Meire eple

haust

I oktober passar det godt med epler. I barnehagen vår skal me plukke eple på fredag, og lage syltetøy som me skal selgje til inntekt for Forut. Så i den forbindelse har eg leita etter fleire eplesangar.

Denne snakka me om på pauserommet (om me er dedikerte i jobben?? Klart det!!)

Nede i vår hage
(Napolion med sin hær)
Nede i vår hage, der står eit epletre,
å nede i vår hage, der står eit epletre,
ånede i vår hage, 
å nede i vår hage,
å nede i vår hage der står eit epletre.
Me skal plukke eple i to raude spann,
å me skal plukke eple i to raude spann,
å me skal plukke eple,
å me skal plukke eple,
å me skal plukke eple i to raude spann

Og her er endå ein;

Eple
Eg har eit lite eple,
som eg har fått av mor.
Der inne er eit frøhus,
der ti små frøbarn bur.
I kvart eit rom i huset,
to frøbarn kvile får.
Der ligg dei fint og drøymer
om sol og lys og vår.
Me skal jo ha eple som tema, så då må me fylgje opp med sangar, ikkje sant?? 😉
Og så tek eg med ein plommesang som eg hugsar frå min eigen barndom/tidleg skulegang;
Plommer
Viss du eige tusen plommer,
kan du ete heile året.
Har du hol i dine lommer,
kan du klø deg sjølv på låret.
Eg har korkje tusen plommer,
eller hol i mine lommer,
men eg har eit godt humør 
og eg klør meg når eg klør.
Har du andre frukt- eller grønsakssangar som du vil dele, så ikkje nøl :))
-Gudrun-

.

Tal

samlingstips

1, 2, 3 – tal omgir oss over alt. Her i familien, har me ein 10 åring som gjer ALLE matteleksene på måndag, slik at ho er ferdig med det, og ein 7 åring som svarte på 3. klasse spørsmål når han gjekk i barnehagen. I barnehagen sniker me inn litt tal med toåringane våre med å telje kor mange vaksne som er der, kor mange ungar som er der og å telje til tre før me syng. (Me har forresten hatt foreldremøte i dag, og me fekk tilbakemelding på at ungane sang masse heime, YUHUU!!)

Kor me enn snur oss, møter me tal. Barn som leikar med tal lærer seg å stole på dei. Bruke dei. Nyfikenheita er medfødt, og du lærer aldri så fort og så mykje som du gjer i årene før du byrjar på skulen. Å lære om tal og teljing gjennom lek, gjer barnet kjent med tala – og trygg på dei før skulestart. Og guess what?? Eg kan nokre talsongar!! (BOMBE!!)

Indianarsangen
Ein og to og tre indianarar,
fire, fem og seks indianarar,
sju og åtte og ni indianarar,
ti indianarar små

Alle so hadde dei fjær på hovudet (håve)
alle so hadde dei pil og båge,
alle so var dei so stolte og krye,
for bamsen skulle dei ta.

Hysj, der høyrde eg noko som braka,
hysj, der høyrde eg noko som braka.
Der kjem bamsen so stor og diger,
kom la oss skunde oss heim.

So vart da ti og ni og åtte indianarar,
sju og seks og fem indianarar,
fire, tre og to indianarar,
ein indianar igjen.
Han var ikkje redd for den store bamsen,
han tok og skaut han og bums der falt han.
So tok han med seg heile hamsen,
og so gjekk han heim til dei ni.

So vart da
Ein og to og tre indianarar,
fire, fem og seks indianarar,
sju og åtte og ni indianarar,
ti indianarar igjen.

Min versjon, syng den med INNLEVELSE. Eg oppdaga det på jobb i dag (eller det er ikkje noko nyoppdaging, men fekk ei påminning), du må vere tilstades for å nå alle ungane, straks dine tankar vandrar til andre ting, forsvinn ungane si merksemd. Du må vere med sjølv, vere levande, energisk og leiken, sjå alle ungane og hanke dei inn med blikket. Du må vere der, her og no!

Ingebrikt Davik, igjen, har sangen Telja til ein og telja til to, ein morosam sang dersom ein høyrer på teksten 😉 Høna går ikkje med strømper og sko, liksom?? Telja til fem og telja til seks, er du eit troll, blir du gift med ei heks. Morosamt og spennande å synge! Og litt småskummelt.

7 åringen lærte ein 10ar sang på skulen no i 2. klasse.

Ti’ar venn sangen
(Tyven tyven)
Ein og ni er ti det ser du.
To og åtte like så.
Tre og sju, ja berre le du,
fire og seks skal saman stå.
Fem og fem er ti,
alle saman vi,
rekna kan til ti,
og vi skal flinke bli.

