldig glad i sol, men endå meir glad i månen! Eg er ikkje nattperson i det heile, men ingenting er så vakkert som månen på klar himmel. Eg vert heilt trollbunden!
Kos deg i sola, som eg håper varmar heile landet no i kalde vintermånadar. Kommenter gjerne i bloggen, kjekt å høyre kva du som er innom meiner. Og takk for at de jevnleg besøker bloggen min sjølv om eg no berre oppdaterer to gonger i månaden. Kjekt å sjå at bloggen vert besøkt <3
-Gudrun-

Karneval :D

dyr, kreativitet, vinter

Det er karnevalstid, og det betyr sambarytmar!

Min favoritt sambasang, som var gjengangar kvar einaste februar i mange år (dvs mens eg jobba 100 % som ped.leiar og bestemte alt sjølv 😉 ) er denne danske favoritten frå lærarskuletida.

Byen er måla

Byen er måla raud, gul og grøn og blå.
Alt det triste og grå,
har fått farge på.

Kvifor er byen raud,
gul og grøn og blå.
Kvifor har alt det grå,
no fått farge på?

Jo,
for det er karneval i gatene,
solskin på fasadene.
Heile byen vil danse,
all trafikken må stanse.

Dei dansar på fabrikkane
og inne i butikkane.
Heile byen vil danse,
er ikkje til å stanse.

Ba-barab-ab-bababa osv…
improvisasjon

Ein annan sang, som passar godt i desse karnevalstider, er Giraff-sangen. Denne sangen går ikkje an å synge utan at me dansar….
Giraffen Laffen
Giraffen Laffen, gir alltid blaffen,
i om det er fløyte nok i kaff’en.
Giraffen Laffen, sa sist eg traff’an
KARAFELL VAFF
Tjo og hei på deg gamle ven,
tiddeli tuddeli, smått om sen.
Rumba, samba og så ein vals,
sjå no eg syng her av full hals:
Improvisasjon
Kva er dine favoritt karneval- og samba-sangar? Kva forhald har du til karneval? Moro? Pes? Kler du deg ut? Korleis er det å levere barna denne dagen? Har barnehagen din/barna dine sin barnehage tradisjonelt karneval?
Tok verkeleg av med spørjinga i dag, men eg er veldig interessert i temaet. 😉
Kan fortelje korleis det er her hjå meg og sonen min. Sonen min sin barnehage hadde eit vanleg, tradisjonelt karneval i dag, der ungane fekk velgje sjølv kva dei ville vere. Eg spurde om gutungen ville vere prinsesse, men han svara resolutt at han skulle vere Tantein Ta-el-ann. Noko som gleda meg stort, sidan storebroren allerede hadde sjørøvar-kostyme. Eg gløymde å ta med i betraktningane at storebroren på snart 8 slett ikkje var interessert i å låne vekk kostymet sitt til veslebroren på 2,5… (Kostymet var litt for stort til to åringen og alt for lite for åtte åringen.) Etter visse overtalelsar fekk han låne kostymet og vart ein glad og fornøygd Kaptein Sabeltann.
I min eigen barnehage, jobbar me med Hakkebakkeskogen no. Me skal ikkje ha tradisjonelt karneval, men jobbar med å lage kostymer i barnehagen. Eg og gjengen min skal vere Mikkel Rev (for dei som ikkje veit det… 😉 Mulig eg har nemd det tidlegare…)
Håpar du hjelper meg å lage litt engasjement på temaet, anten i kommentarfeltet eller på Facebooksida mi. Eg har med vilje ikkje sagt noko om kva løysning eg tykkjer er best 😉
Ha ein flott dag, i dag er det Valentinsdagen, så eg burde jo teke med nokre kjærleikssangar, men… Det vart sambarytmar i standen for. Eg har plass til fleire samba- og karnevalssangar.
-Gudrun-
PS; bildet hadde ikkje noko med karneval å gjere egentleg, men er eit bilde av ein smilande bolle 😉 Have fun!

Snø

vinter

Eg veit ikkje korleis det er elles i landet, men her er det ikkje så voldsomt mykje snø akkurat. Det er så vidt kvitt, men heller ikkje meir. Til gjengjeld er det styggkaldt, vore rundt -10 lenge no.

Men min plan seier Snøsangar, så då vert det snøsangar uanlell 😉

Eg gjekk tur hin dagen, oppover ein times tid, der fann eg dette flotte motivet <3 Nedatt gjekk det eit kvarters tid, med livet som innsats, på rompeakebrett. Heilt åleine, vaksne dama. Moro var det, sjølv om det rista som berre pokker i "hestaspori" (les turvegen min er ein ynda turveg for hestar òg) Så dagens treningsanbefaling i sangbloggen min; ta med rompeakebrett eller anna akebrett, og ha det moro ned att ;)
Som eg har fortalt på Facebook-sida mi, er favoritt snø sangen min «Kom vesle kvite snøfnugg» Sangen er omsett til nynorsk tidlegar, men eg prøver meg med ei ny omsetting, som held seg litt nærmare bokmålsvarianten. Etter ei lita google-økt, fann eg ut at sangen var dansk (eg såg ikkje den komme!!) Men sjølv om eg no har uttrykt undring over at danskane har laga ein SNØ sang, så kjem mange av mine favorittar (som er langt over 100 sangar)frå Danmark.
Kom vesle kvite snøfnugg
(mi oversetting)
Kom vesle kvite snøfnugg
og set deg på mi panna.
Fortel om alle stjernene
og om dei fjerne landa.
Kom vesle kvite snøfnugg 
og hels på mine hender.
Fortel om kor du kjem i frå
og kor di reise ender.
Kom alle kvite snøfnugg
kom ned, kom ned på bakken,
så eg kan senda storebror
ein snøball midt i nakken.
Eg har åtte 2-3 åringar i barnegruppa mi, og alle åtte er småsøsken. Eg treng vel ikkje fortelje at alle sammen tykkjer det er stas med snøballen 😉 Versjonen vår er «Kom vesle kvite snøkorn» Men neste vinter vert det denne nylaga versjonen som skal innlærast 😉
Ein annan snøsang, takk til Vibeke på facebooksida mi for forslag, er Snøgubber, snøgubber. Det er ein artig bevegelsessang, og eg treng vel ikkje seie at eg likar bevegelsessangar 😉
Snøgubbar, snøgubbar
Me er små snøgubbar, bom fallera,
snøgubbar, snøgubbar, bom fallera.
Me likar oss best når me fryser og fryser,
rett som det er kan det hende me nyser
-aaaaatsjo
Me er små snøgubbar, bom fallera,
snøgubbar,snøgubbar, bom fallera.
Me likar oss minst når me smeltar og smeltar,
rett som det er kan det hende me veltar.

Eg er veldig glad i Alf Prøysen, han har òg ein snøsang, eller ein snømannsang, Bustebartepinn Eg har aldri brukt den sjølv i barnehagen, så vidt eg kan hugse, men vil likevel nevne den 😉

Har du fleire snøsangar? Del dei gjerne med meg og lesarane! I barnehagen syng me i tillegg til snøkorn-sangen «Det snør, det snør» og «Huttetu so kaldt det er». (Og ein til, men den klarer eg berre rett og slett ikkje å komme på…)
Kos deg resten av vinteren <3
-Gudrun-