Det finst mange flotte talprodukt hjå sjarmtrollparty forresten, eg likar godt aktivitetskorta, med tal og bokstavar, der ein kan skrive med whiteboard penn på! (Skal få teke bilete)

Sjå etter tal rundt dykk i kvardagen, hadde me klart oss utan? Me er ganske avhengige!

-Gudrun-

Epler, nye haustsangar ;)

bevegelsessang, haust

Sler eit slag for Paint att i dag 🙂 Illustrasjonen er kjapt teikna med det enkle gratisprogrammet som ligg og ventar på deg inne på maskina di 😉

Dagens tema er Eple-sangar. Det passar perfekt til hausten. Vart inspirert av minstemann på 2 år, som fekk heilt dilla på Høgt i eit epletre i dag

Høgt i eit epletre
Høgt, høgt, høgt i eit epletre,
kiker to små epler ned.
Eg ristar på treet so hardt eg kan,
ned fell epla.
Nam-nam-nam.
Her ligg den vaksne på golvet, med knea opp og ungen oppå leggene, mens «eplet» kiker ned, og vert rista ned og ete opp (=sussa på kjaken). Lenge sidan me har sunge denne sangen, som me har lært på Baybsang på Armeen, og Minsten likte den veldig godt! Eg måtte òg ta to rundar med 7 åringen, som er stor, lang og tung, til glede for både den store og den vesle broren. (Men då vart eg fort sliten, ja!)
Men det finst fleire eplesangar, denne har me plukka framatt på jobb, får litt morgonstrekk på kjøpet;
Epler og pærer
Epler og pærer,
dei vekse på træet.
Når dei vert modne,
so dette dei ned.
Stekke seg etter epler og pærer, og falle ned på golvet. Syng den mange nok ganger og du har fått deg ei fin trimøkt 😉
Og her kjem endå ein Armè sang, med rørsler (Eg kan skrive opp rørslene dersom nokon ønskjer det)
Epletreet i hagen
I hagen står eit epletre,
med fullt av blomar som du ser.
Der byggjer fuglane sitt bu,
og søv der trygt og godt i ro.
Så hender det ei stille natt,
der kjem det fram ein svolten katt.
Og skremmer fugle mor og far,
so godt at fuglar vinger har.
Siraland
Ro ro til Siraland.
Femtan kake og fira mann.
Dao dei kom ti’ Siraland,
aott’ikkje dei ein matagrand.
Eple, pære og plomme,
putta dei i lomme.
Måtte nett ta med Siraland-sangen òg, sjølv om eg har skrive den i ein tidlegar post.
Eg har lenge lurt på om eg skal begynne i kor, for eg likar veldig godt å syngje (BOMBE!!) Men så er eg veldig individualist når eg syng, eg syng sangen slik eg hugsar den, med den melodien eg hugsar, og det passar vel ikkje heilt inn i eit kor. 
Skal rote litt etter fleire eplesangar, eg veit eg kan fleire. Viss du vil hjelpe med med forslag; YOU KNOW THE DRILL 😉 På førehand takk <3
Ha ein eplekjekk kveld 😉
-Gudrun-

Oktobersangar

andre språk, haust

Oktober er ikkje heilt her endå, men det er på tide å tenkje på oktobersangane lell. Her hjå meg er det ein sang som ruler, og som alltid har vore med i oktoberrepertoaret dersom eg har fått bestemme:

Samina
Samina mina e e
waka waka e e e
samina mina sangelewa
anawa a a
Samina mina e e
waka waka e e e
samina mina sangelewa
anawa a a
Django e e
Django e e e
Samina mina sangelewa
anawa a a
Som så ofte med desse «utanlandske» sangane, anar eg ikkje kva det betyr, eg hadde faktisk ikkje peiling på kor den kom frå heller, før eg høyrde Shakira sin vm-sang 😉 Då fekk eg bekrefta at den var afrikansk i allefall, som eg hadde mistanke om. Så dei som vil ha melodi på denne, så finst den her, eller kor som helst på nettet 😉 Berre google waka waka.
Ein annan oktobersang, er sjølvsagt Lillebjørn Nilsens Barn av regnbuen, sjølv om den egentleg er vorten ein julisang no, tragisk nok. Men det er ein nydeleg sang, som fortjenar å verte henta fram i oktober.
Eg bør vel egentleg forklare litt om kva eg meiner med oktobersangar. Oktober pleier alltid handle om solidaritet i barnehagane. Grunnen til at dette er tema i denne månaden, er jo sjølvsagt FN-dagen, 24. oktober. Derfor vel eg sangar handlar om solidaritet og verdas barn, og sangar frå andre land.
Navnesanger i oktober, vert sjølvsagt Navnesangen frå Zaire, Oh Libala. Eg har skrive den i ein navnesangpost, og lurer framleis på kva sangen betyr. (Samina òg, forresten)
Ein sang me brukte på Knøttekoret i Frelsar Armeen er Hamba Nathi, morosam sang å syngje.
Hamba Nathi
Hamba nathi mkululu wethu.
Hamba nathi mkululu wethu. 
Hamba nathi mkululu wethu. 
Hamba nathi mkululu wethu. 
mkululu, mkululu, mkululu wethu,
mkululu, mkululu, mkululu wethu,
mkululu, mkululu, mkululu wethu,
mkululu, mkululu, mkululu wethu.
I Song for deg og meg står det fleire vers på norsk òg, så då får eg reklamert for ei nynorsk songbok denne gongen *hurra*
Ein ring av gull,
ein riktig stor,
med plass til alle hender.
Det er ingen som er størst,
det er ingen som er minst,
det er ingen som er først,
det er ingen som er sist.
Me held godt fast, 
så alle kjenner,
at ringen er smidd av gode venner.
Barnehagane eg har jobba i, har samarbeida med http://www.forut.no/ Dei har alltid mange flotte sangar!
Har du fadderunge? Me har ei jente på 10 år frå Somaliland. Ho er fødd 3 dagar seinare enn vår 10 åring. Stas! Det kostar jo ikkje so mykje, men det betyr mykje for «jenta vår» <3
-Gudrun- 

Gebursdagssangar

foreldretips, gamle sangskattar
(Bursdagspirat <3)

Vart inspirert på facebook i dag… Voksne skaper vennskap er ein viktig film som alle vaksne bør sjå. Det er uhyre viktig å inkluderer alle, og å sjå det einsame barnet!!

Men eg tenkte å lage ein gebursdagssang-post (pluss å drive litt vaksenopplæring; Det er DITT ansvar kven de inviterer i selskapet, dette skal IKKJE ungen bestemme sjølv)

I barnehagen vel ungane som oftast mellom Happy Birthday og Gratulera med dagen dei velger mellom

Happy Birthday
Happy birthday to you,
happy birthday to you.
Happy birthday to Gudrun,
happy birthday to you.

Gratulera med dagen
Gratulera med dagen,
gratulera med dagen.
Gratulera kjære Gudrun,
gratulera med dagen.

 

Eg har ikkje gebursdag i dag, akkurat, eg er nemleg fødd som ein feiande flott fest på 16. mai

Ungane har lært Happy birthday på italiensk på skulen, men ved hjelp av google, tykkjer eg det minner veldig om spansk. (Og ved nærmare spørsmål til jenta mi, kom det fram at den italienske guten i klassen òg hadde lært dei den spanske versjonen)

 Italiensk versjon
Buon Compleanno a te,
Buon Compleanno a te,
Boen Compleanno cara/caro Gudrun/Gudmund
Buon Complianno a te.

Spansk versjon
Cumpleaño feliz
cumpleaño feliz
te deseamos Gudrun
cumpleaño feliz.

 Hurra for deg, av Margrethe Munthe, er vel den norske gebursdagssangen, sangen over alle. Den burde ta over att for Happy birthday er no mi meining.

 

Hurra for deg
Hurra for deg som fyller ditt år,
ja, deg vil vi gratulere.
Alle i ring omkring deg vi står,
og se nå vil vi marsjere.
Bukke, nikke, neie, snu oss i ring,
danse for deg med hopp og sprett og spring.
Ønske deg av hjerte alle gode ting,
og si meg så hva vil du mere?
GRATULERE!

 

HUGS kva eg skreiv øverst; La barnet ditt sin gebursdag verte ein fin og inkluderande dag, det er DU som bestemmer, spør i barnehagen eller skulen kven du bør invitere dersom du er usikker. Ikkje ver med på å stenge ungar ute frå fellesskapen! «Voksne skaper vennskap!!»

-Gudrun-

Haustsangar

gamle sangskattar, haust

(Bildet samsvarer, som vanleg ikkje heilt med innhaldet, det er teke på ein nyyyyydeleg haustdag på veg til Nuken, det kvite teppet er skylag som ligg som eit lokk over resten av bygda, det var magisk!)

Egentleg ville eg ha skrive om sol og vakre haustfargar når det er snakk om haustsangar, men det passar desverre mykje bedre med Ingebrigt Daviks «Vi marsjerer i gummistøvlar». Det er forøvrig ein kjempe fin sang, og min favoritt Ingebrigt Davik-sang. Eg har veldig lyst til å skrive teksten i bloggen, men let det vere til eg har fått lov til å bruke den. Men eg sler herved eit slag for marsjering i gummistøvlar 🙂

Sigbjørn Obstfelder har eit kjent dikt om regn, som er flott rytme i.

Regn
En er en, og to er to,
vi hopper i vann,
vi triller i sang.
Zikk, zakk vi drypper på tak,
tikk takk, det regner i dag.
Regn, regn, regn, regn,
øsende regn,
pøsende regn.
Regn, regn, regn, regn,
deilig og vått,
deilig og rått.
En er en, og to er to,
vi hopper i vann,
vi triller i sand.
Zikk, zakk, vi drypper på tak,
tikk, takk, det regner i dag.

Me må vel berre innsjå at det regnar, og det regnar MASSE, iallefall på Vestlandet. Og så får me heller prøve å gjere det beste ut av det. Dei fleste ungar elskar vatn, og diggar å hoppe i vasspyttar. Det set store krav til støvlar og regnklær, og eg sler herved eit slag for godt utstyr i barnehage og skule. Min midterste hadde utedag på skulen på fredag, og det REGNA (med store bokstavar), han kom att heilt gjennomvåt, men lukkeleg. Han hadde hatt ein super dag, fekk referat frå alt dei hadde gjort. 
Eg er veldig glad i Alf Prøysen sine månadssangar. Eg er generelt vorte meir og meir glad i dei tradisjonelle barnesangane. Kanskje eg skal plukke dei fram att?
HØST
Hausten kommer, adjø då sommer.
Takk for sol, takk for lys.
Høyr no tutar vinden,
stryker deg om kinnet.
Det er haust, det er haust.
(Henta frå «Labbetussemann», eit sanghefte som florerte i barnehagane for 15 år sidan.)

Nyt hausten, med eller utan regn!
-Gudrun-

Enkle tips

kreativitet, samlingstips

Føler at eg må få inn ein post i dag, men det har vore ein veldig lang dag, med tidlegvakt på jobb, personalmøte etter stengetid og foreldremøte etter det igjen. Men som sagt føler eg for å skrive ein pitte liten bloggpost, og tek med litt av dei enkle tipsa mine til samlingsstunda, som du kan få ved å svare på spørjeundersøkinga. Undersøkinga er heilt anonym, eg får ikkje opp enkelt svar som er knytta til evt. mailadresse!

Mottoet mitt er visst; det enkle er ofte det beste;

  1. Ver GLAD og SMILANDE!! (enkelt og genialt)
  2. Rørslesangar er MORO! Store og energiske rørsler!
  3. Sjå alle ungane inn i augene.
Svar på undersøkelsen, så får du fleire og meir utfyllande tips 🙂 
Eg har tre postar liggande halvferdige på lager, ein om auditivpersepsjon/høyrselssansen, ein om haust sangar og ein om Thorbjørn Egner. Barnehagen vår har Egner som forfattar i år, og eg har tvinga med min favoritt-Egner-sang som månadssang. Den passar ikkje som septembersang, men så er den heller ikkje det 😉 Her kan de øve på vår månadssang i, ja, riktig, APRIL <3 <3 <3 
Sidan eg er i det avslørande hjørne. Puslegrisen er favoritt Prøysen sangen min <3 
Nokon som vil dele favorittsangane sine? Skriv ein kommentar <3

Eg treng litt hjelp

tankespinn

Eg har laga ein liten spørjeundersøkelse, som eg håpar du tek deg tid til å svare på, dersom du føler du fell innanfor målgruppa.

Den handlar om kreativitet og sangglede, og passar for dei som jobbar med barn. Du finn den her, og som takk for hjelpa, sender eg deg «Enkle tips til ei kreativ, leiken og energisk samlingsstund»

Matsangar

dyr, gamle sangskattar

Kanskje ikkje eit heilt passande bilde då, men eg er så skjeldan ute og eter på restaurant, og bestiller endå skjeldnare dessert, så eg må ta bilde av desserten dei  gongene eg gjer det 😉 Eg pleier heller ikkje syngje for maten når eg er på restaurant, eller heime, for den saks skuld, men i barnehagen syng me alltid for maten.

Alle kan jo «Å du som metter», men den vert mykje artigare dersom de syng den på «Emil i Lønneberget»-melodien. På avdelinga mi syng me ein for-sogna versjon av Kua mi, jeg takker deg:

Kyri mi
Kyri mi, eg takkar deg.
God’e mjelk du gjir til meg.
Kår ein dag, eg til mitt brø’,
drikke mjelki di so søt.

Pulverheksa er ein sang det finst mange versjonar av, eg trur ikkje eg har høyrt den lik i to barnehagar, den går noko slikt som dette:

Pulverheksa
Pulverheksa Abelone
ete uten takt og tone
sim sum
sim sum
et i ro, verse go’

Store små er ein «småbarnsavdelings»-matsang, enkel og grei.

Store små (evt Alle små)
Store – små
sit her no
for no er det mat å få
et i ro, verså god

 

Gutar og jenter har eg lært med teiknspråk, eg jobba på ein avdeling der det hadde gått eit barn med høyrselshemming, og dei hadde behalde teikna.

Gutar og jenter
Gutar og jenter,
sit her og venter.
Magen er svolten
og halsen er tørst.
No skal me ete,
men først må me visa,
at me kan syngja sangen vår først.

Og eg må ta med sangen, dei gamle misjonskjerringane frammi Dalen sang i misjon.

Gud signe maten
Gud signe maten på vårt bord,
og mette kvar ein munn på jord.
Gud signe oss med faderhand,
Gud signe heim og folk og land.

Gud signe maten har jo òg eit takk for maten vers, som begynner slik «I Jesu’ namn me sat til bords» Wikepedia hadde ikkje rette versjonen, så viss nokon hugsar den, så må de skrive ned fortsettelsen.

Og tilslutt matsangen me hadde på Jubileumskonserten i Kulturhuset då barnehagen eg jobba i fyllte 30 år. Har berre høyrt den der.

Nokon har mat
Nokon har mat,
men dei kan ikkje eta.
Nokon kan eta,
men har ikkje mat.
Me takkar deg Gud,
me er so glad,
me kan eta og me har mat.

Å syngje for maten, er egentleg ein fin tradisjon. Er det nokon som synger for maten heime? Og dersom de har fleire matsangar, så veit de kva de skal gjere <3

God helg!
-Gudrun-

A-B-C

samlingstips

I dag har eg gjort ferdig «Alfabetet» vårt som me skal ha på fagrommet; Språk, tekst og kommunikasjon. Og mens eg klipte og laminerte, sang eg på ABC-sangar. Skriv ikkje opp teksten på dei, sidan det stortsett er A-B-C osv. (Ungane lærte forresten ein morsom ein i 1. klasse; «A B C så lett som bare D E F…» Den er litt annleis, og veldig mykje morsomare, enn dei A B C sangane me sang)


Alle skal lære bokstavene, og det er ingen grunn til å vente. Barn er lærevillige, så begynn nå og la barnet få oppdage bokstaver på samme måte som alt annet du lar det få oppdage. Å gjenkjenne bokstavene er det første skrittet på veien til lesing. Eg var i praksis for mange år sidan som førskulelærarstudent, der fekk me vere med og observere eit barn som vart trena etter Domanmetoden. Barnet me såg trena, var 2,5 år, og las. Fasinerande å sjå! No meiner ikkje eg at me skal lære alle 2 åringar å lese, men å la dei leike med bokstavar er gøy. Sjarmtrollparty har fleire kjekke bokstavprodukt. Dei kan sjå, lese, telje og skrive, alt etter alder og utvikling. Alle sidene er laminert slik at barna kan skrive og vaske bort, om og om igjen.Her kan barna tilegne seg viktig kunnskap på en morsom og praktisk måte. ABC produkta tar utgangspunkt i barns naturlige nysgjerrigheit, entusiasme og lærelyst, og gjer læringen morsom! Det finst bøker, bokstavkort og memo-spel.

No skal iallefall Bokstavane opp på veggen på avdelinga. Sjølv 2 åringane finn «Min bokstav» og er kjempe stolte 😉 Me diskuterte så vidt om korleis me skulle henge opp bokstavane, skulle me henge dei opp alfabetisk eller skal me henge dei opp heilt villt. Me datt ikkje ned på nokon konklusjon, så det vert spennande å sjå. Eg har iallefall delegert vekk pynting av avdelinga. Dersom det skal vere mitt ansvar, så vert avdelinga veldig tom og naken, for eg manglar slikt pynte-rundt-meg-gen 😉

Google er min venn, så eg avsluttar med ein link til A B C, så lett som bare D E F Utruleg moro å syngje «og så en liten Q, muuh» 😉

-Gudrun-